તમારા કામનું / Festival Shopping માટે ક્રેડિટ કાર્ડનો ઉપયોગ કરતા પહેલાં આટલું જાણી લેજો, રહેશો ફાયદામાં નહીં તો નુકસાન

• તહેવારોની સિઝનમાં ઘણા લોકો ઓનલાઈન શોપિંગ કરે છે 
• ખરીદી કરતી વખતે ક્રેડિટ કાર્ડનો કાળજીપૂર્વક ઉપયોગ કરો 
• ક્રેડિટ કાર્ડનો ઉપયોગ કરવાના ફાયદા અને ગેરફાયદાણએ ધ્યાનમાં રાખો 

તહેવારોની સિઝન શરૂ થઈ ગઈ છે અને આ સિઝનમાં લોકો ઘણી ખરીદી પણ કરે છે. એવામાં જો તમે તહેવારોની સિઝનમાં ખરીદી કરતી વખતે ક્રેડિટ કાર્ડનો ઉપયોગ કરો છો તો અમુક વાતોનું તમારે ખાસ ધ્યાન રાખવાની જરૂર છે.  જો ક્રેડિટ કાર્ડનો કાળજીપૂર્વક ઉપયોગ કરવામાં ન આવે તો લોકોને મુશ્કેલીનો સામનો કરવો પડી શકે છે. 

ખરીદી કરતી વખતે ક્રેડિટ કાર્ડનો કાળજીપૂર્વક ઉપયોગ કરો 
આજકાલ લોકો ડિસ્કાઉન્ટ અને ઓફર માટે અલગ અલગ કંપનીના ક્રેડીટ કાર્ડ વાપરતા હોય છે. લોકો અવરનાર ક્રેડિટ કાર્ડનો ખૂબ ઉપયોગ કરે છે. ક્રેડિટ કાર્ડના પણ ઘણા ફાયદા છે. આના દ્વારા, લોકોને ચૂકવણી કરવા માટે કેટલીક ક્રેડિટ મર્યાદા મળે છે. જેની મદદથી અગાઉથી પેમેન્ટ કરી શકાશે. સાથે જ ક્રેડિટ કાર્ડથી બીજા પણ ઘણા ફાયદા મળે છે. ક્રેડિટ કાર્ડના કેટલાક ગેરફાયદા હોવા છતાં તેની અવગણના કરવામાં આવે તો વધારાનો ચાર્જ પણ ચૂકવવો પડી શકે છે. આવી સ્થિતિમાં, ચાલો જાણીએ કે આ સિઝનમાં ખરીદી માટે ક્રેડિટ કાર્ડનો ઉપયોગ કરતી વખતે કઈ બાબતોનું ધ્યાન રાખવું જોઈએ.

બજેટ બનાવો
જ્યારે પણ તમે તહેવારોની સિઝનમાં ક્રેડિટ કાર્ડ દ્વારા શોપિંગ કરો છો ત્યારે બજેટ બનાવો. બજેટ બનાવ્યા વગર ખરીદી કરવાથી બજેટ બગડી શકે છે અને લોકોને લાભના બદલે આર્થિક બોજનો સામનો કરવો પડી શકે છે. આવી સ્થિતિમાં, ક્રેડિટ કાર્ડ દ્વારા એટલું જ શોપિંગ કરો જેટલું તમે ચૂકવી શકો છો.

ક્રેડિટ કાર્ડ લિમિટ
દરેક ક્રેડિટ કાર્ડની એક લિમિટ હોય છે. ચુકવણી માત્ર તે મર્યાદામાં કરવામાં આવે છે. આવી સ્થિતિમાં ખરીદી કરતી વખતે તમારે ક્રેડિટ કાર્ડ લિમિટનું ખૂબ ધ્યાન રાખો. એવું ન થવું જોઈએ કે તમે તમારી ક્રેડિટ કાર્ડ લિમિટ કરતાં વધુ ખરીદી કરવાનું શરૂ કરો. ક્રેડિટ કાર્ડની મર્યાદા કરતાં વધુ ખર્ચ કરવા પર તમારે દંડનો પણ સામનો કરવો પડી શકે છે.

રિવૉર્ડ અને ડિસ્કાઉન્ટ 
તમને ક્રેડિટ કાર્ડ દ્વારા ચૂકવણી કરવા પર ઘણા બધા રિવૉર્ડ અને ડિસ્કાઉન્ટ મળે છે. તહેવારોની સિઝનમાં લોકોને વિવિધ ઑફર્સ અને ડિસ્કાઉન્ટ પણ મળે છે. આવી સ્થિતિમાં જ્યારે પણ તમે ખરીદી કરો ત્યારે રિવૉર્ડ અને ડિસ્કાઉન્ટને ધ્યાનમાં રાખો જેથી કરીને તમે લાભ લઈ શકો.

યોગ્ય ક્રેડિટ કાર્ડનો ઉપયોગ કરો
બેંકો દ્વારા અલગ અલગ ક્રેડિટ કાર્ડ જારી કરવામાં આવે છે. તમારી પાસે એક કરતાં વધુ ક્રેડિટ કાર્ડ પણ હોઈ શકે છે. આવી સ્થિતિમાં ક્રેડિટ કાર્ડનો ઉપયોગ કરો જેના દ્વારા તમે ખરીદી કરતી વખતે વધુ લાભ મેળવી શકો.