અમરેલી / કમોસમી વરસાદથી અમરેલીના ખેડૂતો રાતા પાણીએ રડ્યાં: ભાવ ન મળતા જાયે તો જાયે કહાં જેવી સ્થિતિ

• અમરેલી રાતા પાણીએ રડ્યાં ખેડૂતો 
• વરસાદને કારણે ઘઉંના ભાવ ન મળ્યાં
• 700માં વેચતા ઘઉંના 400થી 500

અમરેલી જિલ્લામાં કમોસમી વરસાદના કહેરથી ખેડૂતોને રાતા પાણીએ રોવાનો વારો આવ્યો હોય તેમ રવિપાકમાં વાવેતર કરેલા ઘઉંના પૂરતા ભાવો ન મળતા ખેડૂતો પરસેવાની કમાણીના દામો ના મળતા નિરાશ થયા છે. તો થોડા સમય પહેલા સાવરકુંડલાાના એપીએમસી સેન્ટરમાં રૂપિયા 700ના ભાવોથી વેચતા ઘઉંના માત્ર 400થી 500 આસપાસના ભાવ મળતા ખેડૂતો જાયે તો જાયે કહાં જેવું સ્થિતિ નિર્માણ પામી છે.

પરસેવાની કમાણી કમોસમી વરસાદે બગાડી 
એપીએમસીના સેક્રેટરી રમેશ રાદડીયા પણ સ્વીકારી રહ્યા છે કે, હાલ ઘઉંની આવક ઘટી છેને કમોસમી વરસાદથી પલળેલા ઘઉં 400થી 450 સુધી જાય છેને પલળેલા વિનાના ઘઉંના ભાવોમાં પણ ઘટાડો થયો છે. 5 હજાર મણ ઘઉંની આવક સામે ખેડૂતોને માત્ર 400થી 450 જેવા ભાવો મળતા હોય ત્યારે ખેડૂતોની પરસેવાની કમાણી કમોસમી વરસાદે બગાડી છે. 

ઘંઉના ભાવ ઘટ્યા
એપીએમસીમાં જાહેર હરરાજીમાં અગાઉ ઘઉંના ભાવ 700થી લઈને 800 સુધી પહોંચી ગયેલા હતા પણ ખેડૂતોની કરમની કઠણાઇ છે કે, કમોસમી વરસાદને કારણે ખેડૂતોની તમામ આશાઓ પર પાણી ફેરવાયો છે. 400થી 500 જેવા ભાવો ઘઉંના મળતા ખેડૂતોને રવિપાકમાં વાવેતર કરેલા ઘઉંના ભાવમાં જે 700થી 800 જેવા ભાવ મળતા તેના અડધા જેવા ભાવ મળતા ખેડૂતો નિરાશ થઈ ગયા છે. કઠિન મજૂરી કરીને પકવેલા ઘઉંના ભાવો તળિયે બેસી જતા ખેડૂતો હતાશ થઈ ને સરકાર સામે મીટ માંડી બેઠા છે.ધારીથી સાવરકુંડલા એપીએમસીમાં આવેલા ખેડૂતોને સારા ભાવો મળવાની આશાઓ પર પાણી ફરી વળ્યુ તો નાની વડાળ જંગલ વિસ્તારમાંથી આવેલા ખેડૂતોને 200થી 300 રૂપિયા જેવા ભાવો ઓછા મળ્યા છે તેમજ ભાવો ઘટ્યા હોવાનું એપીએમસીના સેક્રેટરી રમેશ રાદડીયાએ જણાવ્યું હતું