રજૂઆત / શું વાત છે! કોંગ્રેસ ઉમેદવાર માટે ભાજપે માંગી સુરક્ષા, SPને લખ્યો પત્ર; જાણો શું છે કારણ

• રાપરમાં કોંગ્રેસ ઉમેદવાર માટે પોલીસ સુરક્ષાની માગ
• રાપરના ભાજપ ઉમેદવારે સુરક્ષા આપવા માગ કરી
• કોંગ્રેસ ઉમેદવારને સુરક્ષા આપવા SPને લખ્યો પત્ર

ગુજરાત વિધાનસભાની ચૂંટણીને લઈ દરરોજ નવી બાબતો સામે આવતી હોય છે. જોકે હવે ભાજપના ઉમેદવારે કોંગ્રેસના ઉમેદવાર માટે પોલીસ સુરક્ષા માંગી હોવાનું સામે આવ્યું છે. વાત જાણે એમ છે કે, રાપર વિધાનસભા બેઠકના કોંગ્રેસ ઉમેદવાર માટે પોલીસ સુરક્ષાની માગ કરી છે. ભાજપના ઉમેદવારે SPને પત્ર લખી કોંગ્રેસ ઉમેદવારની સુરક્ષા આપવા માગ કરી છે. 

કચ્છની રાપર વિધાનસભા બેઠક ઉપર ભાજપે વિરેન્દ્રસિંહ જાડેજા તો કોંગ્રેસે બચુ અરેઠીયાને ટિકિટ આપી છે. આ દરમ્યાન હવે ભાજપના ઉમેદવાર વિરેન્દ્રસિંહ જાડેજાએ કોંગ્રેસના ઉમેદવાર બચુભાઈ આરેઠિયા માટે પોલીસ સુરક્ષાની માગ કરતાં અનેક તર્ક-વિતર્ક સર્જાયા છે. ભાજપના વિરેન્દ્રસિંહ જાડેજાએ SPને પત્ર લખ્યો છે.  

શું કહ્યું ભાજપના ઉમેદવારે ? 

કચ્છની રાપર વિધાનસભા બેઠકના ભાજપના ઉમેદવાર વિરેન્દ્રસિંહ જાડેજાએ SPને પત્ર લખ્યો છે. વિરેન્દ્રસિંહ જાડેજાએ SPને પત્ર લખી કોંગ્રેસ ઉમેદવાર બચુભાઈ આરેઠિયાને સુરક્ષા આપવા માગ કરી છે. આ સાથે કોંગ્રેસ ઉમેદવાર પોતાના પર હુમલો કરાવી શકે તેવો પણ પત્રમાં ઉલ્લેખ કર્યો છે. આ સાથે કોંગ્રે ઉમેદવાર હારી ભાળી ગયાનો પણ પત્રમાં ઉલ્લેખ કર્યો છે. 

ધારાસભ્ય સંતોકબહેન અરેઠીયાનો લોકોએ લીધો ઉધડો 

રાપર સીટ ઉપર કોંગ્રેસના વર્તમાન ધારાસભ્ય સંતોકબહેન અરેઠીયાનો લોકોએ રીતસરની ઉઘડો લીધો હતો. જેમાં સ્થાનિકોએ પાંચ વર્ષ સુધી એક પણ કામ ન કર્યા હોવાનો ગંભીર આક્ષેપ કર્યો હતો. આ સાથે સ્થાનિકે ધારાસભ્યને ચેલેન્જ આપી હતી કે, વિકાસના કામ બતાવો તો તમે કહોએ ખેસ પહેરીશ. કોંગ્રેસના ઉમેદવાર બાદ તેમના પત્ની ધારાસભ્ય સંતોકબેન પર પ્રજાના આક્રોશનો આ વિડીયો હાલમાં સોશિયલ મીડિયામાં વાયરલ થઈ રહ્યો છે.