રાજકારણ / ફેસબુકે PM મોદી વિરુદ્ધના આ હેશટેગને કલાકો સુધી બ્લોક કર્યુ, ટીકા થતા આપ્યો આવો ખુલાસો

• #રીઝાઈનમોદી લખીને કરેલી પોસ્ટ ફેસબુકે બ્લોક કરી 
• ભારે ટીકા થયા બાદ ગુરુવારે ફેસબુકે સફાઈ આપી 
• ફેસબુકે કહ્યું  આવુ ભૂલથી થયું

#રીઝાઈનમોદી લખીને કરેલી પોસ્ટ ફેસબુકે બ્લોક કરી 

ભારતમાં કોરોના તાંડવ કરી રહ્યો છે તેને અટકાવવાના સરકારના વલણની નાખુશ ફેસબુક યુઝર્સ દ્વારા સોશિયલ મીડિયા પર #રીઝાઈનમોદી લખીને કરેલી પોસ્ટ ફેસબુકે બ્લોક કરી દીધી. આ પોસ્ટો અનેક કલાકો સુધી પ્રતિબંધિત રાખવામાં આવ્યા. અમેરિકન સોશિયલ મીડિયા પ્લેટફોર્મે બાદમાં સ્પષ્ટતા કરી કે આવુ ભૂલથી થયું. ત્યારે યુઝર્સે કહ્યું કે આખરે ફેસબુકની પોલ ખુલી ગઈ.

ભારે ટીકા થયા બાદ ગુરુવારે ફેસબુકે સફાઈ આપી 

ભારે ટીકા થયા બાદ ગુરુવારે ફેસબુકે સફાઈ આપી કે તેમણે સરકારના કહેવા પર આ પોસ્ટોને બ્લોક નહોંતી કરી. ખાસ કરીને ફેસબુક પહેલુ સોશિયલ મીડિયા પ્લેટફોર્મ નથી જેણે સરકારની ટીકા કરનારા યુઝર્સની પોસ્ટને સેન્સર કરવાની હિંમત કરી. આ પહેલા સરકારના નિર્દેશ પર ટ્વિટરના કોરોનાથી જોડાયેલી ભ્રામક પોસ્ટ હટાવવામાં આવી હતી. આ અંગે ફેસબુકે નિવેદન આપ્યુ કે તેણે ભૂલથી #રીઝાઈનમોદીને બ્લોક કરી હતી.

 મેસેજ મળ્યા કે આ હૈશટૈગ અને આની સાથે સંબંધિત કન્ટેન્ટ ફેસબુકના કમ્યુનિટી સ્ટેન્ડર્ડની વિરુદ્ધ 

ફેસબુક યુઝર્સના અનુસાર બુધવારે આ હેશટેગ વાળી પોસ્ટને સર્ચ કરવા પર અનેક કલાકો સુધી નજરે નહોંતી પડી. યુઝર્સેને મેસેજ જોવા મળ્યા કે આ હૈશટૈગ અને આની સાથે સંબંધિત કન્ટેન્ટ ફેસબુકના કમ્યુનિટી સ્ટેન્ડર્ડની વિરુદ્ધ છે. એટલા માટે તેને બ્લોક કરી હતી.

બ્લોક પ્રક્રિયા અડધી એઆઈ, અડધી માનવ નિયંત્રિત

ફેસબુકે પહેલાથી આ પ્રકારના પોસ્ટ, કન્ટેટન્ટ કોઈ પણ કારણ વગર બ્લોક કર્યા છે. પ્રતિબંધિત કરવાની પ્રક્રિયા અડધી કૃત્રિમ બુદ્ધિમત્તા એટલે કે આર્ટિફિશિયલ ઈન્ટેલિજેન્સ(એઆઈ) પર આધારિત છે અને અડધી તેના સ્ટાફ દ્વારા નિયંત્રિત કરવામાં આવે છે.

સરકારે કહ્યુ કે અમે બ્લોક નથી કરાવી

આઈટી તથા ઈલેક્ટ્રોનિક્સ મંત્રાલયનું કહેવુ છે કે તેમણે ફેસબુક અને આ ટૈશટેગ વાળી પોસ્ટ હટાવવા માટે કોઈ આદેશ નથી આપ્યો. પોતાના ટ્વીટમાં મંત્રાલયે મીડિયા અને તમામ નાગરિકોને નિવેદન પણ કર્યુ કે આ અસાધારણ સંકટના સમયે હાલ મહામારીનો મળીને સામનો કરો.

ટ્વિટરે તો સાંસદ- ધારાસભ્યોના પણ પોસ્ટ હટાવ્યા

સરકારના આદેશ બાદ ટ્વિટરે જે પોસ્ટને પોતાના પ્લેટફોર્મથી હટાવ્યા તેમાં સાંસદો, ધારાસભ્યો અને ફિલ્મ કલાકારોના પણ અનેક પોસ્ટ હતા. એક ઓનલાઈન ડેટાબેસ શોધ એજન્સી લુમેનના જણાવ્યાનુસાર લગભગ 50 પોસ્ટ હટાવવામા આવી. સરકારે કહ્યુ હતુ કે આ પોસ્ટ જૂની, બિનસંદર્ભિક અને ભ્રમ ફેલાવનારી હતી.