- ચંદ્રશેખર આઝાદનાં કાફલા પર ફાયરિંગ
- જીવલેણ હુમલામાં ચંદ્રશેખર ઘાયલ
- સહારનપુરનાં દેવબંદ પાસે બની ઘટના
સહારનપુરનાં દેવબંદ પહોંચેલ ભીમ આર્મીનાં ચીફ ચંદ્રશેખર આઝાદનાં કાફલા પર અજ્ઞાતો દ્વારા ફાયરિંગ કરવામાં આવી છે. આ જીવલેણ હુમલામાં ચંદ્રશેખર ઘાયલ થયાં છે અને તેમને ઈલાજ માટે દેવબંદની હોસ્પિટલમાં ભરતી કરવામાં આવ્યાં છે. ચંદ્રશેખર પોતાની ફોર્ચૂનર કારથઈ દેવબંદ પહોંચ્યાં હતાં ત્યારે અચાનક તેમની ગાડી પર અજ્ઞાત લોકો દ્વારા ફાયરિંગ કરવામાં આવી. ગોળી તેમને અડીને નિકળી છે જેના લીધે તેઓ ઘાયલ થયાં છે.તેમની કાર પર ગોળીઓનાં નિશાન સ્પષ્ટપણે દેખાઈ રહ્યાં છે. સૂચના મળતાની સાથે જ પોલીસે ઘટનાસ્થળ પર પહોંચી તપાસ હાથ ધરી છે.
માહિતી અનુસાર હુમલાખોર હરિયાણાની નંબર પ્લેટની કારમાં આવ્યાં હતાં. હુમલાખોરોએ એકાએક ચંદ્રશેખરની ગાડી પર ફાયરિંગ શરૂ કરી દીધી. ફાયરિંગમાં તેમની કારનાં કાંચ તૂટી ગયાં છે. જો કે સદનસીબે ચંદ્રશેખરની હાલત ઓઉટઓફ ડેન્જર જણાવાઈ છે. હાલમાં પોલીસે નાકાબંધી કરીને હુમલાખોરોની તપાસ કરવાનું શરૂ કર્યું છે. આસપાસનાં CCTV ફુટેજની પણ ચેકિંગ કરવામાં આવી રહી છે.
SSPનું નિવેદન
SSP ડો.વિપિન તાડાએ જણાવ્યું કે' અડધો કલાક પહેલા ચંદ્રશેખર આઝાદનાં કાફીલા પર કેટલાક કાર સવાર હથિયારોથી સજ્જ લોકોએ ફાયરિંગ કરી હતી. એક ગોળી તેમની નજીકથી નિકળી છે. તેઓ બરાબર છે અને તેમને ઈલાજ માટે CHC લઈ જવામાં આવ્યું છે. પોલીસ મામલાની તપાસ કરી રહી છે.'
4 રાઉન્ડમાં ફાયરિંગ
જે સમયે હુમલો થયો ત્યારે ચંદ્રશેખર દિલ્હીથી પોતાના ઘરે પાછા ફરી રહ્યાં હતાં. ત્યારે રસ્તામાં દેવબંદમાં તેમના કાફલા પર હુમલો થયો. માહિતી અનુસાર હુમલાખોરે કુલ 4 રાઉન્ડમાં ફાયરિંગ કરી હતી.
