ટોડકા / ધનતેરસ પહેલા વિષ્ણુપ્રિયાને રિઝવવા કરી લો આ એક ઉપાય, બેડો થઇ જશે પાર

Kinjari

Last Updated: 09:17 AM, 1 November 2021

FOLLOW ON

શેર કરો

દિવાળી પહેલા લોકો પોતાના ઘરની સાફ સફાઇ કરે છે અને દેવી લક્ષ્મીને રિઝવવાના સંપૂર્ણ પ્રયાસ કરે છે. આ એક ઉપાય કરી લેશો તો મા લક્ષ્મી અતિપ્રસન્ન થઇ જશે.

લક્ષ્મીજીને પ્રસન્ન કરવા કરો આ ઉપાય
દરવાજા પર જ લગાવી દો આ એક ચીજ
માતા લક્ષ્મી પ્રસન્ન થઇ જશે તો બેડો પાર

એવું માનવામાં આવે છે કે દિવાળીની રાત્રે દેવી લક્ષ્મી દરેકના ઘરે આવે છે માટે બધા લોકો દિવાળી પહેલા પોતપોતાના ઘરને સાફ કરે છે. આ ઉપાયોને જો તમે અપનાવશો તો માતા લક્ષ્મીની કૃપા આજીવન બની રહેશે.

રંગોળી બનાવો
તમારા ઘરના મુખ્ય દ્વાર પર રંગોળી બનાવો અને એક કળશમાં પાણી ભરીને રંગોળી પાસે રાખો. એવું માનવામાં આવે છે કે રંગોળી બનાવવાથી પરિવારમાં શાંતિ અને સમૃદ્ધિ આવે છે. આ સાથે જ આવું કરવાથી મા લક્ષ્મી પણ પ્રસન્ન થાય છે.

ચાંદીનો સાથિયો
સ્વસ્તિકનું ચિન્હ સનાતન ધર્મની ઓળખ છે. આ સંકેત ખૂબ જ શુભ માનવામાં આવે છે. તમારે તમારા ઘરના મુખ્ય દરવાજા પર ચાંદીનું સ્વસ્તિક લગાવવું જોઈએ. જો તમે ચાંદીનું સ્વસ્તિક ન લગાવી શકતા હો તો મુખ્ય દરવાજા પર રોલીનું સ્વસ્તિક બનાવો. આ નિશાની ઘરમાં પ્રવેશતી દરેક પ્રકારની નકારાત્મક ઉર્જા દૂર કરે છે અને તમને મા લક્ષ્મીની કૃપા પ્રાપ્ત થાય છે.

માતા લક્ષ્મીના પગના નિશાન
મા લક્ષ્મીને પ્રસન્ન કરવા માટે તમારે ઘરના મુખ્ય દરવાજા પર તેમના પગના નિશાન લગાવવા જોઈએ. આ પગના ચિહ્નો ઘરની અંદરના ભાગે બનાવવા જોઈએ. આમ કરવાથી માતા લક્ષ્મીની કૃપા થાય છે અને દિવાળીની રાત્રે તે ઘરમાં પ્રવેશ કરે છે.

તોરણ
મા લક્ષ્મીનું સ્વાગત કરવા માટે તમારે ધનતેરસના દિવસે ઘરના મુખ્ય દરવાજા પર તોરણ બનાવવું જોઈએ. કેરી અને કેળાના પાનથી બનેલું તોરણ બનાવવું શુભ માનવામાં આવે છે.

સંકળાયેલા મુદ્દાઓ

Dhanteras Dharma Festival Hinduism diwali todka Dharma