જવાબદારી / જવાનની દેશભક્તિ જોઈ ભાવુક થયાં PM, G20 વખતે માતાનું હાર્ટએટેકથી મોત છતાંય ચાલું રાખી ડ્યુટી

• વડાપ્રધાન નરેન્દ્ર મોદીએ કર્યુ ડીનરનું આયોજન
• G-20 માં ફરજ બજાવનાર લોકો માટે કરાયું ડીનરનું આયોજન
• કર્મચારીઓ અને દિલ્હી પોલીસના જવાનો માટે ડિનરનું આયોજન કર્યું

 વડાપ્રધાન નરેન્દ્ર મોદીએ શનિવારે પ્રગતિ મેદાનમાં G-20 દરમિયાન ઉત્તમ ફરજ બજાવનારા કર્મચારીઓ અને દિલ્હી પોલીસના જવાનો માટે ડિનરનું આયોજન કર્યું હતું. ડિનર માટે તમામ વિભાગના કર્મચારીઓને બોલાવવામાં આવ્યા હતા. જેમાં કોન્સ્ટેબલથી લઈને ઈન્સ્પેક્ટર રેન્ક સુધીના 275 દિલ્હી પોલીસ કર્મચારીઓને બોલાવવામાં આવ્યા હતા. રાત્રિભોજન દરમિયાન વડા પ્રધાને વિભાગોના લોકોને તેમની ફરજના અનુભવો જણાવવા પણ કહ્યું હતું.

ઈન્સ્પેક્ટર સુરેશે જણાવ્યું કે તેમની ડ્યુટી ભારત મંડપમમાં હતી, જ્યાં દેશો વચ્ચે દ્વિપક્ષીય વાતચીત થઈ રહી હતી. 9 સપ્ટેમ્બરે તેમના પરિવારના સભ્યોએ માહિતી આપી હતી કે તેમની માતા ફૂલપતિ દેવી (74)ને હાર્ટ એટેક આવ્યો હતો. થોડા સમય બાદ તેમનું અવસાન થયું. આ સાંભળ્યા બાદ પણ તે હોસ્પિટલમાં ગયો ન હતો અને ફરજ બજાવતો રહ્યો. તેમની પાસે મુખ્ય સ્થળની સુરક્ષાની મહત્વની ફરજ હતી. તેણે તેના પરિવાર પહેલા પોતાનો દેશ પસંદ કર્યો અને ઘરે જતા પહેલા તેની જવાબદારીઓ ચાલુ રાખી. તેણે ફરજ બજાવવાનું ચાલુ રાખ્યું.

Delhi Police Inspector Suresh Kumar lost his mother due to a heart attack during the #G20Bharat summit at Bharat Mandapam. He had a critical duty of securing the main venue. He chose country first over his family and continued his responsibility before going home. Salute! 🇮🇳 pic.twitter.com/OpdQhbH30S

— Aditya Raj Kaul (@AdityaRajKaul) September 23, 2023

ઈન્સ્પેક્ટર સુરેશે જણાવ્યું કે તેમની જગ્યા એટલી સંવેદનશીલ જગ્યા પર છે કે તેઓ ડ્યુટી પોઈન્ટ છોડી શકતા ન હતા. અનુભવ સાંભળીને વડાપ્રધાન ભાવુક થઈ ગયા અને સુરેશ કુમારને કહ્યું કે તેમની માતા સ્વર્ગમાં ગયા છે. તેની માતાને ગર્વ થશે કે તેણે આવા પુત્રને જન્મ આપ્યો છે. વડાપ્રધાને કહ્યું કે દેશ માટે ફરજને પ્રાધાન્ય આપવા બદલ તેમને ગર્વ છે.