NULL / 7 દિવસ સુધી દૂધમાં આદું નાખીને પીવાથી આ બિમારીઓ રહેશે તમારાથી દૂર

આદું સ્વાસ્થ્ય માટે કેટલું ગુણકારી છે તેના વિશે તમામ લોકો જાણતા જ હશો. આદુંવાળું પાણી અથવા ચા પીવાના ફાયદા વિશે પણ જાણતા જ હશો પણ આદુને દૂધમાં મિક્સ કરીને પીવાના ફાયદાઓ વિશે કદાચ તમે લોકો અજાણ હશો. 

જી હા આદુમાં એન્ટી- મેટરી અને એન્ટી-બેક્ટેરિયલ ગુણ હોય છે જેના કારણે શરદી-ખાંસી અથવા વાયરલ ફ્લૂ થયુ હોય તેવા દર્દીઓને આદુનું સેવન કરવાની સલાહ આપવામાં આવે છે. ગર્ભવતી મહિલાઓને પણ મોર્નિંગ સિકનેસથી રાહત અપાવવા માટે આદુ વાળી ચા પીવાની સલાહ આપવામાં આવે છે. દૂધને સંપૂર્ણ આહાર માનવામાં આવે છે અને હવે તેમાં આદુ મિક્સ કરો તો તેના ફાયદા બમણા થઈ જાય છે.

આદું વાળું દૂધ બનાવવાની રીત:

સૌથી પહેલા આદુંને પાણીથી ધોઈને નાના-નાના ટુકડાંઓ કાપી લો અને પછી એક તપેલીમાં દૂધ ગરમ કરો. જ્યારે દૂધ ઉકળવા લાગે ત્યારે તેમાં આદુંના ટુકડાં નાખીને વધારે ઉકળવા દો. ત્યાર પછી દૂધ ગાળી લો અને થોડું હુફાળું થાય તો પી લો.

શું છે ફાયદા:

નિયમિત રૂપથી દૂધમાં આદું નાખીને પીવાની સ્વાસ્થ્ય માટે ફાયદાકારક સાબિત થાય છે આ પીણું અનેક પ્રકારના રોગથી બચાવે છે. જાણો તેના મુખ્ય ફાયદાઓ વિશે..

- જો તમે સતત કબજિયાત ગેસ અને એસિડિટી જેવી પેટથી જોડાયેલી સમસ્યાથી પરેશાન છો તો આદું અને દૂધનું આ મિશ્રણ તમારા માટે સૌથી ઉપાય સાબિત થશે. આદુંમાં એન્ટી-ઇન્ફલેમેટરી ગુણ પાચનતંત્રને ઠીક કરી દે છે અને દૂધ કબજિયાત જેવી સમસ્યાને દૂર કરે છે. તમે સવારે નાસ્તામાં આ દૂધ પી શકો છો.

- ઋતુ બદલવાથી કેટલાક લોકોને તરત શરદી-ખાંસી થઇ જાય છે.વાસ્તવમાં  રોગપ્રતિકારક શક્તિ નબળી હોવાને કારણે આમ થાય છે. માટે તેમણે આદું વાળા દૂધનું સેવન ચોક્કસપણે કરવું જોઈએ. આદુના એન્ટી-બેક્ટેરિયલ ગુણ શરીરમાં રહેલા હાનિકારક બેક્ટેરિયાનો નાશ કરે છે અને શરીરને સંક્રામક બીમારીઓથી બચાવે છે.

- ગળાની ખરાશ દૂર કરવા માટે આદુંવાળું દૂધ ફાયદાકારક સાબિત થાય છે. જે ન તો માત્ર ગળાની ખરાશ દૂર કરે છે અને સાથે જ ગળાના ઇન્ફેક્શનને પણ જલ્દીથી ઠીક કરે છે. જો તમે પણ ગળાની ખરાશની સમસ્યાથી પરેશાન છો તો રાતે સૂઇ જતા પહેલા આદુંવાળું દૂધ પીવો અને તેના એક કલાક સુધી પાણી ના પીવો.

- દૂધમાં રહેલા કેલ્શિયમ અને પોટેશિયમના તત્વો હાડકાં મજબૂત કરવામાં મદદ કરે છે. આદુમાં રહેલા એન્ટી-ઈન્ફ્લેમેટરી ગુણ હાડકાના સોજા દૂર કરે છે. માટે આ ડ્રિન્ક ઓસ્ટિયોપોરોસિસના દર્દીઓ માટે ઘણું ફાયદાકારક છે.