અમદાવાદ / 'તમે ખરીદેલી વસ્તુ મિસબ્રાન્ડેડ તો નથી ને' ગ્રાહક સુરક્ષા ગ્રાહક સત્યાગ્રહની આરટીઆઇમાં મોટો ધડાકો

• અમદાવાદઓ ખાદ્ય સામગ્રી કે ખાદ્ય વસ્તુ ખરીદતા પહેલા ચેતજો ?
• શું તમે જે વસ્તુ ખરીદી રહ્યા છો તેનું સ્ટાન્ડર્ડ જળવાયેલું છે ?  
• તમે ખરીદેલી વસ્તુ મિસ બ્રાન્ડ તો નથી ને !      

 આજે ફૂડ સેફટી દિવસ છે ત્યારે ફૂડ સેફટી દિવસે અમદાવાદમાં તહેવારોમાં લેવામાં આવતા ખાદ્ય સામગ્રીના સેમ્પલ બાદ ચકાસણી થાય છે. જેનું શું પરિણામ આવ્યું તે અંગે ગ્રાહક સુરક્ષા ગ્રાહક સત્યાગ્રહ દ્વારા આરટીઆઇ કરવામાં આવતા ધડાકો થયો છે. ખાદ્ય સામગ્રી ભેળસેળ યુક્ત હોવાનો ખુલાસો ગ્રાહક સુરક્ષા ગ્રાહક સત્યાગ્રહ દ્વારા કરેલી RTIમાં  થયો છે. કેમકે તહેવાર આવે છે ત્યારે અનેક પ્રકારના સેમ્પલ લેવાય છે. પરંતુ તહેવાર ગયો અને સેમ્પલ પણ કોરેણે મુકાય જાય છે. ત્યારે AMC દ્વારા લેવાયેલા  સેપ્લ્મનું શું પરિણામ આવ્યું તે જાણવા માટે  ગ્રાહક સુરક્ષા ગ્રાહક સત્યાગ્રહ દ્વારા અમદાવાદ મહાનગરપાલિકાના ફૂડ અને આરોગ્યવિભાગમા RTI કરવામાં આવી હતી.જેમાં 1 જાન્યુઆરી 2022 થી 30 એપ્રિલ 2023 સુધી શહેરમાં ખાદ્યસામગ્રી પર લીધેલા સેમ્પલની અંગે સત્તાવાર રીતે માહિતી સામે આવી છે.

આટલા સેમ્પલ થયા નાપાસ

AMCના ફૂડ વિભાગ દ્વારા અમદાવાદ શહેરભરમાંથી લેવાયેલા સેમ્પલમાંથી 53 સેમ્પલો સબસ્ટાન્ડર્ડ નીકળ્યા હતા.ઉપરાંત 63 વિક્રેતા દ્વારા ખાદ્યસામગ્રીમાં કયાંક ઘી,તેલ,પામોલિન સહિતના મિસબ્રાન્ડેડ વસ્તુઓ વેચતા હોવાનો પણ ઘટસ્ફોટ થયો છે. તો અમદાવાદની ડેરીઓમાં દેશી ગાયના ધી,પાણી પણ મિસબ્રાન્ડેડ હોવાનું રિપોર્ટમાં આવ્યું  સામે આવ્યું છે. એટલું જ નહીં બાળકો માટે વપરાતી ચોકલેટ સહિતની વસ્તુ પણ મિસબ્રાન્ડેડ હોવાનું બહાર આવ્યું હતું. સાથે સાથે બટર, પનીર, કપાસિયા તેલ, ઘી, પામોલિન ઓઇલ,દહીં, ગાયનું દૂધ અને માવો પણ સબસાન્ડર્ડ નીકળ્યો હતો. આ પ્રોડકટની ગુણવત્તા સાથે ચેડાં થયા હોવાનું RTIના જવાબમાં  AMCએ કબૂલાત આપતા હડકંપ મચી ગયો છે.

5 લાખના દંડની જોગવાઈ 

અમદવાદમાં ખાદ્યસામગ્રી વેચતા વેપારીઓ સ્વાથ્ય સાથે ચેડા કરી રહ્યા છે..પરતું  RTI માં ફક્ત પ્રોડક્ટ સબસ્ટાન્ડ કે મિસબ્રાંડ હોવાની વિગતો દર્શાવાઈ છે.જો કે સબસ્ટાન્ડ ખાદ્યસામગ્રી જાહેર થાય તો તેની સામે 5 લાખનો તેમજ મિસબ્રાન્ડેડ ખાદ્યસામગ્રી જાહેર થાય તો તેની સામે 3 લાખનો દંડની જોગવાઈ છે.ત્યારે હવે તંત્ર દાખલારુપ કામગીરી કરે છે કે કેમ તે જોવું રહ્યું!