- બેંગલુરૂમાં ભારે કરા સાથે વરસાદ પડ્યો
- કાર સવાર 6 લોકોને રેસક્યું કરી બહાર કઢાયા
- આર સર્જિકલ અંડરપાસમાં પાણી ભરાઈ ગયું હતું
બેંગલુરૂમાં ભારે વરસાદના કારણે રવિવારે આર સર્જિકલ અંડરપાસમાં પાણી ભરાઈ ગયું હતું. જેના કારણે ત્યાં કાર ફસાઈ ગઈ હતી જે કારમાં સવાર પરિવારને ફાયર વિભાગ અને ઈમરજન્સી સેવાની ટીમે ભારે જહેમત બાદ બચાવી લીધો છે. પાપ્ત વિગતો મુજબ કારમાં સવાર એક મહિલાની હાલત ગંભીર હતી જેને તાત્કાલિક સારવાર માટે હોસ્પિટલ ખસેડવામા આવી છે.
ભારે કરા સાથે વરસાદ
બેંગલુરૂમાં ભારે કરા સાથે વરસાદ પડ્યો છે જેનાથી નીચાણવાળા વિવિધ વિસ્તારો પાણીમાં ગરકાવ થઈ ગયો છે. વિગતો મુજબ રવિવારે બપોરના સમય એક પરિવાર ભારે વરસાદ અને કરાવૃષ્ટિ વચ્ચે કાર લઈને રહ્યો હતો ત્યારે વરસાદના કારણે 6 લોકોનો પરિવાર ફસાયો હતો.
કાર ડૂબવા લાગી હતી
અંડરપાસમાં પાણીના સ્તરનો જાણ્યા વિના કાર ચાલકે આગળ વધવાનો પ્રયાસ કર્યો પરંતુ અધવચ્ચે જ કાર ફસાઈ ગઈ હતી અને કાર ડૂબવા લાગી હતી. કારમાં સવાર લોકો બહાર નીકળવાનો પ્રયાસ કર્યો હતો. ભારે વરસાદને કારણે પાણીની સપાટી સતત વધવા લાગી હતી. પરિવારજનોએ મદદ માગતા આસપાસના લોકો તેમને બચાવવા દોડી આવ્યા હતા. લોકોએ સાડી અને દોરડાની મદદથી તેમને ત્યાંથી બહાર કાઢવાનો પ્રયાસ કર્યો હતો.
સીડીની મદદથી બહાર નીકાળ્યા
મળતી માહિતી મુજબ કે, ફસાયેલા લોકોએ બહાર નીકળવાનો પ્રયાસ કર્યો હતો પરંતુ તે નીકળી શક્યા ન હતા. જેમાંથી બેને ફાયર વિભાગની ટીમ દ્વારા બહાર કાઢવામાં આવ્યા હતા, જ્યારે અન્યને સીડીની મદદથી કરીને બહાર નીકાળવામાં આવ્યા હતા.
