COVID-19 / કોરોનાના બૂસ્ટર ડોઝ માટે પૂનાવાલાએ કર્યું મોટું એલાન: કૉવોવેક્સની વેક્સિન લેવા આ રીતે કરો બુકિંગ

• કોવોવેક્સ બૂસ્ટર ડોઝને મળી મંજૂરી
• અદાર પૂનાવાલાએ આપી સંપૂર્ણ માહિતી
• 225 રૂપિયા પ્રતિ ડોઝમાં લગાવી શકાશે વેક્સિન

દેશનાં અનેક રાજ્યોમાં કોરોના વાયરસનાં વધતાં મામલાઓની વચ્ચે સોમવારે કેન્દ્ર સરકારે સીરમ ઈન્સ્ટીટ્યૂટનાં કોવોવેક્સ રસીને વયસ્કો માટે હેટેરોલોગસ બૂસ્ટર ડોઝ તરીકે કોવિન પોર્ટલમાં સમાવેશ કરવા માટે મંજૂરી આપી હતી. મંગળવારે SERUM ઈન્સ્ટીટ્યૂટનાં CEO અદાર પૂનાવાલાએ જણાવ્યું કે કોવોવેક્સ હવે COWIN પોર્ટલ પર ઉપલબ્ધ છે.

As COVID cases have been rising again with Omicron XBB & its variants, it can be severe for the elderly. I’d suggest for the elderly, mask up & take the Covovax booster which is now available on the COWIN app. It is excellent against all variants & is approved in the US & Europe. pic.twitter.com/H8lmIzStUa

— Adar Poonawalla (@adarpoonawalla) April 11, 2023

કોવિન એપ પર છે ઉપલબ્ધ
અદાર પૂનાવાલાએ ટ્વીટ કર્યું કે ઓમિક્રોન એક્સબીબી અને તેના વેરિયન્ટની સાથે કોવિડનાં કેસો વધી રહ્યાં છે જે વડીલો માટે ગંભીર થઈ શકે છે. હું વડીલોને સૂચન આપીશ કે માસ્ક પહેરો અને કોવોવેક્સ બૂસ્ટર ડોઝ લો જે હવે કોવિન એપ પર ઉપલબ્ધ છે. આ તમામ વેરિયન્ટની સામે અસરદાર છે અને અમેરિકા તેમજ યૂરોપમાં સ્વીકૃત છે.

શું હશે કોવોવેક્સની કિંમત?
કોવોવેક્સની કિંમત 225 રૂપિયા પ્રતિ ડોઝ રહેશે. આ સિવાય કિંમત પર GST પર લાગૂ થશે. હેટેરોલોગસ બૂસ્ટરનો અર્થ છે કે કોઈ વ્યક્તિએ પહેલા કોઈ વેક્સિન મૂકાવી હશે તો તેને બૂસ્ટર ડોઝ તરીકે કોઈ અન્ય કંપનીની રસી પણ લગાવી શકાય છે.

ક્યારે મળી મંજૂરી?
સીરમ ઈંસ્ટીટ્યૂટ ઓફ ઈન્ડિયાનાં ડાયરેક્ટર પ્રકાશ કુમાર સિંહે 27 માર્ચનાં કેન્દ્રીય સ્વાસ્થ્ય મંત્રાલયને પત્ર લખ્યો હતો જેના બાદ સોમવારે તેને કોવિન પોર્ટલ માટે મંજૂરી આપવામાં આવી. ભારતનાં ડ્રગ કંટ્રોલર જનરલએ 16  જાન્યુઆરીનાં કોવિશીલ્ડ કે કોવેક્સિનનાં 2 ડોઝ લઈ ચૂકેલા લોકો માટે કોવોવેક્સ રસીને મંજૂરી આપી હતી. આ રસીને WHO અને USFDA વગેરેએ મંજૂરી આપી હતી.