- રાજ્યમાં ઠંડીને લઈને હવામાન વિભાગની આગાહી
- દિવાળીમાં બેવડી ઋતુનો અહેસાસ થશે
- રાજ્યમાં ઉત્તરપૂર્વ-પૂર્વના પવન ફૂંકાયા
- સૌથી વધુ ઠંડી કચ્છ જિલ્લામાં પડશે
ઓક્ટોબરના અંતથી જ આમ તો રાજ્યના કેટલાક શહેરોમાં ગુલાબી ઠંડીનો અહેસાસ થતો જોવા મળ્યો હતો. ત્યારે ગુજરાતમાં ઠંડીને લઈને હવામાન વિભાગે મહત્વની જાહેરાત કરી છે.
હવામાન વિભાગની મોટી આગાહી
હવામાન વિભાગે આગાહી કરતા કહ્યું કે, રાજ્યમાં ઉત્તરપૂર્વ-પૂર્વના પવન ફૂંકાવાની શરૂઆત થઈ ચૂકી છે માટે દિવાળીના તહેવારો દરમિયાન બેવડી ઋતુનો અહેસાસ થશે. આગામી 2 દિવસ દરમિયાન તાપમાન હજીપણ યથાવત રહેશે તો ત્યારબાદ પવનની દિશા બદલાશે અને લઘુતમ તાપમાનમાં ઘટાડો થશે.
કચ્છમાં સૌથી વધુ ઠંડી પડવાની વકી
ઉલ્લેખનીય છે કે, ગુજરાતમાં શિયાળાની ગુલાબી ઠંડીનો અહેસાસ થવાનો શરૂ થઇ ગયો છે. વહેલી સવારે અને ખાસ કરીને મોડી રાતે રાજ્યમાં ઠંડીનો ચમકારો વર્તાઇ રહ્યો છે. હવામાન વિભાગની આગાહી અનુસાર આવનારા 3 દિવસમાં 3 ડિગ્રી તાપમાન ઘટવાની શક્યતાઓ જણાઇ રહી છે. બેવડી સીઝનનાં કારણે લોકોએ હાલાકીનો સામનો પણ કરવો પડી શકે છે.તો આ વખતેપણ કચ્છમાં સૌથી વધુ ઠંડી પડવાની વકી છે.
ગુજરાતના આ શહેરોમાં ક્યાં કેટલી ઠંડીનો ચમકારો થઇ શકે
અમદાવાદ- 19 ડિગ્રી
ગાંધીનગર- 19 ડિગ્રી
સુરત- 22 ડિગ્રી
વડોદરા- 21 ડિગ્રી
રાજકોટ- 28 ડિગ્રી
અરવલ્લી- 20 ડિગ્રી
પંચમહાલ-19 ડિગ્રી
પાટણ- 19 ડિગ્રી
સાબરકાંઠા- 18 ડિગ્રી
કચ્છ- 20 ડિગ્રી
