મહામંથન / અમદાવાદમાં ઢોર અંકુશ પોલીસી આવી: રાજ્યના અન્ય શહેરો ક્યારે રખડતાં ઢોરને કાબૂમાં લેશે? જનતાને રાહત ક્યારે?

Vishal Khamar

Last Updated: 09:05 PM, 13 July 2023

FOLLOW ON

શેર કરો

હાઈકોર્ટ દ્વારા રખડતા ઢોર મુદ્દે AMC ની ઝાટકણી કાઢ્યા બાદ મ્યુનિસિપલ કોર્પોરેશનનાં અધિકારીઓ દ્વારા સત્વરે ઢોલ પોલિસી અમલમાં મુકી છે. હવે પોલિસીનો અમલ કેવો થાય છે તે જોવાનું રહ્યું.

અમદાવાદ અને રાજ્યના અન્ય મહાનગર કે હવે તો નાના શહેરો માટે પણ રખડતા પશુની સમસ્યા માથાનો દુખાવો બની ચુકી છે. રખડતા પશુ અંગે પોલિસી બનાવવા ગુજરાત હાઈકોર્ટ પણ વારંવાર કોર્પોરેશન અને સરકારની ઝાટકણી કાઢી ચુકી છે. છેલ્લે તો ગુજરાત હાઈકોર્ટે ત્યાં સુધી કહ્યું કે જો તમારાથી નીતિ ન બની શક્તી હોય તો લેખિતમાં આપી દો ત્યાર પછી અમે નીતિ નિર્ધારણ માટે કામ કરીશું. સરકાર દર વખતે લેખિતામાં સારા સારા જવાબો આપે છે. લાંબા સમયથી રખડતા પશુ અંગે પોલિસીની અમલવારીની વિચારણા હતી જેમાં હવે સુધારા વધારા સાથે સ્થાનિક સ્તરે અમદાવાદ મહાપાલિકાએ નવા નીતિ નિયમો સાથે ઢોર અંકુશ પોલિસી રજૂ કરી. પોલિસીના મુદ્દા કાગળ ઉપર ઘણા સારા છે પણ હંમેશની જેમ સંકલનનો અભાવ, નીતિની અમલવારીમાં ઉદાસીનતા જેવા મુદ્દા નડતરરૂપ બનતા હોય છે. સવાલ એ છે કે અમદાવાદમાં હવે રખડતા પશુ અંગેની નવી પોલિસીથી રખડતા પશુનો ત્રાસ અટકશે અથવા તો ઓછો થશે કે કેમ.. રાજ્યના અન્ય શહેરોએ સત્વરે આવી પોલીસીનો અમલ કરવાની જરૂરિયાત કેટલી.

અમદાવાદ મહાપાલિકાએ ઢોર અંકુશ પોલીસી અમલમાં મુકી
અમદાવાદમાં લાંબા સમયથી રખડતા પશુનો ત્રાસ હતો
રખડતા પશુથી અકસ્માત કે મૃત્યુ થયા હોય તેવા બનાવ વધ્યા

અમદાવાદ મહાપાલિકાએ ઢોર અંકુશ પોલીસી અમલમાં મુકી છે. અમદાવાદમાં લાંબા સમયથી રખડતા પશુનો ત્રાસ હતો. રખડતા પશુથી અકસ્માત કે મૃત્યુ થયા હોય તેવા બનાવ વધ્યા છે. લાંબા સમયથી રખડતા પશુને લઈને નક્કર નીતિ અમલમાં આવે તેવી માંગ હતી. અમદાવાદ મહાપાલિકા પણ લાંબા સમયથી નીતિ નિર્ધારણ માટે વિચારી રહી હતી. ગુજરાત હાઈકોર્ટે પણ રખડતા ઢોરના મુદ્દે કોર્પોરેશન, સરકારની ઝાટકણી કાઢી હતી. રખડતા પશુ ઉપર નિયંત્રણ મુકવાનો અમદાવાદ મહાપાલિકાનો પ્રયાસ હતો.

ઢોર અંકુશ પોલિસીમાં શું છે?