મુશ્કેલી / સુરતમાં કેરીનો પાક કરતાં ખેડૂતો મુશ્કેલીમાં: ફળમાં આ રોગ ફેલાતા વધ્યું ટેન્શન

• સુરતના ખેડૂતોની મુશ્કેલમાં વધારો
• રોગના ઉપદ્રવથી કેરીનું ઉત્પાદન કરતા ખેડૂતોની મુશ્કેલી વધી
• કેરીમાં મધિયા નામના રોગે મોકણ સર્જી

વલસાડ અને નવસારી જિલ્લામાં કેરીનું મોટા પાયે ઉત્પાદ થાય છે પરંતુ હવે સુરત જિલ્લામાં ઘણા ખેડૂતો કેરીનું ઉત્પાદન કરે છે. તેવામાં ચાલુ વર્ષે કેરીની ખેતી કરતા ખેડૂતો ચિંતામાં વધારો થયો છે. બદલાતા વાતાવરણને કારણે આંબામાં મધિયા નામનો રોગ આવતા ખેડૂતોએ મોંઘી દાટ દવાનો ખર્ચો વધ્યો છે. જેથી આ વર્ષ ખોટમાં જશે તેવા ભણકારા વાગી રહ્યા છે. મધિયા રોગને કારણે આંબા પર આવી ગયેલી મંજરી અને ફ્લાવરીંગને મધિયો એટલે કે મધ જેવું મીઠું ચીકણું પ્રવાહી પડે તો એને કારણે આવેલા ફ્લાવરિંગ કાળું પડી જાય એટલે રાખમાં પરિવર્તિત થતું હોવાથી કેરીના પાકને નુકશાન કરે છે.

કેરીના પાકમાં ખોટ જવાની ભીતિ

આ અંગે માંગરોળ તાલુકાના વેરાકુઇ ગામના ખેડુત ઇદ્રિશભાઈ મલેકને ખેતરમાં 1200 જેટલા આંબા છે. છેલ્લા કેટલાક દિવસથી તેમના આંબાઓના પાન કાળા પાડી રહ્યા છે. અને આંબાનો મોર ખરી રહ્યો છે. ખેડૂતે આ બાબતે માહિતી મેળવતા આ રોગનું નામ મધીયો હોવાનું જાણવા મળ્યું હતું. આ રોગનો નાશ કરવા ખેડૂતે અત્યાર સુધીમાં ૩૫ હજાર રૂપિયા દવા પાછલ ખર્ચ્યા છે. ખેડુતને આ વર્ષે કેરીના પાકમાં ખોટ જશે તેવું લાગી રહ્યું છે.

રોગે વધારી ખેડૂતોની ચિંતા

તો બીજી તરફ આ વર્ષ બરોબર ઠંડી નહિ પડતા ખેડૂતોને કેરીનો પાક મોડે જશે અને ખેડૂતોને સીઝનમાં ભાવ નહિ મળે તેવું લાગી રહ્યું છે. હાલ તો ખેડૂતો કેરીના પાકને બચાવવા મોંઘીદાટ દવાઓનો ઉપયોગ કરી રહ્યા છે બદલાયેલા વાતવરણ ને કારણે ખેડૂતોની મહેનત પર પાણી ફરી વળ્યું છે. સુરત ગ્રામ્યમાં વાતાવરણમાં પલટાના કારણે શાકભાજી અને બગાયતી પાકોને ભારે નુકશાન થવા પામ્યું છે. માંગરોળના ખેડૂતોએ  આંબાની કલમો લગાવી હતી અને હવે આંબા પર મોર આવ્યો ત્યારે વાતાવરણમાં સતત બદલાવ આવતા ખેડૂતો ચિંતામાં મુકાયા છે.