વિધાનસભા પેટાચૂંટણી / પેટાચૂંટણીમાં માત્ર ઉમેદવારો જ ઉત્સાહીત, મતદારો નિરસ દેખાયા, છ બેઠક પર સરેરાશ 50 ટકા મતદાન

રાજ્યની 6 વિધાનસભા બેઠકો પર પેટાચૂંટણીનું મતદાન પૂર્ણ થઈ ચૂક્યું છે. સાંજે 6 વાગ્યા સુધીમાં તમામ બેઠકો પર સરેરાશ 50 ટકા જેટલું મતદાન નોંધાયું છે. રાજ્યની રાધનપુર, થરાદ, ખેરાલુ, અમરાઈવાડી, લુણાવાડા અને બાયડ બેઠક પર પેટાચૂંટણીનું મતદાન યોજાયું છે. જેનું આગામી 24 ઓક્ટોબરે પરિણામ જાહેર થશે.

આ તમામ બેઠકો પર મતદાનની ટકાવારી પરથી તો એક વાત સ્પષ્ટ છે કે, ગત વિધાનસભા ચૂંટણી કરતા આ પેટાચૂંટણીમાં મતદારોમાં નિરાશાનો માહોલ જોવા મળ્યો છે. 

મતદાનના આંકડા પર નજર કરવામાં આવે સાંજે 6 વાગ્યા સુધીમાં સરેરાશ રાધનપુર બેઠક પર 60 ટકા, થરાદ બેઠક પર 65 ટકા, ખેરાલુ બેઠક પર પર 42 ટકા, અમરાઈવાડી બેઠક પર 31 ટકા, લુણાવાડા બેઠક પર 47 ટકા અને બાયડ બેઠક પર 57 ટકા મતદાન નોંધાયું છે.

ગુજરાતની છ બેઠકો પરના મતદાનની ટકાવરી સમય પ્રમાણે

ઉમેદવારો અને સમર્થકોમાં જ ઉત્સાહ, મતદારો નિરસ

પેટાચૂંટણી હોવાથી મતદારોમાં ક્યાંક ઉત્સાહ તો ક્યાંક નિરસતાં જોવા મળી છે. જો કે ઉમેદારો અને તેમના સમર્થકો સિવાય ઉત્સાહ ક્યાંક જોવા મળી રહ્યો નથી. જો કે વહેલી સવારે મતદાન મથક પર મતદારોની લાંબી લાઇન લાગી છે.  પેટાચૂંટણીને લઇને મતદાનનો શાંતિપૂર્ણ પ્રારંભ થયો છે. જેમાં મુખ્યત્વે ભાજપ અને કોંગ્રેસ વચ્ચે સીધી ટક્કર જોવા મળી રહી છે. અહીં સાંજના 5 વાગ્યા સુધી મતદાન ચાલ્યું હતું.

જડબેસલાક સુરક્ષા વ્યવસ્થા વચ્ચે મતદાન થયું

રાજ્યની 6 વિધાનસભા બેઠક પરની પેટાચૂંટણીને લઇને મતદાન કેન્દ્ર પર SRP, CRPF, BSF સહિતની ટૂકડીઓ બંદોબસ્તમાં તૈનાત કરવામાં આવી હતી. જ્યારે સંવેદનસીલ મતદાન કેન્દ્રનું વીડિયો રેકોર્ડિંગ પણ કરવામાં આવ્યું હતું. મતદાન કેન્દ્ર પર પોલીસ જવાનો અને હોમગાર્ડના જવાનો પણ તૈનાત કરવામાં આવ્યાં હતા. જ્યારે ચૂંટણીને લગતી ફરિયાદ 1950 હેલ્પલાઇ નંબર જાહેર કરવામાં આવ્યો હતો.

આકડાંકીય માહિતી

• 1781 મતદાન મથક પર મતદાન થયું
• 6 બેઠકના કુલ 14.73 લાખ મતદારો 
• 24 ઓક્ટોબરનાં રોજ મત ગણતરી હાથ ધરાશે
• 81 મતદાન મથક પરથી વેબ કાસ્ટિંગ થયું
• ચૂંટણીને લગતી ફરિયાદ  1950 હેલ્પલાઇ નંબર પર કરી શકાશે

અલ્પેશ ઠાકોરે કર્યું મતદાન, કહ્યું કે BJPની જીત નિશ્ચિત છે


બાયડ બેઠક પર મતદારોમાં ઉત્સાહ

થરાદ  બેઠક પર મતદારોની લાંબી લાઈનો

 

 

 

 

View this post on Instagram

 

 

 

 

 

 

 

 

 

થરાદમાં આજે પેટાચૂંટણી યોજાઈ રહી છે ત્યારે વહેલી સવારથી મતદાન કરવા માટે લોકોની લાઈન જોવા મળી રહી છે. થરાદના ભાચર ગામમાં વહેલી સવારથી લોકો મતદાન કરવા માટે લાઈનમાં જોવા મળી રહ્યાં છે. વિધાનસભાની પેટાચૂંટણીમાં મતદારો પોતાના મતાધિકારનો ઉપયોગ કરીને ધારાસભ્યને ચૂંટશે. #tharad #Election2019 #gujaratelection #byelection #bypollelection

A post shared by VTV Gujarati News and Beyond (@vtv_gujarati_news) on Oct 20, 2019 at 10:41pm PDT

થરાદ બેઠક પરથી પેટાચૂંટણીના મતદારો સાથે ખાસ વાતચીત

અમદાવાદની અમરાઈવાડી બેઠકની પેટાચૂંટણીના મતદાનની શરૂ થયું છે. જેમાં કોંગ્રેસના ઉમેદવાર ધર્મેશ પટેલ સાથે ખાસ વાતચીત

ભાજપી સાંસદ પરબત પટેલ સાથે VTVની ખાસ વાતચીત

લુણાવાડાના કોંગ્રેસી ઉમેદવાર ગુલાબસિંહ ચૌહાણ સાથે ખાસ વાતચીત