- અદાણી-હિંડનબર્ગ કેસની તપાસ કરાવવા સરકાર તૈયાર
- સુપ્રીમને કરી જાણ, એક્સપર્ટ કમિટીની રચના કરવા આપી સંમતિ
- સુપ્રીમ આદેશ આપે તો સરકાર બનાવશે કમિટી
- અદાણી-હિંડનબર્ગ કેસની તપાસ કરાવવા માગે છે વિપક્ષ
- અમેરિકી ફર્મ હિંડનબર્ગે અદાણી સામે કર્યાં હતા ગંભીર આરોપ
અદાણી-હિંડનબર્ગ કેસમાં સોમવારે ફરી એકવાર સુપ્રીમ કોર્ટમાં સુનાવણી થઈ હતી. આ દરમિયાન સોલિસિટર જનરલ તુષાર મહેતાએ સરકાર તરફથી દલીલ કરી હતી. "જો કોર્ટ આ મામલે તપાસ સમિતિની રચના કરવા માંગે છે, તો અમને (સરકારને) કોઈ વાંધો નથી. એટલે કે અદાણી ગ્રુપની કંપનીઓ પર હિંડનબર્ગ રિપોર્ટના મામલામાં સુપ્રીમ કોર્ટની વિનંતી પર સરકારે તપાસ માટે એક્સપર્ટ કમિટીની રચના કરવા માટે પણ સહમતિ દર્શાવી છે.
સમિતિના સભ્યોના નામ કોર્ટમાં રજૂ કરશે
સરકાર બુધવાર સુધીમાં સીલબંધ પરબિડીયામાં સમિતિના સભ્યોના નામ કોર્ટમાં રજૂ કરશે. આગામી સુનાવણી શુક્રવારે થશે. આ સમય દરમિયાન સરકાર આ મામલે પોતાની દલીલોનું લિસ્ટેડ ટેબલ પણ અરજદારોને આપશે. સરકારે કોર્ટને દસ્તાવેજોની ગોપનીયતા જાળવવા જણાવ્યું છે.
સુપ્રીમ રચી શકે કમિટી
કોર્ટે સોલિસિટર જનરલને સીલબંધ પરબિડીયામાં સમિતિ માટે સૂચિત નામોની સૂચિ રજૂ કરવા જણાવ્યું હતું. સરકારે અરજદારોને અન્ય દલીલો પણ આપવી જોઈએ. સરકાર સંમત થઈ હતી કે આ મામલાની તપાસ માટે સંબંધિત બાબતો પર નિષ્ણાત સમિતિની રચના કરવામાં તેને કોઈ વાંધો નથી. તેના પર કોર્ટે તેમને કમિટીના સભ્યોના નામે પ્રસ્તાવ મોકલવાનું કહ્યું છે. અદાણી પર હિન્ડેનબર્ગ કમિટી પર સુનાવણી દરમિયાન સોલિસિટર જનરલ તુષાર મહેતાએ કહ્યું કે સેબી અને અન્ય નિયમનકારી સંસ્થાઓ આવી સ્થિતિનો સામનો કરવા માટે સંપૂર્ણપણે સક્ષમ છે. પરંતુ કોર્ટ તેના તરફથી કમિટી બનાવે તો પણ સરકારને કોઇ વાંધો નથી. કોર્ટે એસજી તુષાર મહેતાને બુધવાર સુધીમાં સરકારને જણાવવા કહ્યું હતું કે સમિતિમાં કોણ જોડાઈ શકે છે. હાલ સુનાવણી શુક્રવાર સુધી ટાળી દેવામાં આવી છે.
