ઉત્તરપ્રદેશ / યોગીની ટીમનો સૌથી મોટો માસ્ટર પ્લાન : 17 દેશોમાં કરશે રોડ શો, જાણો શું છે ઉદ્દેશ્ય

• યોગીની ટીમનો સૌથી મોટો માસ્ટર પ્લાન
• 17 દેશોમાં કરશે રોડ શો
• 10 લાખ કરોડનું રોકાણ લાવવાનો ટાર્ગેટ

મુખ્યમંત્રી યોગી 10 લાખ કરોડ રૂપિયાનું રોકાણ લાવવાની મુહિમમાં લાગી ગઇ છે. તેના માટે યોગી સરકાર આગામી વર્ષ ગ્લોબલ ઇન્વેસ્ટર્સ સમિટનું આયોજન કરી રહી છે. પ્રધાનમંત્રી નરેન્દ્ર મોદી આ સમિટની શરૂઆત કરશે. ત્રણ દિન થનારી આ સમિટમાં દેશ અને વિદેશના મોટા ઉદ્યોગપતિઓ ભાગ લેશે.

ઉત્તરપ્રદેશ સરકારે ગ્લોબલ ઇન્વેસ્ટર્સ સમિટમાં દેશ અને વિદેશના મોટા ઉદ્યોગપતિઓને લાવવા માટે માસ્ટર પ્લાન તૈયાર કર્યો છે. એટલા માટે ઉત્તરપ્રદેશનો ઇન્ડસ્ટ્રી વિભાગ સપ્ટેમબરથી 17 દેશોમાં રોડ શોની શરૂઆત કરશે. ઇન્ડસ્ટ્રી વિભાગના આલા અધિકારીઓએ આ રોડ શોની તૈયારીઓ પણ શરૂ કરી દીધી છે.

આ દેશોમાં રોડ શોની તૈયારી
જણાવાઇ રહ્યું છે કે વિદેશમાં થનારા રોડ શોની શરૂઆત દુબઈથી કરવામાં આવશે. આ સિવાય યૂનાઇટેડ કિંગડમ(UK), નેધરલેન્ડ્સ, જર્મની, ફ્રાન્સ, જાપાન, સિંગાપુર, સાઉથ કોરિયા, ઇઝરાયલ, ઑસ્ટ્રેલિયા, આસ્ટ્રેલિયા, યૂએઈ, અમેરિકા, કેનેડા, થાઈલેન્ડ, બેલ્જિયમ, સ્વીડન અને રશિયામાં પણ રોડ શોનું આયોજન કરવામાં આવશે.

યુપીમાં રોકાણના ફાયદા બતાવશે અધિકારી
આ રોડ શોનો ઉદ્દેશ્ય ઉદ્યોગસાહસિકોની પ્રદેશની નીતિઓને માહિતી આપવી અને અહીં રોકાણ માટે અસીમ સંભાવનાઓ અંગે જણાવવાનું રહેશે. રોડ શોની તૈયારીઓ માટે ઇન્ડસ્ટ્રી વિભાગના અધિકારી સતત એવા વિદેશી ઉદ્યોગ સાહસિકોના સંપર્કમાં છે, જે પ્રદેશમાં રોકાણ માટે ઇચ્છુક છે.

દિલ્હી સહિત આ શહેરોમાં પણ રોડ શો કરાવાશે
વિદેશ સિવાય મુંબઈ, અમદાવાદ, કોલકાતા, ચેન્નઈ, બેંગલુરૂ, હૈદરાબાદ અને દિલ્હીમાં પણ રોડ શો આયોજિત કરવામાં આવશે. ઉત્તરપ્રદેશના મુખ્ય સચિવે ગત દિવસોમાં આ રોડ શોના આયોજનની સમિક્ષા તરફથી આ પ્રોગ્રામને મંજૂરી આપી દીધી છે.

27 પૉલિસીમાં ફેરફારની તૈયારી
ઉલ્લેખનીય છે કે મુખ્યમંત્રી યોગી આદિત્યનાથે આગામી વર્ષે થનારા ગ્લોબલ ઇન્વેસ્ટર્સ સમિટમાં 10 લાખ કરોડ રૂપિયાથી વધુનું રોકાણ લાવવાનું લક્ષ્ય રાખ્યું છે. જણાવી દઇએ યૂપીમાં 2018માં થયેલા ઇન્વેસ્ટર્સ સમિટમાં 4.60 લાખ કરોડ રૂપિયાના એમઓયૂ સાઇન થયા હતા. હવે 10 લાખ કરોડ રૂપિયાના નવા રોકાણ યૂપીમાં લાવવા માટે 27 પૉલિસીમાં પણ કેટલીક પ્રકારના ફેરફાર કરવામાં આવી રહ્યા છે.

તમામ દેશની ભાષામાં નીતિઓનું અનુવાદ થશે
ઔદ્યોગિક નીતિ સહિત 27 સેક્ટોરલ નીતિઓનું અલગ અલગ ભાષામાં અનુવાદ કરાવવાનો નિર્ણય પણ કર્યો છે, જેથી વિદેશમાં રોડ શો દરમિયાન ત્યાંના રોકાણકારોને તેમની ભાષામાં નીતિઓના પત્ર આપી શકાય. પહેલા તબક્કામાં જર્મન, ફ્રેન્ચ, જાપાની, અંગ્રેજી સહિતની ભાષાઓમાં આ નીતિઓના અનુવાદની તૈયારી કરવામાં આવી છે.