બેરોકટોક ખનન / ગીરમાં ચાલતા ગેરકાયદે ખનન મુદ્દે હાઈકોર્ટે સરકારને આડે હાથ લીધી, કહ્યું ખનન કરનાર સામે કાર્યવાહી કરો

• ગીર અભ્યારણ્યને લઇને રાજ્ય સરકારને નિર્દેશ
• ગુજરાત હાઇકોર્ટનો રાજ્ય સરકારને નિર્દેશ
• ગેરકાયદે ખનન કરનાર સામે કાર્યવાહી કરવા નિર્દેશ 

ગીર અભ્યારણ્યમાં ખનન પ્રવૃતિ સામે ગુજરાત હાઇકોર્ટ સખ્ત વલણ અપનાવ્યું છે. અભ્યારણ્યમાં ગેરકાયદેસર રીતે ખનન થતુ હોવાની અરજી કોર્ટમાં કરવામાં આવી હતી જે બાદ આજે થયેલી સુનાવણીમાં હાઈકોર્ટ ખનન માફિયાઑ સામી કડક વલણ અપનાવ્યું છે. અને રાજ્ય સરકારને નિર્દેશ કર્યો છે કે  ગેરકાયદે ખનન કરનાર સામે તાત્કાલિકના ધોરણે કાર્યવાહી કરવામાં આવે. 

ગેરકાયદે ખનન ચલાવી લેવાય નહીં: HC
ગીર અભ્યારણ્યમાં ખનન પ્રવૃતિ સામે ગુજરાત હાઇકોર્ટમાં અરજી કરવામાં આવી હતી જે બાદ ગુજરાત હાઇકોર્ટ રાજ્ય સરકારને નિર્દેશ કરતાં કહ્યું છે કે ગેરકાયદે ખનન ચલાવી લેવાય નહીં. ગીર અભ્યારણ્ય-વન્ય જીવોનું રક્ષણ એ સરકારની પ્રાથમિકતા હોવી જોવાની ટકોર કરતાં નિર્દેશ પણ કર્યો છે કે અભ્યારણ્ય વિસ્તારમાં ખનન કરનાર સામે કાર્યવાહી કરવામાં આવે અને ખનન માફિયાઑ પર લગામ લગાવવામાં આવે પણ ગીર તંત્રને અને સરકારને ગેરકાયદે ખનન મામલે હાઈકોર્ટ આ અગાઉ પણ નિર્દેશ કરી ચૂકી છે છતાં પણ ન સરકારના પેટનું પાણી હલે છે ન ગીરના અધિકારીઑનું બસ કાર્યવાહીના નામે ગીરમાં ચાલતા ખનનને વાતો કરી સાઈડ લાઈન કરી દેવાય છે.

ગીરનાર અભ્યારણ ઇકો સેન્સેટિવ ઝોન
આપણા દેશમાં ખનિજચોરી એ મોટું દૂષણ બની ગયું છે...ખનીજ માફિયાઓ તમામ પ્રકારના નિયમો નેવે મૂકીને જમીન ઉસેટી  રહ્યા છે, જંગલની કીમતી વસ્તુ અધિકારીઑના મોઢા ભરી ખુલ્લેઆમ જંગલ સંપત્તિનો દૂરપયોગ કરી રહ્યા છે. ગીરનાર અભ્યારણને ઇકો સેન્સેટિવ ઝોન જાહેર કરાયેલો છે, છતાંય કોઈક વખત બ્લાસ્ટ કરીને પથ્થરોનું ખનન થઈ રહ્યું છે તો ક્યાંક જમીન કે રેતી, બસ જાણે ગીરમાં ગેરકાયદે ખનન કરવાની હોડ જામી હોય તેમ ખનન માફિયાઑ બેફામ બની ગયા છે જેમના પર ન સરકારની લગામ છે ન ગીર અભ્યારણના સત્તાધીશોની બસ મોટા પાયે ચાલતા ખનનમાં મહિનામાં એકાદ બે ને પકડી કાર્યવાહીનું તરકટ રચી દેવાય છે પણ ન તો ખનન કરતી મોટી માછલીઓને પકડવામાં આવે છે ન તેના પર કોઈ રોક ટોક રાખવામાં આવે છે જેના લીધે આસપાસના ગામડાઓ તો ચિંતિત બન્યા છે. સાથે સાથે પર્યાવરણ અને વણી પશુઑને પણ મોટી ખલેલ પહોંચી રહી છે.