ઓટોમોબાઈલ / નવા Hero Passion Pro અને Glamour બાઈક થયા લૉન્ચ, જાણો કિંમત કેટલી

Parth

Last Updated: 07:11 PM, 18 February 2020

FOLLOW ON

શેર કરો

દેશની લોકપ્રિય બાઈક નિર્માતા કંપની હીરોએ બે નવી બાઈકનાં અપડેટેડ વર્ઝન લોન્ચ કરી દીધા છે. લોકો ઘણા સમયથી આ બંને બાઈકના બીએસ 6 વર્ઝનની રાહ જોઈર રહ્યા હતા જે બાદ હવે તેમની આતુરતાનો અંત આવ્યો છે. કંપનીએ મંગળવારે Hero Passion Pro અને Hero Glamourનું અપડેટેડ વર્ઝન લોન્ચ કરી દીધું છે. બંને બાઈક પહેલા વધુ પાવરફુલ અને વધુ માઈલેજ આપે છે.

પેશન પ્રોની કિંમત 64,990 અને 67, 190 છે
બંને બાઈકનું એન્જીન વધુ પાવરફૂલ કરવામાં આવ્યું
પહેલાં વધુ સારી સ્ટાઈલ અને વધારે કલર ઓપ્શન આપવામાં આવ્યા

હીરો કંપનીએ મંગળવારે પોતાની બે બાઈક Hero Passion Pro અને Hero Glamourનું અપડેટેડ વર્ઝન લોન્ચ કરી દીધું છે. બંને બાઈકમાં બીએસ 6 કમ્પ્લાયમેન્ટ છે જેમાં નવી સ્ટાયલીંગ, નવા ફીચર અને નવા એન્જીન આપવામાં આવ્યા છે. આ બંને બાઈક ડ્રમ અને ડિસ્ક અને બંને વેરિયન્ટમાં ઉપલબ્ધ છે. નવી પેશન પ્રોની કિંમત 64,990 અને 67, 190 જયારે ગ્લેમરની કિંમત 68,900 અને 72,400 રૂપિયા છે. બંને બાઈકમાં સારી માઈલેજ અને સ્મૂધ રાઈડીંગ માટે ટેક્નિક પણ આપવામાં આવી છે.

કેવું છે બંને બાઈકનું એન્જીન

નવી પેશન પ્રો અને ગ્લેમરમાં નવા એન્જીન આપવામાં આવ્યા છે. પેશન પ્રોમાં બીએસ 6 કમ્પ્લાયમેન્ટ 110 cc એન્જીન છે. હીરો કંપનીનું કહેવું છે કે જુના વર્ઝનની તુલનામાં નવી બાઈકમાં 9 ટકા વધારે પાવર અને 22 ટકા વધારે ટોર્ક મળે છે. નવી ગ્લેમર બાઈકમાં 125 cc સિંગલ સીલીન્ડર પેટ્રોલ એન્જીન જે જુના મોડલથી 19 ટકા વધુ પાવર આપે છે. પહેલા 4 સ્પીડ યુનિટ ગીયરબોક્સ આપવામાં આવતું હતું પરંતુ હવે 5 સ્પીડ ગીયરબોક્સ આપવામાં આવ્યું છે.

અપડેટેડ બાઈકમાં 4 નવા કલર ઓપ્શન

નવી પેશન પ્રોમાં 4 નવા કલર ઓપ્શન આપવામાં આવ્યા છે. પેશન પ્રોમાં ડાયમંડ ફ્રેમ આપવામાં આવી છે જેથી બાઈકના વજનમાં ઘટાડો થાય છે. જે કારણે બાઈકમાં વધુ માઈલેજ મળશે. નવી ગ્લેમર બાઈકમાં પણ ચાર કલર ઓપ્શન આપવામાં આવ્યા છે. બાઈકમાં રીયલટાઈમ માઈલેજ અને ડિજિટલ એનાલોગ ઈન્સ્ટ્રૂમેન્ટ એન i3 ટેકનોલોજી આપવામાં આવી છે.

સંકળાયેલા મુદ્દાઓ

glamor hero passion pro હીરો ગ્લેમર હીરો પેશન પ્રો હીરો મોટોકોર્પ automobile