બિહાર / ઝઘડો, ફાયરિંગ અને ભીડહત્યા...: પાર્કિંગને લઈને થયેલી મગજમારીમાં ચાર લોકોના મોત

• બિહારના ઔરંગાબાદમાંથી એક ચોંકાવનારો કિસ્સો સામે આવ્યો છે. 
• કાર પાર્કિંગને લઈને બે પક્ષો વચ્ચેના વિવાદમાં ચાર લોકોના મોત થયા. 
• કાર સવારે પિસ્તોલ કાઢીને દુકાનદાર પર ગોળીબાર કર્યો હતો

અત્યારે એવો સમય છે કે દરેક નાની વાતો માટે લોકો એકબીજા સાથે બોલાચાલી કરવા લાગે છે અને આ બોલાચાલી મોટાભાગે ઝઘડાનું સ્વરૂપ ધારણ કરી લે છે. આવો જ એક ચોંકાવનારો કિસ્સો બિહારમાંથી સામે આવ્યો છે. 

#Bihar: Mujahid, Vakil, Arman, Mansuri, and Ajit Sharma from #Jharkhand had a dispute with locals, near Tetaria Mod, #Aurangabad, a local died due to a sudden firing. The furious #mob trying to lynch, 3 youths died, 4th being injured, while 5th Ajit Sharma is safe. pic.twitter.com/0uHM3GeH6o

— Mohammad Sartaj Alam (@SartajAlamIndia) January 15, 2024

બિહારના ઔરંગાબાદ જિલ્લામાં કાર પાર્કિંગને લઈને બે પક્ષો વચ્ચેના વિવાદમાં ચાર લોકોના મોત થયા હતા, જેમાંથી ત્રણ ઝારખંડના રહેવાસી હતા. ઔરંગાબાદના ડેપ્યુટી સુપરિન્ટેન્ડેન્ટ ઓફ પોલીસના જણાવ્યા અનુસાર, આ ઘટના નબીનગર વિસ્તારમાં બની હતી જ્યાં એક દુકાનદારે તેની દુકાનની સામે કાર પાર્ક કરવા સામે વાંધો ઉઠાવ્યો હતો. 

કારમાં ચાર લોકો બેઠા હતા. એ સમયે દુકાનદાર અને કારચાલક વચ્ચે બોલાચાલી એટલી વધી ગઈ કે કાર સવારે પિસ્તોલ કાઢીને દુકાનદાર પર ગોળીબાર કર્યો હતો. જો કે ગોળી દુકાનદારને વાગી ન હતી, પરંતુ તેની પાસે ઉભેલા એક વ્યક્તિને લાગી હતી. ગોળી લાગવાથી એ વ્યક્તિનું મોત થયું હતું જે બાદ બાદ સ્થાનિક લોકો રોષે ભરાયા હતા અને કાર સવારોને પકડીને માર મારવાનું શરૂ કર્યું હતું. 

#WATCH | Aurangabad, Bihar: On four people dying due to a parking dispute, CDPO Aurangabad, Enul Haq says, "... Parking a car outside a shop led to a scuffle between the driver and the shop owner. One person sitting inside the car took out his pistol and fired at the shopkeeper.… pic.twitter.com/WpchHcRyfT

— ANI (@ANI) January 15, 2024

આ સમગ્ર ઘટનામાં કારમાં મુસાફરી કરી રહેલા ત્રણ લોકોના પણ મોત થયા છે, જ્યારે બેની સારવાર ચાલી રહી છે. આ સમગ્ર મામલામાં કુલ 4 લોકોના મોત થયા છે.

વધુ વાંચો: જનેતાનો દેહ ચિતા પર ત્રણ દીકરીઓ પૈસા માટે ઝઘડી! સ્મશાન પર 9 કલાક ચાલ્યો ડ્રામા

પાર્કિંગ વિવાદને લઈને આ બનાવની જાણ થતા જ નબીનગર પોલીસ ઘટના સ્થળે પહોંચી ગઈ હતી. ઝઘડો શાંત પાડ્યા બાદ પોલીસે ચારેય મૃતદેહોનો કબજો લઈ પોસ્ટમોર્ટમ માટે મોકલી આપ્યો હતો. જણાવવામાં આવી રહ્યું છે કે કારમાં સવાર તમામ લોકો પલામુના હૈદરનગરના રહેવાસી છે. હાલ પોલીસ આ મામલે વધુ તપાસ કરી રહી છે.