હેલ્થ / વહેમમાં ન રહેતા.! કફ સિરપ બાળકોને જ નહીં યુવાનોને પણ કરે છે નુકસાન, સાઈડ ઈફેક્ટ જાણી ધબકારા વધી જશે

• કફ સીરપના વધુ ઉપયોગથી નુકસાન
• કફ સીરપના વધુ પડતા ઉપયોગને પગલે શરીરમાં ઘાતક પરિણામ
• અમુક લોકો ઊંઘ મેળવવા માટે પણ કફ સીરપનું સેવન કરતા હોય છે

કફ સીરપને હાથ વગુ હથિયાર માનીને ઘણા લોકો આડેધડ ઉપયોગ કરતા હોય છે. જ્યારે પણ છાતીમાં દુખાવો કે ઉધરસ થાય ત્યારે મોટાભાગના લોકો કફ સીરપ લેતા હોય છે. પરંતુ સામાન્ય દવાના સ્વરૂપમાં ઉપયોગ કરવામાં આવતી આ કફ સીરપ શરીર માટે નુકસાનકારક પણ સાબિત થઈ શકે છે. તેઓ નિષ્ણાતો દ્વારા દાવો કરવામાં આવી રહ્યો છે. અમુક લોકો ઊંઘ મેળવવા માટે પણ કફ સીરપનું સેવન કરતા હોય છે. પરંતુ તેના વધુ પડતા ઉપયોગને પગલે શરીરમાં ઘાતક પરિણામ ભોગવવાનો વારો આવે છે. ક્યારેક તે જીવલેણ પણ નીવડી શકે છે. આથી તબીબોની સલાહ લઈ અને ત્યારબાદ જ સીરપનો ઉપયોગ કરવો જોઈએ.

WHOના રિપોર્ટમાં સામે આવ્યું કે...
કફ સીરપમાં ડાયેથિલિન અને ઈથિલિન ગ્લાયકોલ જેવા તત્વો જોવા મળે છે. તેવો વર્લ્ડ હેલ્થ ઓર્ગેનાઈઝેશન (WHO)ના રિપોર્ટમાં સામે આવ્યું છે. જેને પગલે આ દવાના વધુ પ્રમાણમાં લેવાથી નુકસાન થઈ શકે છે. કફ સીરપની આડ અસરોની વાત કરવામાં આવે તો હૃદયના ધબકારા વધવા, ચક્કર આવવું, ચક્કર આવવું, રતાંધળાપણુ ઉબકા, ઉલટી, ઊંઘમાં મુશ્કેલી, માથાનો દુખાવા સહિત આ રોગો થત્તા હોવાથી હૃદયને પણ વ્યાપક નુકસાન થાય છે.  

તો ડૉક્ટરની સલાહ લેવી જોઈએ

નિષ્ણાતોના મત મુજબ કોઈપણ દવા અથવા સીરપ લેતા પહેલા, તેના પર લખેલી વિગત ખાસ વાંચીને અભ્યાસ કરવો જોઈએ બાદમાં ડૉક્ટરની સલાહ લીધા પછી સીરપ ખરીદવી તથા ઉંમર સમસ્યાને આધિન ખરીદી કરવી યોગ્ય છે.વધુમાં ડૉક્ટરને માત્રા પૂછવા તથા ઉંમર પ્રમાણે ડોઝ અંગે માર્ગદર્શન મેળવવું જોઈએ.જો દવા લેવા છતાં સમસ્યાનો સુધારો ન થાય તો ડૉક્ટરની સલાહ લેવી જોઈએ.