વિધાનસભા ગૃહમાં ગૃહ રાજ્યમંત્રીએ કોંગ્રેસના નેતાને લઈ દાવો કર્યો હતો કે, તેઓ ભાજપની વિચારધારાવાળા છે. જેના જવાબમાં કોંગ્રેસનાં ધારાસભ્યએ કહ્યું કે મારા DNA માં કોંગ્રેસ છે.
Share
તા. 1 લી ફેબ્રુઆરીથી શરૂ થયેલ વિધાનસભા પ્રશ્નોત્તરી કાળ શરૂ થયો છે. વિધાનસભાના ગૃહમાં હર્ષ સંઘવીએ કોંગ્રેસ નેતા શૈલેષ પરમારને લઈ દાવો કર્યો હતો. શૈલેષ પરમાર ભાજપની વિચારધારાવાળા હોવાનો દાવો કર્યો હતો. તેમજ શૈલેષ પરમારના મનમાં ભાજપનાં વિચારો છે.
તમારા વિચારો તો ભાજપ તરફ છે:હર્ષ સંઘવી
હર્ષ સંઘવીએ કરેલ દાવાનો જવાબ શૈલેષ પરમારે જવાબ આપ્યો હતો કે, મારા ડીએનએમાં કોંગ્રેસ છે. હું કોંગ્રેસની સાથે જ છું. એટલે જ સામે બોલું છું. શૈલેષ પરમારના જવાબ સામે હર્ષ સંઘવીનો એક જ રાગ છે. તમારા વિચારો તો ભાજપ તરફ છે.
ડ્રાઈવર, કંડક્ટર, મિકેનિક સહિતનાં કર્મચારીઓની ભરતી કરાશેઃ હર્ષ સંઘવી
રાજ્યનાં વાહન વ્યવહાર મંત્રી હર્ષ સંધવીએ વિધાનસભામાં જણાવ્યું હતું કે, વર્ષ 2024 નાં અંત સુધીમાં ગુજરાત સરકારનાં વાહન વ્યવહાર વિભાગમાં ડ્રાઈવર, કંડક્ટક, મિકેનિક સહિતનાં કર્મચારીઓ સહિત 11 હજાર કરતા વધારે કર્મચારીઓની ભરતી કરાશે. તેમજ ચાલુ વર્ષેનાં અંત સુધીમાં સમગ્ર ભરતી પ્રક્રિયા પૂર્ણ કરી દેવામાં આવશે.
એસ.ટી.નિગમ નુકશાનીમાંથી નફામાં આવ્યુંઃ હર્ષ સંઘવી
તેમજ હર્ષ સંઘવીએ જણાવ્યું હતું કે, એસ.ટી. નિગમ નુકશાનમાંથી નફામાં આવ્યું છે. જે નફો હવે મુસાફરોને વધુ ઉપયોગી સેવા આપવામાં વાપરવામાં આવશે. ગુજરાત એકમાત્ર એવું રાજ્ય છે. જ્યાં એસટીમાં મુસાફરોની સંખ્યામાં દિનપ્રતિદિન વધારો થઈ રહ્યો છે. પહેલા એસટીમાં 25 લાખ મુસાફરો હતા જે વધીને 27 લાખ મુસાફરો એસટીમાં મુસાફરી કરી રહ્યા છે.
