ભારે કરી / VIDEO: સરકારી બાબુઓ મસ્ત તડકો ખાવા ગયા, ફાઈલ લઈને 'ફરાર' થઈ બકરી, વીડિયો વાયરલ

• કાનપુરમાં સરકારી ઓફિસમાં બકરી ફાઈલ લઇને ફરાર
• આરામ ફરમાવી રહેલા કર્મચારીઓનો લેવાયો ઉધડો
• સોશિયલ મીડિયામાં યુઝર્સે કર્મચારીઓને ગણાવ્યાં બેદરકાર

બકરીએ કર્મચારીઓને દોડાવ્યાં

પ્રાપ્ત માહિતી મુજબ, આ વીડિયો કાનપુરની બ્લોક ઓફિસનો છે. જ્યારે બકરીએ આ કામને અંજામ આપ્યો ત્યારે કર્મચારીઓ ઠંડીથી બચવા માટે તડકો ખાવા ગયા હતા. બહાર ટેબલ-ખુરશી હતી. બેદરકારીની પરાકાષ્ટા તો જુઓ તેમની સામે બકરી ચરી રહી હતી. પરંતુ કોઈને ફરક પડતો ન હતો. ત્યારબાદ બકરીનો મૂડ બદલાયો અને તે ઓફિસની અંદર ઘુસી ગઇ. બકરી ઓફિસની અંદર ઘુસી અને ઓફિસમાં રાખેલી ફાઈલને મોંઢામાં ચાવીને આરામથી બહાર આવી ગઇ. ફાઈલને ખાવાનું સમજીને બકરીને ચાવવાનું પણ શરૂ કર્યુ હતુ. થોડા સમય બાદ કર્મચારીઓની નજર જેવી બકરી પર પડી તો તેમને પોતાની ભૂલનો અહેસાસ થયો અને ફાઈલ લેવાનો પ્રયત્ન કરવા લાગ્યાં. પરંતુ બકરીએ કર્મચારીઓને દોડતા કરી દીધા. 

कानपुर भी गज़बे है भाई.. एक बकरी सरकारी कार्यालय से पेपर चबा के भाग रही है और कर्मचारी पीछा कर रहे है pic.twitter.com/ql6Yt0D3aE

— rajeev nigam (@apnarajeevnigam) December 1, 2021

યુઝર્સે કર્મચારીઓનો લીધો ઉધડો

બકરી ફાઈલ લઇને દોડતી રહી અને કર્મચારીઓ તેને પકડવા માટે દોડાદોડી કરવા લાગ્યા. ભારે જહેમત બાદ જ્યારે બકરી હાથમાં આવી ત્યારે તે અડધી ફાઈલને ખાઈ ચૂકી હતી. ગમે તે રીતે કર્મચારીઓ બાકી ફાઈલને બચાવવામાં સફળ થયા. આ દરમ્યાન કોઈએ આ ઘટનાનો વીડિયો બનાવી લીધો અને તેને સોશિયલ મીડિયામાં અપલોડ કરી દીધો. પછી વીડિયો વાયરલ થયો અને યુઝર્સે કર્મચારીઓનો ઉધડો લીધો.

શલ્વી ઠાકુરે કર્મચારીઓ પર પ્રહાર કર્યા

શલ્વી ઠાકુરે (@Shivani36244385) આ વીડિયો પર પ્રતિક્રિયા આપી કર્મચારીઓ પર પ્રહાર કર્યા. તેમણે લખ્યું, આ એવા લોકો છે, જે પોતાના પદની ગરીમા અને પોતાની બેદરકારીને સમજતા નથી. જેનું પરિણામ સામાન્ય જનતાએ ભોગવવુ પડે છે.