કચ્છ / વરસાદી સિઝનમાં કડિયા ધ્રો નું કુદરતી સૌંદર્ય ચરમ પર, ખડખડ વહેતું પાણી કોઇ અજાયબી માફક ભાસી રહ્યું છે, જુઓ વીડિયો

• ભુજમાં કડિયા ધ્રો કુદરતની ક્લાત્મકતાનું ઉત્તમ ઉદાહરણ
• મામૈય દેવ કડિયા ધ્રો મહેશ્વરી સમાજમાં ધાર્મિક મહત્વ ધરાવે છે
• ખળખળ વહેતું પાણી ધોધરૂપે નીચે પડતાં અદભુત દૃશ્યો સર્જાયા

 ભુજથી 35 કિલોમીટર દૂર કોડકી માર્ગે આવેલા કડિયા ધ્રો કુદરતની ક્લાત્મકતાનું ઉત્તમ ઉદાહરણ સમું એક છે. હાલ ચોમાસાની સિઝનમાં વરસાદ પડતાં કુદરતી કોતરો અંદરના પાણી પહાડો સાથે સમાંતર સ્તરે આવી જાય છે, જેથી વરસાદી પાણી કોતરોની વચ્ચેથી નીચે ધોધરૂપી વહી નીકળે છે. કોતરોમાંથી ખળખળ વહેતું પાણી ધોધરૂપે નીચે પડતાં અદભુત દૃશ્યો સર્જાય છે.

ધ્રો મહેશ્વરી સમાજમાં ધાર્મિક રીતે ખૂબ ઉચ્ચું મહત્વ ધરાવે

નખત્રાણા તાલુકામાં આવતા મામૈય દેવ કડિયા ધ્રો સેંકડો વર્ષો દરમિયાન હવામાનના પ્રતાપે આકાર પામ્યો છે. ધ્રો એટલે મગરો માટેનું ઘર. જ્યાં તળિયા વગરની જમીન પર કોતરોમાં બારેમાસ પાણી જોવા મળે છે અને ચોમાસાની ઋતુમાં વરસાદ પડતાં કુદરતી કોતરો અંદરના પાણી પહાડો સાથે સમાંતર સ્તરે આવી જાય છે. એ દરમિયાન એમાં વસવાટ કરતા મગરો અન્ય નદી-નાળાં તરફ પ્રયાણ કરી જાય છે. જોકે, વરસાદી પાણી કોતરોની વચ્ચેથી નીચે ધોધ રૂપી વહી નીકળતાં અદભુત દૃશ્યો સર્જાય છે. મામૈય દેવ કડિયા ધ્રો મહેશ્વરી સમાજમાં ધાર્મિક રીતે ખૂબ ઉચ્ચું મહત્વ ધરાવે છે.

#WATCH गुजरात: राज्य में लगातार हो रही भारी बारिश के कारण कच्छ के कड़िया ध्रो में झरना शुरू हो गया है। इसका आनंद लेने के लिए लोग वहां पर एकत्रित हुए। pic.twitter.com/tKzRpXdujI

— ANI_HindiNews (@AHindinews) July 9, 2023