- Israel- Hamas War વચ્ચે મોટા સમાચાર
- હમાસને હરાવવા ઈઝરાયલનો માસ્ટર પ્લાન તૈયાર
- ઇઝરાયલે હમાસ સામેના તેના યુદ્ધમાં ત્રણ તબક્કા નક્કી કર્યા
Israel- Hamas War વચ્ચે હવે એક મોટા સમાચાર સામે આવ્યા છે. વાત જાણે એમ છે કે, ઇઝરાયલે હમાસ સામેના તેના યુદ્ધમાં ત્રણ તબક્કા નક્કી કર્યા છે. જેના અંતે તે ગાઝા પટ્ટીમાં નવી સુરક્ષા વ્યવસ્થા સ્થાપિત કરવાની યોજના બનાવી છે. નોંધનીય છે કે, ઈઝરાયેલે 2005માં ગાઝામાંથી પીછેહઠ કરી અને તરત જ આ વિસ્તારની જમીન, દરિયાઈ અને હવાઈ નાકાબંધી કરી દીધી. જે બાદમાં 2007માં હમાસે ગાઝામાં સત્તા સંભાળી. જોકે ગયા અઠવાડિયે ઇઝરાયેલ પર હમાસના અચાનક હુમલામાં ઓછામાં ઓછા 1,400 લોકો માર્યા ગયા હતા. આ પછી ઇઝરાયલે ગાઝાને સંપૂર્ણ રીતે ઘેરો બનાવીને બદલો લીધો અને જમીન પર હુમલો કરવા માટે તેના સૈનિકોને એકત્રિત કરવાનું શરૂ કર્યું.
ઇઝરાયેલની શું છે યોજના ?
ઇઝરાયેલના સંરક્ષણ પ્રધાન યોવ ગાલાન્ટે યુદ્ધના ત્રણ તબક્કાની રૂપરેખા આપી છે. જેમાં ઈઝરાયેલ હમાસની સરકાર અને સૈન્ય ક્ષમતાઓને નષ્ટ કરીને હરાવી દેશે. તેમણે કહ્યું કે, પેલેસ્ટિનિયન પ્રદેશોમાં સતત હુમલાનો પ્રારંભિક અને વર્તમાન તબક્કો આતંકવાદીઓને તટસ્થ કરીને અને હમાસના ઈન્ફ્રાસ્ટ્રક્ચરને નષ્ટ કરીને અનુસરવામાં આવશે. ગેલન્ટે સંસદની વિદેશી બાબતો અને સંરક્ષણ સમિતિને જણાવ્યું હતું કે. આગામી તબક્કામાં એક દિવસ, એક સપ્તાહ કે એક મહિનો નહીં લાગે.
અંતિમ ઉદ્દેશ્ય શું ?
આ સાથે ગેલન્ટે જણાવ્યું હતું કે, અંતિમ ઉદ્દેશ્ય વિસ્તારમાં નવી સુરક્ષા વ્યવસ્થા બનાવીને ગાઝા પરની કોઈપણ ઈઝરાયેલની જવાબદારીને દૂર કરવાનો છે. ગેલન્ટે કહ્યું કે, સૈન્ય કાર્યવાહી ઇઝરાયેલના નાગરિકો માટે નવી સુરક્ષા વાસ્તવિકતા બનાવશે. ઇઝરાયેલી સેનાએ ગયા અઠવાડિયે ઉત્તર ગાઝાના 10 લાખથી વધુ રહેવાસીઓને દક્ષિણ તરફ જવાનો આદેશ આપ્યો હતો. જે પછી પેલેસ્ટિનિયનોએ દલીલ કરી હતી કે, સેના ગાઝાના રહેવાસીઓના કાયમી સામૂહિક વિસ્થાપનની માંગ કરી રહી છે.
ઇજિપ્તના રાષ્ટ્રપતિનું મોટું નિવેદન
ઇજિપ્તના રાષ્ટ્રપતિ અબ્દેલ ફત્તાહ અલ-સીસીએ કહ્યું છે કે, તેઓ ગાઝામાંથી શરણાર્થીઓના ધસારાને મંજૂરી આપશે નહીં. તેમણે આ મામલે ઇજિપ્તની ભવિષ્યની સંભવિત ભૂમિકા વિશે પણ વાત કરી ન હતી. પેલેસ્ટિનિયનોએ ગાઝાની દક્ષિણે રફાહ ક્રોસિંગ પર ઇજિપ્ત દ્વારા લાદવામાં આવેલા કડક સરહદ પ્રતિબંધોનો પણ સામનો કરવો પડ્યો છે.
