આમંત્રણનો ઈન્કાર / ભાજપ નેતા દિલીપ સંઘાણીએ કોંગ્રેસનું ભાખ્યું ભવિષ્ય, કહ્યું પોલિટિકસ રમવામાં તમારો આ નિર્ણય ઘાતક સાબિત થશે

• કોંગ્રેસે રામ મંદિર પ્રાણ પ્રતિષ્ઠા મહોત્સવમાં જવાનો કર્યો ઈન્કાર
• ભાજપ નેતા દિલીપ સંઘાણીનું નિવેદન
• "રામ મંદિરમાં પણ દેખાય છે પોલિટિકસ"

Dilip Sanghani statement: અયોધ્યામાં રામમંદિરની પ્રાણ પ્રતિષ્ઠા પહેલા રાજકારણ ગરમાયું છે. રામલલાની પ્રાણ પ્રતિષ્ઠા સમારોહમાં કોંગ્રેસના અધ્યક્ષ મલ્લિકાર્જૂન ખડગે અને પૂર્વ અધ્યક્ષા સોનિયા ગાંધીને આમંત્રણ અપાયું હતું. જો કે કોંગ્રેસ હાઇકમાન્ડે આ આમંત્રણ ઠુકરાવી દેતાં ભાજપ અને કોંગ્રેસના નેતાઓના એકબીજા પર રાજકીય શાબ્દિક પ્રહારો ચાલી રહ્યાં છે. કોંગ્રેસના નિર્ણયને લઈને ભાજપ નેતા દિલીપ સંઘાણીનું નિવેદન સામે આવ્યું છે. કોંગ્રેસને રામ મંદિરમાં પણ પોલિટિકસ દેખાય છે તેવું તેમણે કહ્યું હતું. 

"કોંગ્રેસ માટે આ નિર્ણય ઘાતક સાબિત થશે"
ભાજપ નેતા દિલીપ સંઘાણીએ જણાવ્યું કે, કોંગ્રેસ માટે આ નિર્ણય ઘાતક સાબિત થશે તેમજ સ્થાનિક કાર્યકર્તાઓની આસ્થા સામે કોંગ્રેસની હવે અવદશા બેઠી છે. તેમણે કહ્યું કે, કોંગ્રેસની આ પરંપરા ચાલી આવે છે, કે, મંદિરના નિર્માણમાં ન આવવું તે. અગાઉ પણ નહેરૂ પણ સોમનાથ મંદિરમાં નહોતા આવ્યા. જેવા કારણોથી કોંગ્રેસની દૂરદશા થઈ છે, જે આપણે જોઈ રહ્યાં છીએ. વધુમાં કહ્યું કે, તેઓ ઈટાલીથી આવેલા છે એટલે ઈસાઈ ધર્મ પાળતા હોય એટલે કદાચ ન આવી શકે તે સમજી પરંતુ કોંગ્રેસ નહી આવે તે નિર્ણય કર્યો છે, તેનાથી કોંગ્રેસના દેશભરના અન્ય કેટલા  કાર્યકરો શ્રદ્ધાને ઠેસ પહોંચી. આ નિર્ણય કોંગ્રેસનો નથી પરંતુ વ્યક્તિગત નિર્ણય છે. 

વાંચવા જેવું:  'તમે છોટી કાશીમાં રહો છો, પરંતુ સંસ્કાર તમારામાં નથી', નામ લીધા વિના નણંદ નયનાબાએ રિવાબાની ઝાટકણી કાઢી નાખી

શક્તિસિંહ ગોહિલે શું કહ્યું હતુ
શક્તિસિંહએ જણાવ્યું હતું કે, હું હિન્દુ છું, શાસ્ત્રોમાં પણ છે તેમજ હિન્દુ ધર્મમાં સર્વોત્રમ નિર્ણય શંકરાચાર્ય મહારાજનો હોય છે. તેમનો નિર્ણય જે પણ હોય તે ફાઈનલ જ હોય છે. મંદિરનો કામ સંપૂર્ણ થયા પહેલા પ્રાણ પ્રતિષ્ઠા ન કરી શકાય તેમજ રામનવમી ભગવાન માટે ઉત્તમ દિવસ છે. પરંતુ આવું નહી. વધુમાં કહ્યું કે, આ રામ મંદિરનો કે ભગવાન રામનો પ્રશ્ન નથી, પરંતુ જેમાં ભાજપની ઈવેન્ટ થાય. તેનો પ્રશ્ન છે. તેમણે ઉમેર્યું કે, શંકારાચાર્ય મહારાજ ના પાડતા હોય તો કોઈ હિન્દુ આ વાત ઠાલવી શકે નહીં.