BIG NEWS / CNG વાહન ચાલકો માટે સારા સમાચાર, આવતીકાલે ચાલુ રહેશે પંપ, સીએનજી સંચાલકોએ આ કારણે પાછી ખેંચી હડતાળ

• રાજ્યના સીએનજી સંચાલકોની હડતાલ સ્થગિત
• આવતી કાલથી સંચાલકો અચોક્કસ મુદ્દતની હડતાળ પર ઉતરવાના હતા 
• સરકારના હકારાત્મક વલણના કારણે હડતાલ પાછી ખેંચાઇ

રાજ્યમાં સીએનજી પંપના સંચાલકો દ્વારા અવાર નવાર માર્જીનમાં વધારો કરવાની માંગ કરી હતી. પરંતું માર્જીનમાં કોઈ વધારો કરવામાં ન આવતા એક દિવસ સીએનજી વેચાણ બંધ રાખવાનો નિર્ણય સંચાલકોએ કર્યો હતો.  ત્યારે આજે સરકારના હકારાત્મક વલણના કારણે પંપ સંચાલકો દ્વારા હડતાળ હાલ પુરતો સ્થગિત રાખવાનો નિર્ણય લીધો છે. 
માંગ ન સ્વીકારાતા વિરોધ નોંધાવવાનો નિર્ણય લીધો હતો
CNG પંપના ડિલર્સના માર્જિનમાં વધારો ન થતાં તેઓ 3 માર્ચના રોજ CNGનું વેચાણ બંધ રાખી વિરોધ નોંધાવવાનાં હતા. CNG વેચતા ડિલર્સના માર્જીનમાં વધારો ન થતા તેમણે આ નિર્ણય લીધો છે. ડિલર્સે વારંવાર રજૂઆત કરવા છતા માંગ ન સ્વીકારાઇ હોવાનું જણાવ્યું છે. 55 મહિનાથી CNGનું માર્જિન વધ્યું ન હોવાના કારણે ડિલર્સ વિરોધ નોંધાવવાનો નિર્ણય લીધો હતો.
હડતાળ મોકુફ રાખવામાં આવી
ફેડરેશન ઓફ ગુજરાત પેટ્રોલીયમ ડીલર્સ એસોસીએશનન તમામ કમિટી સભ્યોએ એક સૂચના બહાર પાડી હતી. જેમાં તેમણે લખ્યું છે કે, CNG ડીલર માર્જીન છેલ્લા 55 મહીનાથી વધ્યું નથી, તે અંગે આપણા ફેડરેશન તરફથી અનેક પત્રો લખ્યા, મીટીંગ કરી તેમ છતાં આપણું ડીલર માર્જીન વધાર્યુ નથી માટે ગુજરાત રાજ્યના તમામ CNG ડીલરોએ વેચાણ અચોક્સ સમય માટે બંધ રાખવાનો નિર્ણય કર્યો હતો.  જે હડતાળ હવે મોકુફ રાખવામાં આવી છે.