ગુજરાત ચૂંટણી / હિમાચલમાં બળવાખોર નેતાઓ બન્યા આડખીલીરૂપ, પણ ગુજરાતમાં BJPને નો-ટેન્શન, સમજો સમીકરણ

• ભાજપને નવું રેકોર્ડ બનાવવાનો લક્ષ્ય
• હિમાચલ અને ગુજરાતની ચૂંટણીમાં મોટો અંતર
• બળખોર નેતાઓથી ભાજપને થશે નુકસાન!

દેશમાં બે રાજ્યમાં ચૂંટણીનો માહોલ જામ્યો છે. હિમાચલ પ્રદેશમાં મતદાન થઈ ગયો છે જેના પરિણામ ગુજરાતના ચૂંટણી પરિણામ સાથે જ આવશે. ગુજરાતમાં મતદાનની  1 અને 5 ડિસેમ્બરે થવાનો છે. હિમાચલ પ્રદેશમાં ભાજપ અને કોંગ્રેસ વચ્ચે રાજકીય જંગ છે જ્યારે ગુજરાતમાં ભાજપ, કોંગ્રેસ અને આમ આદમી પાર્ટી વચ્ચે જંગ જામ્યો છે. બંન્ને રાજ્યમાં ભાજપે ઘણા સીટીગ ધારાસભ્યોની  ટિકિટો કાપી છે જેના કારણે ટિકિટ ન મળતા બળવો કરનારની સંખ્યા પણ વધી ગઈ છે. હિમાચલમાં 15થી વધુ બળખોર નેતાઓએ ચૂંટણી લડી ભાજપને મુશ્કેલીમાં મૂકુ દીધુ છે. ગુજરાતમાં પણ ભાજપે ટિકિટ ન આપતા બળવો કરી અપક્ષ ઉમેદવારી નોંધાવી છે તેવા સાત નેતાઓને પક્ષે સ્પેન્ડ કર્યા છે.

ભાજપને નવું રેકોર્ડ બનાવવાનો લક્ષ્ય 
ચૂંટણીમાં દરેક રાજકીય પક્ષને એક એક બેઠક મહત્વપૂર્ણ હોય છે. પરંતું હિમાચલ પ્રદેશની જેમ ગુજરાતમાં બળવાખોર નેતાઓથી ભાજપ ડરતી ન હોય તેવું લાગી રહ્યું છે. જેના પરથી માની શકાય છે છેલ્લા 27 વર્ષથી ગુજરાતમાં ભાજપનું શાસન અને અને ગુજરાતમાં તેની મજબુત પક્કડ ગણાવી શકાય છે. હિન્દુત્વ, વિકાસ અને નવા ચહેરાઓની મદદથી ભાજપ આ વખતે ગુજરાતમાં નવું રેકોર્ડ બનાવવાની પ્રયત્ન કરી રહી છે. વડાપ્રધાન નરેન્દ્ર મોદી પોતે કહી ચૂક્યા છે કે, નરેન્દ્ર મોદીનો રેકોર્ડ ભૂપેન્દ્ર પટેલ તોડવાના છે. ભાજપનો આજ સુધી સારો પ્રફોમન્શ 2002માં નરેન્દ્ર મોદીના નેતૃત્વમાં થયું હતું. જ્યારે 127 બેઠકો ભાજપને મળી હતી. 1985માં માધવસિંહ સોલંકી નેનૃત્વમાં કોંગ્રેસે ગુજરાતમાં 149 બેઠકો જીતી હતી. ભાજપે આ વખતે ચૂંટણીમાં સીટિગ 31 ધારાસભ્યોની ટિકિટ કાપી નાંખી છે.

હિમાચલ અને ગુજરાતની ચૂંટણીમાં મોટો અંતર
ગુજરાતની સરખામણીએ હિમાચલ પ્રદેશ નાનો રાજ્ય છે. અહીં ફક્ત 68 વિધાનસભા બેઠક જ છે જ્યારે ગુજરાતમાં 182 બેઠકો છે. હિમાચલમાં બળખોર નેતાઓએ ભાજપની ટેન્શન એટલા માટે વધારી છે કારણ કે ત્યા દરેક વખતે સરકાર બદલવાનો ટ્રેન્ડ છે જ્યારે ગુજરાતમાં 27 વર્ષથી ભાજપની પક્કડ છે. 2017માં ભાજપને કોંગ્રેસ ખરી ટક્કર આપી હતી પરંતુ તેમાંથી ધીરે ધીરે પક્ષપલટો કરી ભાજપમાં જોડાયા હતા જેનાથી ભાજપ આ વખતે પક્ષના બળખોર નેતાઓથી ડરી રહી નથી. જો હિમાચલની વાત કરી તો ત્યાં ચોક્કસ ભાજપની ટેન્શન વધારી છે. કૃપાલ પરમારને તો વડાપ્રધાન મોદીને કોલ કરીને સમજાવવાની કોશિષ કરી હતી.