નિવેદન / કોરોના સંકટ વચ્ચે રાહુલ ગાંધીએ ઉછાળ્યો અસહિષ્ણુતાનો મુદ્દો, કહ્યું 'વિભાજન કરનારા પોતાને રાષ્ટ્રવાદી કહે છે'

• કોરોના સંકટ વચ્ચે રાહુલ ગાંધીએ કર્યો સંવાદ 
• જે લોકો દેશને નબળો કરી રહ્યા છે તે પોતાને રાષ્ટ્રવાદી કહીને સંબોધિત કરે છે : રાહુલ 
• ચીન અને રશિયા મોટો પડકાર : નિકોલસ બર્ન્સ 

વિભાજનથી દેશ નબળો થાય છે : રાહુલ ગાંધી 

દેશ કોરોના વાયરસના સંકટથી પસાર થઇ રહ્યો છે ત્યારે કોંગ્રેસ નેતા રાહુલ ગાંધી કોરોના વાયરસ સંકટ મુદ્દે વિવિધ નિષ્ણાતો સાથે સંવાદ કરી રહ્યા છે. આ જ મુદ્દે રાહુલ ગાંધીએ આજે અમેરિકાના પૂર્વ એમ્સેડર નિકોલસ બર્ન્સ સાથે ચર્ચા કરી. આ દરમિયાન રાહુલ ગાંધીએ મોટું નિવેદન આપતા કહ્યું કે વિભાજનથી દેશ નબળો થાય છે પરંતુ વિભાજન કરતા લોકો તેને એક તાકાતના રૂપે પ્રસ્તુત કરે છે. દેશના પાયાને નબળું કરી રહેલા આ લોકો પોતાને રાષ્ટ્રવાદી કહીને સંબોધિત કરે છે. 

 

LIVE: Shri @RahulGandhi in conversation with Ambassador Nicholas Burns. #RahulGandhiStandswithPeople https://t.co/hc2qThZcjH

— Congress (@INCIndia) June 12, 2020

જ્યારે બર્ન્સે કહ્યું કે આપણા દેશ સામે કોઈ પડકાર હોય તો તે ચીન અને રશિયા જેવા દેશ છે. આપણે યુદ્ધ નથી ઈચ્છતા પરંતુ આત્મસુરક્ષા એ આપણી ફરજ છે. 

મનમોહનસિંહના કાર્યકાળને કર્યો યાદ 

ચર્ચા દરમિયાન બર્ન્સે મનમોહન સિંહનાં કાર્યકાળને ન યાદ કર્યો. તેમણે કહ્યું કે અમે જ્યારે મનમોહનસિંહ સાથે કામ કરતા હતા ત્યારે બંને દેશો વચ્ચે વેપાર અને સૈન્ય મુદ્દે કામ થતું હતું. પરંતુ હવે ફરીથી સમય આવી ગયો છે કે આપણે ફરીથી સાથે આવવું પડશે અને લોકોને આઝાદી આપવી પડશે. અમે ચીનથી યુદ્ધ નથી લડી રહ્યા પરંતુ આ વિચારોની જંગ છે. 

રાહુલ ગાંધીએ અસહિષ્ણુતા જેવા મુદ્દાઓ ઉઠાવ્યા

રાહુલ ગાંધીએ આ ચર્ચામાં અસહિષ્ણુતા જેવા મુદ્દાઓને ઉઠાવ્યા. રાહુલે કહ્યું કે ભારત અને અમેરિકા બંને સહિષ્ણુ દેશ છે, કોઈ પણ વિચારનું સન્માન કરે છે પરંતુ અત્યારે બન્ને દેશ અત્યારે આ મુદ્દે તકલીફોનો સામનો કરી રહ્યા છે. જેના જવાબમાં બર્ન્સે કહ્યું કે ચીન જેવા દેશો કરતા તો અમે ખૂબ સારા છે કારણ કે અત્યારે દરેક શહેરમાં પ્રદર્શન થઇ રહ્યા છે જે લોકતંત્રમાં ખૂબ મહત્વના છે. 

પહેલી જેવી સહિષ્ણુતા દેખાતી : રાહુલ 

નોંધનીય છે કે રાહુલ ગાંધીએ ચર્ચા દરમિયાન આડકતરી રીતે સરકાર પર નિશાન સાધતા કહ્યું કે અમે ખુલા વિચાર ધરાવતા લોકો છીએ પરંતુ હવે તે બધું ગાયબ થઇ ગયું છે જે ખૂબ જ દુઃખદ છે. બંને દેશમાં જેવી સહિષ્ણુતા પહેલા હતી તેવી હવે નથી દેખાતી.