ખૂબ કામની માહિતી / PF ખાતું ધરાવતા લોકો માટે મોટા સમાચાર, કેન્દ્ર સરકારે બહાર પાડી ચેતવણી, તાબડતોબ જાણી લેજો

• પીએફ ખાતાધારકો માટે સરકારે બહાર પાડી ચેતવણી
• કહ્યું-ઈપીએફઓ કોઈને પણ ફોન કે મેસેજ  નથી કરતું
• આવા મેસેજ આવે તો રહેજો સાવધાન, ઠગાઈ થઈ શકે

EPFOએ પીએફ ખાતાધારકો માટે મહત્વની ચેતવણી બહાર પાડી છે જેમાં ખાતાધારકોને અમુક વાતોથી સાવધાની રહેવાની ચેતવણી આપવામાં આવી છે. ઈપીએફઓ દ્વારા કહેવાયું કે મેમ્બરોએ ફેક કોલ કે મેસેજથી સાવધાન રહેવું જોઈએ. EPFO કદી પણ તેના મેમ્બરને ફોન, ઈમેઈલ કે સોશિયલ મીડિયા પર તેમની અંગત વિગતો શેર કરવાનું નથી કહેતું. 

#Beware of fake calls/messages. #EPFO never asks its members to share their personal details over phone, e-mail or on social media.#epfowithyou #epf #EPFO #passbook #HumHaiNa #Alert #staysafe #पीएफ #AmritMahotsav@PMOIndia @byadavbjp @Rameswar_Teli@LabourMinistry @PIB_India pic.twitter.com/l4QkObg3oA

— EPFO (@socialepfo) July 23, 2023

લોકોને મહત્વની વિગતો કોઈની પણ સાથે શેર ન કરવાની અપીલ 
EPFO દ્વારા એવું પણ કહેવાયું છે કે સભ્યોએ કદી પણ તેમનો યુએએન, પાન-આધાર, ઓટીપી કે બીજી વિગતો કોઈની પણ સાથે શેર ન કરવી જોઈએ. આવું કરવું ખતરાથી ખાલી નથી. તેમણે કહ્યું કે EPFO તેના સભ્યોને કદી પણ આવી વિગતો શેર કરવાનું નથી કહેતું. 

પીએફ ખાતાધારકો માટે સારા સમાચાર 

જે લોકો પીએફનું ખાતું ધરાવે છે તેમને માટે સારા સમાચાર છે. આવા લોકોને હવે તેમના પીએફ બેલેન્સ પર વધારાનું વ્યાજ મળશે. કેન્દ્ર સરકારે ચાલુ નાણાકીય વર્ષમાં પીએફ પર 8.10 ટકાને બદલે 8.15 ટકા વ્યાજ આપવાનો નિર્ણય લીધો છે. કેન્દ્રીય નાણા મંત્રાલયે આ માટે એક નોટિફીકેશન પણ બહાર પાડ્યું છે. 

ક્યારથી આવશે પીએફના પૈસા
કર્મચારીઓને ઓગસ્ટ 2023થી તેમના પીએફ ખાતાનું વધેલું વ્યાજ મળવા લાગશે. જો કે તે તબક્કાવાર આવશે. 

11 લાખ કરોડ પીએફની જમા રકમ પર વ્યાજ તરીકે મળશે 90,000 કરોડ
ઈપીએફ બોર્ડના વ્યાજ વધારાના નિર્ણય બાદ 11 લાખ કરોડ રૂપિયાના ઈપીએફમાં જમા મૂળ રકમ પર ખાતામાં વ્યાજ તરીકે 90,000 કરોડ રૂપિયા જમા થશે. 2021-22માં ઇપીએફ ખાતાધારકોના ખાતામાં 9.56 લાખ કરોડ રૂપિયાની મૂળ રકમ પર વ્યાજ તરીકે 77,424.84 કરોડ રૂપિયા ટ્રાન્સફર કરવામાં આવ્યા હતા. 

કેટલું વધ્યું પીએફ પરનું વ્યાજ
નાણા મંત્રાલય હેઠળના ઈપીએફઓએ 8.15 ટકા વ્યાજને મંજૂરી આપી છે જે ઓગસ્ટ 2023થી કર્મચારીઓના ખાતામાં આવવાનું ચાલું થઈ જશે. 

ઈપીએફઓએ બહાર પાડ્યો પરિપત્ર 
કર્મચારી ભવિષ્ય નિધિ સંગઠન (ઇપીએફઓ)એ તમામ ઝોનલ ઓફિસોના ઇન્ચાર્જને પત્ર લખીને જાણકારી આપી છે કે કેન્દ્ર સરકારે 2022-23 માટે ઈપીએફમાં 8.15 ટકા વ્યાજ ક્રેડિટને મંજૂરી આપી દીધી છે. ઇપીએફઓએ આ મંજૂરી મળ્યા બાદ ઝોનલ ઓફિસના ઇન્ચાર્જ અને ક્ષેત્રીય કાર્યાલયોના ઇન્ચાર્જ અધિકારીઓને ઇપીએફના સભ્યોના ખાતામાં વ્યાજની રકમ જમા કરાવવા માટે જરૂરી આદેશ જારી કરવા જણાવ્યું છે.