ડબલ ડેકર / અમદાવાદીઓ માટે માઠા સમાચાર, AMTS-BRTSના ભાડામાં કરાયો વધારો, જુઓ કેટલો

• AMC દ્વારા AMTS-BRTSના ભાડામાં કરાયો વધારો
• AMTSમા 3 કિમીનું મીનીમમ ભાડું રૂ 5 કરાયુ 
• પેટ્રોલ-ડીઝલ અને CNGના ભાવમાં વધારો થતા લેવાયો નિર્ણય

AMTS-BRTS ના ભાડામાં વધારો કરવાનું નક્કી કરવામાં આવ્યું છે. ત્યારે અમદાવાદીઓનાં ખિસ્સા પર ભાર વધ્યો છે. AMC દ્વારા ભાડામાં કરાયો વધારો કરાયો છે. જેમાં AMTSમા 3 કિમીનું મીનીમમ ભાડું રૂ 5 કરાયુ છે. જ્યારે પહેલા AMTSમાં 3 કીમીનું મીનીમ રૂા. 3 હતું.  મેક્સિમમ ભાડું રૂા. 30 કરવામાં આવ્યું છે. 1 જુલાઈ થી ભાડા વધારો લાગુ પડશે.  મનપસંદ મેન ટિકિટ રૂ 35 નાં બદલે રૂ 45 કરવામાં આવી છે. કિલો મીટરને આધારે ભાવ વધારો કરવામાં આવ્યો. 

છેલ્લે 2014માં AMCએ ભાડામાં વધારો કર્યો હતો
અમદાવાદીઓને એક જગ્યાએથી બીજી જગ્યા માટે આવવા જવા માટે તકલીફ ન પડે તે માટે AMC  દ્વારા AMTS-BRTS શરૂ કરવામાં આવી છે. જેથી રીક્ષાનાં મોંઘા ભાડા ન ખર્ચવા પડે. ત્યારે દિવસેને દિવસે પેટ્રોલ તેમજ સીએનજીનાં ભાવમાં પણ વધારો થતા હવે એએમસી દ્વારા પણ AMTS-BRTSનાં ભાડામાં વધારો કરવાનું નક્કી કરવામાં આવ્યું છે. ત્યારે AMTSનું લઘુત્તમ ભાડું 3 રૂપિયા છે જે વધીને 5 રૂપિયા સુધી થઇ શકે છે. તેમજ AMTSનું મહત્તમ ભાડું અત્યારે 35 રૂપિયા છે. BRTSમાં લઘુત્તમ ભાડું 4 રૂપિયા છે અને મહત્તમ ભાડું 32 રૂપિયા છે. પેટ્રોલ-ડીઝલ અને CNGના ભાવમાં ફેરફાર થતાં વધારો થશે. છેલ્લે 2014માં AMCએ ભાડામાં વધારો કર્યો હતો.