- કવાંટ તાલુકાના ભેખડીયા ગામે બે વિદ્યાર્થીઓ ડૂબ્યા
- વલાસણા સાબરમતી નદીમાં 4 યુવાન ડૂબ્યા
- 4 પૈકી 1 યુવાનને બચાવી લેવાયો
જન્માષ્ટમીના પાવન પર્વને લઈને લોકોમાં અનેરો ઉત્સાહ જોવા મળી રહ્યો છે. આવી સ્થિતિ વચ્ચે અને મહેસાણા અને છોટાઉદપુર પંથકમાં કરુણાંતિકા સર્જાઈ હતી. જેમાં પાણીમાં ડૂબી જતાં 5 લોકોના મોત નિપજયા હોવાનું સામેં આવ્યું છે. જેને લઈને પરિજનોમા ઉત્સાહનો માહોલ માતમમાં ફેરવાયો હતો.
કુમાર છાત્રાલયના બે વિધાર્થીઓ તળાવમાં ડૂબ્યા
એક કરુણ ઘટના છોટાઉદપુરના કવાંટ તાલુકાના ભેખડીયા ગામે સામે આવી હતી. જેમાં બે વિદ્યાર્થીઓ ડૂબ્યા હોવાનું બહાર આવ્યું છે. જેમાં તળાવમાં 2 વિદ્યાર્થીઓ ડૂબતા દેકારો બોલી ગયો હતો. ભેખડીયા ગામની કુમાર છાત્રાલયના 2 વિદ્યાર્થીઓ ડૂબી જતા અરેરાટી મચી ગઈ છે. રાઠવા કેશવ, પોપટ આમસોટા નામના વિદ્યાર્થી શાળાએથી છૂટ્યા બાદ ઘાસ કાપવા જતી વેળાએ આ ઘટના બની હતી. જે અંગે સ્થાનિક લોકોને જાણ થયા બાદ ફાયર ફાયટર અને રેસ્ક્યૂને જાણ કરતા ટીમ દોડી ગઈ હતી. આ દરમિયાન તપાસમાં બનેંના મૃતદેહ મળી આવતા પરિજનોમાં રોકકાળ ફેલાયો છે.
વલાસણા સાબરમતી નદીમાં 4 યુવાન ડૂબ્યા
તેં જ રીતે મહેસાણાના વલાસણા પાસે સાબરમતી નદીમાં 4 યુવાન ડૂબ્યા હોવાની ગોઝારી ઘટના પ્રકાશમાં આવી હતી. જેમક 3 યુવાનના સાબરમતીમાં ડૂબી જતાં કરુણ મોટ નિપજયા છે. જ્યારે નદીમાં ડૂબી રહેલા 4 પૈકી 1 યુવાનને મોતના મુખમાંથી હેમખેમ ઉગારી લેવાયો હતો. બાદમાં સ્થાનિક તંત્ર દ્વારા મૃતક યુવકોના મૃતદેહને બહાર કાઢી વડનગર સિવિલ હોસ્પિટલ ખાતે લવાયા હતા. જ્યા તપાસમાં ત્રણેય મૃતકો વલાસણા ગામના રાજપૂત પરિવારના હોવાની માહિતી સામે આવી રહી છે. આ દરમિયાન મોટી સંખ્યામાં રાજપૂત સમાજના લોકો વડનગર સિવિલ ખાતે દોડી આવ્યા હતા.
