વાયરલ / દિલ્હીમાં છોકરાઓના મોબાઈલમાં જે ચેટ જોવા મળી તેનાથી સમગ્ર દેશ હચમચી ગયો, પેરન્ટ્સ માટે આંખ ઉઘાડનાર કિસ્સો

• #boyslockerroomની ચેટ વાયરલ
• ગ્રૂપમાં અપાતી હતી રેપની ધમકી, પેરન્ટ્સ માટે ચોકાવનારો કિસ્સો
• દિલ્હી પોલીસ સાઈબર સેલે ગુનો નોંધી તપાસ શરૂ કરી

દિલ્હી પોલીસે ઇન્સ્ટાગ્રામ પર થયેલી આ અભદ્ર ચેટ અંગેનો કેસ નોંધ્યો છે. ટ્વિટર પર સોમવારે સવારે #boyslockerroom ટ્રેન્ડિંગમાં રહ્યું. આ ઇન્સ્ટાગ્રામ પર બનાવેલા એક એકાઉન્ટનું નામ છે, જેના પર કેટલાક સ્કૂલના બાળકો અશ્લીલ ચેટ્સ કરી રહ્યા હતા. આ જૂથમાં છોકરીઓના ફોટોગ્રાફ્સ મૂકવામાં આવતા અને ગેંગરેપ કરવાની ધમકી આપવામાં આવતી હતી. એક ટ્વિટર યૂઝરે આ ગ્રૂપના સ્ક્રીન શોટ્સ લીધા અને તેને સોશ્યલ મીડિયા પર મૂક્યા.

લોકોએ કરી કાર્યવાહીની માંગ

આ પછી #boyslockerroom ટ્વિટર પર ટ્રેન્ડ થવાનું શરૂ થયું. લોકોએ આ જૂથ પર થયેલી ચેટ અંગે કાર્યવાહી કરવાની માંગ શરૂ કરી દીધી હતી. એવું કહેવાતું હતું કે આ જૂથનાં મોટાભાગનાં બાળકો દક્ષિણ દિલ્હીના છે. તે જ સમયે, સાઈબર સેલને દક્ષિણ દિલ્હી પોલીસ દ્વારા આ મામલાની તપાસ કરવા જણાવ્યું હતું.

કેસ નોંધીને તપાસ શરૂ કરવામાં આવી

આ પછી કેસમાં દિલ્હી પોલીસની સાઈબર સેલે અજ્ઞાત લોકોની વિરુદ્ધમાં કેસ નોંધ્યો. આઈટી એક્ટ 66 અને 67A ના આધારે તપાસ શરૂ કરવામાં આવી. દિલ્હી પોલીસે ઈન્સ્ટાગ્રામને લેટર લખ્યો અને ગ્રૂપમાંથી ચેટ ડિલિટ કરવાની માંગણી કરી છે. 

ઈન્સ્ટાગ્રામ પરથી ગ્રૂપ થયું ડીએક્ટિવ

આ કેસને ધ્યાનમાં રાખીને દિલ્હી મહિલા આયોગે દિલ્હી પોલીસને અને ઈન્સ્ટાગ્રામને નોટિસ જાહેર કરી છે. હવે ઈન્સ્ટાગ્રામ પર આ ગ્રૂપ ડીએક્ટિવેટ થયું છે. 

Breaking -

DCW chief @SwatiJaiHind issues notice to Instagram and Delhi Police in the matter of a group named "boys locker room" being used by some miscreants to share objectionable pictures of minor girls and planning illegal acts such as rape of minor girls. #boyslockerroom pic.twitter.com/PyzxGCv7kt

— Delhi Commission for Women - DCW (@DCWDelhi) May 4, 2020

સ્વાતિ માલીવાલે ટ્વિટ કર્યું છે કે ઈન્સ્ટાગ્રામ પર boys locker room નામના એક ગ્રૂપના સ્ક્રીન શોટ જોયા. આ હરકત ખૂબ જ અપરાધિક, બળાત્કારી માનસિકતાનું પ્રમાણ છે. કેસને ધ્યાનમાં લેતા પોલિસ અને ઈન્સ્ટાગ્રામને નોટિસ જાહેર કરી છે. આ ગ્રૂપના છોકરાઓ પણ એરેસ્ટ થવા જોઈએ. એક ખાસ નિર્ણયની અને સંદેશની જરૂર છે.