આર્ટિકલ 370 / જમ્મૂ એરપોર્ટ પર રોકવામાં આવ્યા ગુલામ નબી આઝાદ, દિલ્હી પરત મોકલાયા

Mehul

Last Updated: 08:09 PM, 20 August 2019

FOLLOW ON

શેર કરો

કોંગ્રેસના વરિષ્ઠ નેતા અને જમ્મૂ કાશ્મીરના પૂર્વ મુખ્યમંત્રી ગુલામ નબી આઝાદને મંગળવારે જમ્મૂ કાશ્મીર પર રોકી દેવાયા. એમને ન તો ઘરે જવા દેવાયા ન જમ્મૂ કાશ્મીર પ્રદેશ કોંગ્રેસ કમિટીની બેઠકમાં ભાગ લેવા માટે જવા દેવાયા. રાજ્યસભામાં વિપક્ષે નેતા ગુલામ નબી આઝાદને પાછા દિલ્હી મોકલી દેવાયા.

પ્રાપ્ત જાણકારી મુજબ, ગુલામ નબી આઝાદ દિલ્હીથી ફ્લાઇટ લઇને જમ્મૂ કાશ્મીર પહોંચ્યા હતા. બપોરે 2.55 વાગ્યે તંત્રના આદેશ પર એમની એરપોર્ટ પર ધરપકડમાં લેવામાં આવ્યા હતા. ગુલામ નબી આઝાદ જમ્મૂમાં કોંગ્રેસ કાર્યાલય પર આયોજિત પ્રદેશ કાર્યકારિણીની બેઠકમાં ભાગ લેવા જઇ રહ્યા હતા. જોકે, એમને એરપોર્ટથી બહાર નીકળવા ન દીધા.

એરપોર્ટ પર રોકવા પર ગુલામ નબી આઝાદે કહ્યું, 'લોકતંત્ર માટે આ યોગ્ય નથી. જો મુખ્યધારાની રાજનૈતિક પાર્ટીઓ પણ મુલાકાત નહીં લે તો કોણ લેશે? જમ્મૂ કાશ્મીરના ત્રણ પૂર્વ મુખ્યમંત્રી પહેલાથી જ નજરબંધ છે અને એક પૂર્વ સીએમને રાજ્યમાં ઘુસવા દેવામાં આવી રહ્યા નથી. આ અસહિષ્ણુતાના સંકેત છે.'

5 ઓગસ્ટે અનુચ્છેદ 370ની ઘણી જોગવાઇને હટાવાયા બાદ અને જમ્મૂ કાશ્મીરના વિભાજન બાદથી ઘણા નેતાઓની ધરપકડ કરવામાં આવી છે. પૂર્વ સીએમ ઉમર અબ્દુલ્લા અને મહેબૂબા મુફ્તી નજરબંધ છે.

સંકળાયેલા મુદ્દાઓ

Congress Party Ghulam Nabi Azad National News Political News jammu kashmir article 370