છેતરપીંડી / સસ્તામાં મોબાઈલ ઓનલાઈન મંગાવતા પહેલા ચેતજો! નહીંતર ઘરે આવશે ઠગાઇનો પરફ્યુમ, નવી મોડસ ઓપરેન્ડી આવી સામે

• સુરતમાં મોબાઈલનાં બદલે પરફ્યુમ મોકલી છેંતરપીંડી કરતો ઠગ પકડાયો
• ક્રાઈમ બ્રાન્ચે રાંદેરમાંથી અફઝલ ખાંડા નામના શખ્સની અટકાયત કરી
• ઓનલાઈન મંગાવેલા મોબાઈલના પાર્સલમાં પરફ્યુમ મૂકી છેતરપીંડી કરતો હતો

 ઓનલાઈન ચીજ વસ્તુઓ મંગાવતા લોકો માટે ચોંકાવનારો કિસ્સો પ્રકાશમાં આવ્યો છે. ત્યારે સુરતમાં ઓનલાઈન મોબાઈલનાં બદલે પરફ્યુમ મોકલી છેંતરપીંડી કરતા ઠગ પોલીસનાં હાથે ઝડપાયો છે. આ ઠગ મોબાઈલનાં બદલે પરફ્યુમ મોકલી લોકો સાથે છેંતરપીંડી કરતો હોવાનું તપાસમાં સામે આવ્યું છે. આ ઠગ લોકોને સોશિયલ મીડિયા મારફતે સસ્તામાં મોબાઈલ આપવાની લાલચ આપી છેંતરપીંડી આચરતો હતો. 

ઓનલાઈન સસ્તા મોબાઈલની લોભામણી લાલચ આપી લોકો સાથે છેંતરપીંડી આચરતો
આ સમગ્ર બાબતે પોલીસનાં ધ્યાને આવતા ક્રાઈમ બ્રાન્ચ દ્વારા આ સમગ્ર મામલે તપાસ હાથ ધરતા ક્રાઈમ બ્રાન્ચે રાંદેરમાંથી અફઝલ ખાંડા નાનાં શખ્સની અટકાયત કરી હતી. તેમજ વધુ તપાસમાં પોલીસે કોમ્પ્યુટર અને પરફ્યુમ ભરેલા 70 થી વધુ કાર્ટૂન મળી આવતા પોલીસે તમામ મુદ્દામાલ જપ્ત કર્યો હતો. જે બાદ સુરત પોલીસ દ્વારા યુવકની પૂછપરછ હાથ ધરતા અફઝલ ઓનલાઈન મોબાઈલ વેચવાનાં બહાને લોકો સાથે છેંતરપીંડી આચરતો હતો.  તેમજ જે લોકો ઓનલાઈન મોબાઈલ મંગાવતા તેઓને મોબાઈલની જગ્યાએ પાર્સલમાં પરફ્યુમ મોકલી રૂપિયા પડાવવાનો નવિ કમીયો અજમાવ્યો હતો. 

આરોપી દ્વારા ગુજરાત બહારનાં લોકોને વધુ ટાર્ગેટ કરતો
અફઝલ ખાંડા દ્વારા સોશિયલ મીડિયામાં લોકોને સસ્તા મોબાઈલ આપવાની લોભામણી લાલચો આપી લોકો પાસેથી પૈસા પડાવતો હોવાનું પણ સામે આવ્યું છે. ત્યારે પોલીસ તપાસમાં ઝડપાયેલા શખ્શનાં અનેક ગુનાનો  ભેદ ઉકેલાય તેવી શક્યતા છે. ત્યારે આરોપી દ્વારા ગુજરાત બહારનાં લોકો સોફ્ટ ટાર્ગેટ હતો. ગુજરાત બહારમાં પોલીસ કેસ થવાની શક્યતા ઓછી હોય છે.