BIG BREAKING / ઉત્તરાખંડમાં મોટી દુર્ઘટના: ઉત્તરકાશીમાં નિર્માણાધીન ટનલ તૂટી, 50થી વધુ શ્રમિકો ફસાયા, રેસ્ક્યૂ ઓપરેશન શરૂ

• ઉત્તરાખંડમાંથી એક મોટા સમાચાર સામે આવી રહ્યા છે
• ઉત્તરકાશીમાં એક નિર્માણાધીન ટનલ તૂટી ગઈ  
• અકસ્માતમાં ડઝનબંધ મજૂરો ફસાયા હોવાની આશંકા  

ઉત્તરાખંડમાંથી એક મોટા સમાચાર સામે આવી રહ્યા છે. અહીં નિર્માણાધીન ટનલ તૂટી ગઈ છે. આ અકસ્માતમાં ડઝનબંધ મજૂરો ફસાયા હોવાની આશંકા છે. મીડિયા રિપોર્ટ્સ અનુસાર, નવયુગ કંપની બ્રહ્મખાલ-યમુનોત્રી નેશનલ હાઈવે પર સિલ્ક્યારાથી દાંડલગાંવ સુધી ટનલ બનાવી રહી હતી. આ ટનલ અચાનક તૂટી ગઈ છે. 

#Uttarakhand के उत्तरकाशी में निर्माणाधीन टनल का हिस्सा टूटा, बड़ी संख्या में मज़दूरों के फँसे होने की आशंका। सिलक्यारा-डंडालगांव के बीच सिलक्यारा की ओर से 150 मीटर आगे टनल टूटी। रेस्क्यू के लिए जिला प्रशासन के साथ SDRF, पुलिस की की टीमें मौके पर। pic.twitter.com/hd33dqeNvN

— Ajit Singh Rathi (@AjitSinghRathi) November 12, 2023

માહિતી મળતાની સાથે જ ઉત્તરકાશી જિલ્લા મુખ્યાલયથી રાહત અને બચાવ ટુકડીઓને દુર્ઘટના સ્થળ પર મોકલવામાં આવી હતી. ઘટના સ્થળે રાહત કાર્ય ચાલી રહ્યું છે. રિપોર્ટ્સનું માનીએ તો ભૂસ્ખલનને કારણે આ દુર્ઘટના બની હતી. ટનલની અંદર ફસાયેલા કામદારોને ઓક્સિજન પાઈપ દ્વારા ઓક્સિજન આપવામાં આવી રહ્યો છે. હાલમાં કોઈ જાનહાનિના સમાચાર નથી. 

#WATCH | Uttarakhand: A part of the tunnel under construction from Silkyara to Dandalgaon in Uttarkashi, collapsed. DM and SP of Uttarkashi district are present at the spot. SDRF, and Police Revenue teams are also present at the spot for relief work. Rescue operations underway. pic.twitter.com/hxrGqxWrsO

— ANI UP/Uttarakhand (@ANINewsUP) November 12, 2023

રિપોર્ટ્સ અનુસાર, ઉત્તરકાશી જિલ્લામાં બ્રહ્મખાલ-યમુનોત્રી નેશનલ હાઈવે પર સિલ્ક્યારાથી દાંડલગાંવ વચ્ચે નિર્માણાધીન ટનલનો એક ભાગ રવિવારે વહેલી સવારે અચાનક તૂટી ગયો હતો. આ અકસ્માતમાં ત્યાં કામ કરતા 50 જેટલા કામદારો અંદર ફસાઈ ગયા હતા. આ મામલાના સંદર્ભમાં, પોલીસે જણાવ્યું હતું કે અકસ્માત સવારે લગભગ 4 વાગ્યે સિલ્ક્યારા તરફ થયો હતો જ્યારે સાડા ચાર કિલોમીટર લાંબી નિર્માણાધીન ટનલનો લગભગ 150 મીટર ભાગ તૂટી ગયો હતો. ઉત્તરકાશીની પોલીસ તાત્કાલિક ઘટનાસ્થળે પહોંચી ગયા અને રાહત અને બચાવ કામગીરીની કમાન સંભાળી લીધી.

Update Visuals #Uttarakhand #uttarkashi https://t.co/GNVtvsU97C pic.twitter.com/WTR3uuLwSt

— DINESH SHARMA (@medineshsharma) November 12, 2023

રાહત કાર્ય ચાલુ છે
પોલીસ, નેશનલ ડિઝાસ્ટર રિસ્પોન્સ ફોર્સ, સ્ટેટ ડિઝાસ્ટર રિસ્પોન્સ ફોર્સ, ફાયર બ્રિગેડ, ઈમરજન્સી 108 અને નેશનલ હાઈવેઝ એન્ડ ઈન્ફ્રાસ્ટ્રક્ચર ડેવલપમેન્ટ કોર્પોરેશન લિમિટેડ (NHIDCL) ના કર્મચારીઓ, જે ટનલનું નિર્માણ કરી રહી છે, તે પણ સ્થળ પર બચાવ કાર્યમાં વ્યસ્ત છે. ચાર ધામ રોડ પ્રોજેક્ટ હેઠળ આ ઓલ-વેધર ટનલના નિર્માણથી ઉત્તરકાશીથી યમુનોત્રી ધામ સુધીની મુસાફરીમાં 26 કિલોમીટરનો ઘટાડો થશે.