તકલીફનો અંત / ગુજરાતમાં યુરિયા ખાતરની અછત મામલે મોટા સમાચાર, મોદી સરકારે કરી સહાયની જાહેરાત, જુઓ શું

• રાજ્યમાં યુરિયા ખાતરની અછત મામલે કેન્દ્ર સરકારનો મહત્વનો નિર્ણય
• કેન્દ્ર સરકાર ગુજરાતને વધારાનો યુરીયા ખાતરનો જથ્થો આપશે 
• ગુજરાતમાં સારા વરસાદના કારણે વાવેતરમાં વધારો 

રાજ્યમાં યુરિયા ખાતરની અછત મામલે કેન્દ્ર સરકાર દ્વારા ગુજરાતનાં ખેડૂતો માટે મહત્વનો નિર્ણય લીધો છે. જેમાં કેન્દ્ર સરકાર ગુજરાતને વધારાનો યુરીયા ખાતરનો જથ્થો આપશે. તેમજ કેન્દ્ર સરકાદ ગુજરાતને વધારાનો 15 હજાર મેટ્રિક ટન યુરિયાનો જથ્થો આપશે. ત્યારે રાજ્ય સરકાર પાસે હાલ 2.55 લાખ મેટ્રિક ટન યુરિયાનો જથ્થો ઉપલબ્ધ છે. રાજ્યને ફાળવાયેલા કુલ 8.61 લાખ મેટ્રિક ટનમાંથી 6.22 લાખ મેટ્રિક ટનનો ઉપયોગ થયો છે. ગુજરાતમાં સારા વરસાદનાં કારણે વાવેતરમાં વધારો થયો છે. સારા વરસાદથી વાવેતર ગત વર્ષ કરતા ચાલુ વર્શે 61 ટકા થયું છે. 

યુરિયા ખાતરની સંગ્રહ ખોરી ન થાય તે માટે તંત્ર સજાગ
યુરીયા ખાતરનાં જથ્થાને લઈને કૃષિ નિયામક એસ.જે.સોલંકીએ જણાવ્યું હતું કે,  એના માટે પણ અમારા જીલ્લાનું વહીવટી તંત્ર પણ સજાગ છે. તેમજ તેનું ડાયવર્ઝન ન થાય તે માટે પણ સતત કાર્યવાહિ ચાલુ છે. અને છેલ્લા ત્રણ મહિનામાં 12 જેટલી એફઆઈઆર કરી છે તેમજ 11 જેટલી એફઆઈઆર પ્રગતિમાં છે. ત્યારે યુરિયા ખાતરની સંગ્રહ ખોરી પણ ન થાય તે માટે પણ તંત્ર સજાગ છે.