હેલ્થ / આ ફળો ખાઈને જો જો પાણી ન પીતાં, શરીરનું પીએચ લેવલ બગડી જશે, આ સમસ્યાઓથી પીડાશો

• આયુર્વેદમાં આપેલી છે ફળો ખાવાની પદ્ધતિ
• ફળો ખાધા પછી પાણી પીવાની હોય છે મનાઈ
• શરીરનું PH લેવલ બગડી શકે છે

આયુર્વેદમાં ફળો ખાધા પછી પાણી પીવાની મનાઇ ફરમાવાઇ છે. આવું એટલે કેમ કે ફળોમાં રહેલી નેચરલ મીઠાશ કે ફ્રૂકટોઝ પાણી સાથે મિક્સ થઇને અનેક તકલીફો વધારી શકે છે. આ ઉપરાંત જ્યૂસી ફળોનો રસ પાણી સાથે મિક્સ થઇને શરીરનું પીએચ લેવલ બગાડી શકે છે. આ ફળો ખાધા પછી તરત પાણી ક્યારેય ન પીતાં.

દાડમ: આયુર્વેદ અનુસાર દાડમ ખાધા પછી પાણી પીવાથી એસિડિટીની સમસ્યા થઇ શકે છે. આ ઉપરાંત આમ કરનારી વ્યક્તિને પેટના દુખાવાની સમસ્યા પણ થઇ શકે છે.

કેળાં: તમે ઘણી વાર વડીલોના મોઢે સાંભળ્યું હશે કે નાનાં બાળકોએ કેળાં ખાઇને પાણી ન પીવું જોઇએ. આમ કરવાથી પાચનતંત્ર પર ખરાબ અસર પડે છે અને વ્યક્તિનું પેટ ફૂલી જાય છે.

જામફળ: જામફળ ખાધા પછી તો ભૂલથી પણ પાણી ન પીવું જોઇએ, નહીં તો પાચનતંત્ર બગડી શકે છે. જામફળ ખાવાનો પણ એક સમય હોય છે, તે રાતના સમયે ન ખાવાં જોઇએ.

ખાટાં ફળો: ખાટાં ફળો ખાવાથી તમારી ઇમ્યુનિટી મજબૂત થાય છે, પરંતુ જો તમે તેવાં ફળો ખાધા બાદ તરત પાણી પી લો છો તો તમારા બોડીનું પીએચ લેવલ બગડી શકે છે, જેની અસર તમારા પાચન પર પડવાથી આ ફળ સરળતાથી પચતાં નથી અને એસિડિટીનું કારણ બને છે. સંતરાં, મોસંબી, આંબળાં જેવાં ખાટાં ફળોનું સેવન કર્યા બાદ પાણી ન પીવું જોઇએ.

તરબૂચ: ગરમીના દિવસોમાં તમારા પાચન અને બોડીને હાઇડ્રેટ રાખવાની જવાબદારી તરબૂચની હોય છે. જો તમે તરબૂચ ખાધા બાદ પાણી પી લીધું તો તે ફળ તમારી પાચનક્રિયાને ખરાબ કરી શકે છે.