તમારા કામનું / કાર ઈન્શ્યોરન્સ હોય તો ખાસ જાણી લેજો: જો એક્સિડેન્ટ થાય તો તરત કરો આ કામ, ફટાફટ મળી જશે ક્લેમના પૈસા

• કાર અકસ્માત પછી, સૌથી પહેલું કામ વીમા ક્લેમ કરવાનું કરો 
• કાર અકસ્માત બાદ 7 થી 10 દિવસમાં ક્લેમ માટે અરજી કરવી જોઈએ
• ક્લેમ ફાઈલ કરતી વખતે કેટલીક બાબતોનું ધ્યાન રાખવું જોઈએ

કાર ઈન્શ્યોરન્સ ક્લેઈમ કરવાને ખૂબ જ સરળ ગણવામાં આવે છે, પરંતુ તે એટલું સરળ હોતું નથી. કાર ઈન્શ્યોરન્સ ક્લેઈમ કરતા પહેલા યોગ્ય જાણકારી મેળવવામાં આવે તો તમારું કામ જલ્દી થઈ શકે છે. અનેક વાર જોવા મળે છે કે, કાર ઈન્શ્યોરન્સ ક્લેઈમ કર્યા પછી વીમા કંપનીઓ અનેક કારણોસર એપ્લિકેશન રિજેક્ટ કરી દે છે. એવામાં જો તમારી કારનું એકસીડન્ટ થઈ ગયું છે તો તેનો વીમો ક્લેમ કેવી રીતે કરવો  વિશે જાણી લો.. 

કાર અકસ્માત પછી, સૌથી પહેલું કામ વીમા ક્લેમ કરવાનું છે, જેથી કરીને તમે સરળતાથી તમારી કાર રિપેર કરાવી શકો. એક્સ્પર્ટ અનુસાર જો કોઈની કાર અકસ્માતનો ભોગ બને છે તો 7 થી 10 દિવસમાં ક્લેમ માટે અરજી કરવી જોઈએ. આ દાવાની પ્રક્રિયામાં મદદ કરે છે. જો તમે પણ ઈચ્છો છો કે તમારો કાર ઈન્સ્યોરન્સ ક્લેમ સરળતાથી પાસ થઈ જાય, તો તમારે ક્લેમ ફાઈલ કરતી વખતે કેટલીક બાબતોનું ધ્યાન રાખવું જોઈએ. 

અકસ્માત વિશે વીમા કંપનીને જાણ કરો 
જ્યારે પણ તમારી કારમાં અકસ્માત થાય છે, તો તમારે સૌ પ્રથમ તેની જાણ વીમા કંપનીને કરવી જોઈએ. આ પછી જ વાહનને ગેરેજ અથવા ડીલર પાસે લઈ જવું જોઈએ. આ સાથે, ગેરેજમાંથી પુરાવા લો કે તમે તમારી કાર ગેરેજમાં જમા કરી છે. ઉપરાંત ગાડી ઠીક કરાવવામાં આવતા ખર્ચનો અંદાજ મેળવો અને તેને તમારી વીમા કંપની સાથે શેર કરો. 

ક્લેમ ફોર્મમાં બિલની માહિતી આપો
અકસ્માત પછી ગાડી ઠીક કરવા માટે ખર્ચવામાં આવેલા નાણાંના બિલની વિગતો ક્લેમ ફોર્મમાં ભરો. જો તમારા વીમામાં અકસ્માતને કારણે થયેલી ઇજાઓ માટે કવરનો સમાવેશ થાય છે, તો તમે મેડિકલ બિલનો પણ દાવો કરી શકો છો. 

ફાઇનલ સેટલમેન્ટ મળ્યા બાદ પૂછાયેલા પ્રશ્નો 
તમારા દ્વારા દાવો કરવામાં આવેલ રકમ અને વીમા કંપની દ્વારા આપવામાં આવેલ દાવા વચ્ચે તફાવત છે. આ કારણોસર, ખાતરી કરો કે તમને વીમા કંપની દ્વારા આવરી લેવામાં આવતા લાભો મળે છે. વીમા કંપની દ્વારા માનક સમારકામ દરો લેવામાં આવે છે. આ કારણોસર, તમારે હંમેશા વીમા કંપનીના પ્રતિનિધિને ક્લેમ શીટ પરની દરેક આઇટમ વિશે પ્રશ્નો પૂછવા જોઈએ. તેનો રેકોર્ડ પણ તમારી પાસે રાખો.