પરીક્ષણ / પહેલી વાર અમેરિકાએ ચીન પાસે જઈને ઝીંકી મોટી મિસાઈલ, ખળભળી ઉઠ્યું

US Tests Hypersonic Missile: અમેરિકાની વાયુ સેનાએ પ્રશાંત મહાસાગરમાં હાઇપરસોનિક મિસાઇલનું પરીક્ષણ કરીને સૌને ચોકાવી દીધા છે.  યુએસ એરફોર્સના જણાવ્યા અનુસાર રવિવારે ગુઆમ સૈન્ય મથક પરથી પરીક્ષણ હાથ ધરવામાં આવ્યું હતું, જ્યારે એક B-52 બોમ્બરે એર-લોન્ચ્ડ રેપિડ રિસ્પોન્સ વેપન (એઆરઆરડબ્લ્યુ) વહન કર્યું હતું અને થોડા સમય પછી તેને લોન્ચ કર્યું હતું. જોકે પરીક્ષણ સફળ રહ્યું કે નહીં તેનો ખુલાસો યુએસ એરફોર્સે કર્યો નથી.

અમેરિકાનું આ પરિક્ષણ રેસમાં ટકી રહેવા માટે

ગુઆમ પ્રશાંત મહાસાગરમાં ચીનની નજીકનો એક ટાપુ છે, જ્યાં અમેરિકાનું લશ્કરી મથક અને મહત્વપૂર્ણ વ્યૂહાત્મક કેન્દ્ર છે. આ પ્રથમ વખત છે જ્યારે અમેરિકાએ ચીનની નજીક ARRW અથવા કોઈપણ હાઇપરસોનિક મિસાઇલનું પરીક્ષણ કર્યું છે. આ પરીક્ષણ ચીન સહિત સમગ્ર પ્રશાંત ક્ષેત્ર માટે મોટો સંદેશ છે. ડિફેન્સ ન્યૂઝ અનુસાર યુએસ એરફોર્સ દ્વારા હાથ ધરવામાં આવેલ આ પરીક્ષણ પેન્ટાગોન પર હાઈપરસોનિક હથિયારોની રેસમાં રહેવા માટે વધતા દબાણ વચ્ચે આવ્યું છે. અમેરિકા લાંબા સમયથી દબાણમાં છે કારણ કે તેના બે મોટા હરીફ ચીન અને રશિયાએ આ ક્ષેત્રમાં ઘણી પ્રગતિ કરી છે.

ઉત્તર કોરિયા હથિયારોની રેસમાં આગળ

એટલું જ નહીં રશિયા અને ચીનની નજીક ઉત્તર કોરિયા પણ હાઇપરસોનિક હથિયારોની રેસમાં આગળ છે. કિમ જોંગ ઉન દ્વારા શાસિત ઉત્તર કોરિયાએ પણ મંગળવારે મધ્યમ અંતરની હાયપરસોનિક મિસાઇલ માટે સોલિડ-ફ્યુઅલ એન્જિનનું સફળતાપૂર્વક પરીક્ષણ કર્યું હતું. દક્ષિણ કોરિયાના રાષ્ટ્રીય મીડિયાએ બુધવારે આ માહિતી આપી છે. 'હાયપરસોનિક મિસાઇલ' એ હાઇ-ટેક શસ્ત્ર પ્રણાલીઓની શ્રેણીનો એક ભાગ છે જેને ઉત્તર કોરિયાના નેતા કિમ જોંગ ઉને 2021માં અમેરિકાની વધતી દુશ્મનાવટનો સામનો કરવા જાહેરમાં રજૂ કરવાનું વચન આપ્યું હતું. સત્તાવાર કોરિયન સેન્ટ્રલ ન્યૂઝ એજન્સીએ અહેવાલ આપ્યો છે કે કિમે મંગળવારે ઉત્તર-પશ્ચિમના 'રોકેટ લોન્ચ સેન્ટર' ખાતે 'હાયપરસોનિક મિસાઈલ' માટે 'મલ્ટી-સ્ટેજ સોલિડ ફ્યુઅલ' એન્જિનના ગ્રાઉન્ડ જેટ ટેસ્ટનું માર્ગદર્શન આપ્યું હતું.

આ પણ વાંચોઃ ગુજરાત યુનિ.ની બબાલને જોતા VNSGUના સત્તાધીશો હરકતમાં, વિદ્યાર્થીઓના હિતમાં લેવાયો મોટો નિર્ણય

અલાસ્કા સુધી પહોચી શકે છે

કોરિયન સેન્ટ્રલ ન્યૂઝ એજન્સી અનુસાર જાણકારો માને છે કે પ્યોંગયાંગની મધ્યવર્તી-રેન્જની મિસાઇલોનો મુખ્ય હેતુ પેસિફિક મહાસાગરમાં સ્થિત ગુઆમ ટાપુ પર છે, જ્યાં યુએસ સૈન્ય મથકો સ્થિત છે. આ મિસાઇલો સંભવિતપણે અલાસ્કા સુધી પહોંચી શકે છે અને તેમની રેન્જમાં હોવા છતાં જાપાનના ઓકિનાવા ટાપુમાં યુએસ લશ્કરી સ્થાપનો માટે પણ ખતરો પેદા કરી શકે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો