દિલ્હી / ખેડૂત આંદોલન વધુ ઉગ્ર બન્યું : હવે શું છે મોદી સરકારની તૈયારી ? આ મંત્રીઓએ સંભાળી કમાન

Parth

Last Updated: 09:59 AM, 13 December 2020

FOLLOW ON

શેર કરો

કેન્દ્રના કૃષિ કાયદાઓને લઈને દિલ્હી અને તેની આસપાસની બોર્ડર પર ખેડૂતો એકઠા થઇને આંદોલન કરી રહ્યા છે ત્યારે મોદી સરકાર હવે ફરીથી સંવાદ કરવા માટે જોર લગાવી રહી છે.

સરકાર ચર્ચા માટે તૈયાર હોવાનું વારંવાર રટણ
નરેન્દ્ર સિંહ તોમરની સાથે પીયૂષ ગોયલે સંભાળી કમાન
રાજનાથ સિંહ, રવિશંકર પ્રસાદ અને જાવડેકર પણ એક્ટિવ

મોદી સરકાર ખેડૂતોને મનાવવા એડીચોટીનું જોર લગાવ્યું

કૃષિ કાયદા પર ચાલી રહેલા આંદોલનની વચ્ચે મોદી સરકાર પોતાનો પક્ષ જોરશોરથી મૂકી રહી છે કે તે વાતચીત માટે તૈયાર છે. કેન્દ્રીય કૃષિ મંત્રી નરેન્દ્ર સિંહ તોમરની સાથે રેલ મંત્રી પીયુષ ગોયલ મામલો સંભાળી રહ્યા છે અને આ દરમિયાન રાજનાથ સિંહ પણ એક્ટિવ થયા હોય તેવું દેખાઈ રહ્યું છે.

ફરીથી ચર્ચા થાય તેવી સંભાવના

કેન્દ્ર સરકાર ખેડૂતો સાથે ફરીથી વાતચીત કરવા માટે પ્રયાસ કરી રહી છે અને માનવામાં આવી રહ્યું છે કે થોડા જ દિવસોમાં ફરીથી ખેડૂતો અને સરકાર વચ્ચે સંવાદ થઇ શકે છે. સૂત્રો અનુસાર ખેડૂત અગ્રણીઓ પણ વહેલામાં વહેલી તકે સમાધાન લાવવા માંગે છે.

શું છે સરકારની રણનીતિ

એક તરફ જ્યાં ખેડૂતો પોતાની માંગ પર અડગ છે ત્યાં બીજી તરફ મીડિયાનાં માધ્યમથી મોદી સરકારના વિવિધ નેતાઓએ જાણે અભિયાન છેડી રાખ્યું છે. ખેડૂતો સાથે વાતચીત કરવા માટે સરકાર તૈયાર છે તેના પર વ્યાપક પ્રચાર કરવામાં આવી રહ્યો છે. આ સિવાય મંત્રીઓ ખેડૂતોની સાથે જોડાયેલા અન્ય સંગઠનો પર હુમલા કરી રહ્યા છે.

કયા મંત્રીઓ સક્રિય

ખેડૂતોના આંદોલન મુદ્દે નરેન્દ્ર સિંહ તોમરની સાથે સાથે રેલ મંત્રી પીયૂષ ગોયલે બાજી સંભાળી છે અને કેન્દ્રીય મંત્રી પ્રકાશ જાવડેકર અને રવિશંકર પ્રસાદ પણ મીડિયાના માધ્યમથી એક્ટિવ થયા છે. બીજી તરફ રાજનાથ વિવિધ યુનિયન અને નેતાઓ સાથે બેઠકૉ કરી રહ્યા છે. ગઈકાલે જ હરિયાણાના ઉપમુખ્યમંત્રી દિલ્હી આવ્યા હતા જ્યાં તેમણે એક બાદ એક ઘણા બધા કેન્દ્રીય મંત્રીઓ સાથે આ જ મુદ્દા પર બેઠક કરી હતી. ચૌટાલાની માંગ છે કે જલ્દીથી આ મુદ્દા પર સમાધાન આવવું જોઈએ.