દુ:ખની ઘડી / 'દિલ સે બુરા લગતા હૈ' ડાયલોગથી ફેમસ થનાર કોમેડિયન દેવરાજ પટેલનું અકસ્માતે મોત, કોમેડી વીડિયો શુટ જ બન્યું નિમિત

• ફેમસ કૉમેડિયન દેવરાજ પટેલનું નિધન
• વીડિયો શૂટિંગ દરમિયાન જ ટ્રકે મારી ટક્કર
• ઘટનાસ્થળ પર જ નિપજ્યું મોત

છત્તીસગઢનાં ફેમસ કોમેડિયન દેવરાજ પટેલનું રોડ એક્સિડેન્ટમાં મૃત્યુ થયું છે. રાયપુરમાં કૉમેડી વીડિયો શૂટ કરવા જઈ રહ્યાં હતાં જે દરમિયાન ટ્રકે ટક્કર મારી દેતા તેમનું કરુણ મોત થયું હતું. 'દિલ સે બુરા લગતા હૈ' ડાયલોગથી દેશભરમાં પ્રસિદ્ધ એવા દેવરાજ પટેલનાં મૃત્યુ પર મુખ્યમંત્રી ભૂપેશ બઘેલે પણ પ્રતિક્રિયા આપી હતી.

“दिल से बुरा लगता है” से करोड़ों लोगों के बीच अपनी जगह बनाने वाले, हम सबको हंसाने वाले देवराज पटेल आज हमारे बीच से चले गए.

इस बाल उम्र में अद्भुत प्रतिभा की क्षति बहुत दुखदायी है.

ईश्वर उनके परिवार और चाहने वालों को यह दुःख सहने की शक्ति दे. ओम् शांति: pic.twitter.com/6kRMQ94o4v

— Bhupesh Baghel (@bhupeshbaghel) June 26, 2023

દેવરાજનાં નિધન પર CM ભૂપેશ પટેલે કર્યું ટ્વીટ
કૉમેડિયન દેવરાજ પટેલનાં અવસાન પર CM ભૂપેશ બઘેલે ટ્વીટ કરતાં કહ્યું કે 'દિલસે બુરા લગતા હૈ'થી કરોડો લોકોની વચ્ચે પોતાનું સ્થાન બનાવનારા, આપણને સૌને હસાવનારા દેવરાજ પટેલ આપણી વચ્ચેથી હવે જતાં રહ્યાં છે. આ અદ્ભૂત પ્રતિભાની ખોટ ઘણી દુ:ખદાયી છે. ઈશ્વર તેમના પરિવાર અને પ્રિયજનોને આ દુ:ખ સહન કરવાની શક્તિ આપે. ઓમ્ શાંતિ:'

 

 

 

 

View this post on Instagram

 

 

 

 

 

 

 

 

 

 

 

A post shared by Devraj Patel (@imdevrajpatel)

ઘટનાસ્થળ પર જ મોત
દેવરાજ મૂળ મહાસમુંદ જિલ્લાનાં રહેવાસી હતાં પરંતુ રાયપુર જિલ્લામાં વીડિયોનાં કામથી નિવાસ કરતાં હતાં. સોમવારે પણ તેઓ વીડિયો બનાવવા જ જઈ રહ્યાં હતાં ત્યારે રાયપુર શહેરનાં લાભાંડી વિસ્તારમાં સ્પીડમાં આવતી ટ્રકે તેમને ટક્કર આપી દીધી અને દેવરાજનું ઘટનાસ્થળ પર જ મોત નિપજ્યું. તેમનો પરિવાર પાલી ગામમાં રહે છે. દેવરાજનાં પિતા ઘનશ્યામ પટેલ ખેતી કરે છે.

ભુવન બામની સાથે વેબ સીરીઝમાં કર્યું છે કામ
યૂટ્યૂબ પર દેવરાજનાં 4 લાખ સબસ્ક્રાઈબર છે. તેમને વીડિયોમાં મિલિયન વ્યૂઝ મળતાં હતાં. તેઓ અલગ-અલગ વિષયો પર કૉમેડી વીડિયોઝ બનાવતાં હતાં. 2021માં દિલ્હીનાં ફેમસ કૉમેડિયન ભુવન બામની સાથે ઢિંઢોરમાં પણ તેઓ કામ કરી ચૂક્યાં છે. એટલું જ નહીં તેમણે છત્તીસગઢ સરકારની ડોક્યૂમેન્ટ્રી ફિલ્મોમાં પણ સતત કામ આપ્યું છે. મુખ્યમંત્રી બઘેલની સાથેનો તેમનો વીડિયો ઘણો વાયરલ થયો હતો.