બ્રેકિંગ ન્યુઝ
લોકસભા ચૂંટણી 2024: પૂર્વ PAAS કન્વીનર અલ્પેશ કથીરિયા અને ધાર્મિક માલવિયા CR પાટીલની હાજરીમાં ભાજપમાં જોડાયા
લોકસભા ચૂંટણી 2024 / 'કોંગ્રેસ અને આપ પાર્ટીના લોકો જુઠ્ઠાણાં ચલાવે છે' અમિત શાહે વિપક્ષને આડે હાથ લીધું
લોકસભા ચૂંટણી: કેન્દ્રીય ગૃહમંત્રી અમિત શાહની ગોધરામાં વિજય સંકલ્પ સભા, જનસભામાં મોટી સંખ્યામાં લોકો ઉમટી પડ્યા
લોકસભા ચૂંટણી 2024: મુંબઈ નોર્થ સેન્ટ્રલથી પૂનમ મહાજનનું પત્તુ કપાયું, આતંકી કસાબને ફાંસી અપાવનારા ઉજ્જવલ નિકમને ભાજપે ટિકિટ આપી
સલમાન ખાન ફાયરિંગ કેસ: અનમોલ બિશ્નોઇ સામે લુકઆઉટ નોટીસ જાહેર
1983ના 41 વર્ષ જૂના કેસમાં દાઉદ ઇબ્રાહિમ દોષ મુક્ત
Malay
Last Updated: 10:02 AM, 5 September 2023
Surat News: ફોર વ્હીલ કારના માલિક અને ખરીદી કરનાર વ્યક્તિને વિશ્વાસમાં લઈ ફોર વ્હીલ કાર અપાવવાના બહાને કરોડોની છેતરપિંડી આચરનારા મહાઠગની મહિધરપુરા વિસ્તારમાંથી પોલીસે ધરપકડ કરી કાયદેસરની કાર્યવાહી હાથ ધરી હતી. પોલીસ તપાસમાં આરોપી અગાઉ રાજ્યના અલગ અલગ જિલ્લાના પોલીસ મથકોમાં નોંધાયેલા નવ જેટલા ગુનામાં ઝડપાઇ ચુક્યો છે. જ્યારે અન્ય દસ જેટલા ગુનામાં આરોપી વોન્ટેડ હોવાનું બહાર આવ્યું છે. જ્યાં આરોપીનો કબજો મોરબી પોલીસને સોંપવામાં આવ્યો છે. પોલીસ તપાસમાં ચોકાવનારી બાબત એ સામે આવી છે કે આ મહાઠગ દ્વારા હમણાં સુધી આ રીતે અલગ-અલગ લોકો સાથે અંદાજીત 3 કરોડની છેતરપિંડી આચરવામાં આવી છે.
એજન્ટ હોવાનું જણાવી કાર માલિકની મેળવી લેતો માહિતી
સુરતની મહિધરપુરા પોલીસે એક એવા મહાઠગની ધરપકડ કરી છે કે જે ફોર વ્હીલ કાર અપાવવાના બહાને લોકો સાથે છેતરપિંડી આચરતો હતો. આ ઠગ વિશે જણાવતા સુરત ઝોન 3ના ડિસીપી પિનાકીન પરમારે કહ્યું કે, મૂળ મહેસાણા જિલ્લાના વિસનગરનો રહેવાસી આરોપી પિયુષ મહેશ પટેલ OLX એપ્લિકેશનમાં કાર વેચાણની જાહેરાત જોતો હતો. ત્યારબાદ ફોર વ્હીલના માલિકનો સંપર્ક કરી પોતે એજન્ટ હોવાની શાખ ઉભી કરતો હતો. જે બાદ કાર માલિકને ઊંચા ભાવે કાર વેચી આપવાનો વિશ્વાસ અને ભરોસો અપાવતો હતો. જ્યાં કાર માલિકની તમામ માહિતી ખૂબ જ ચાલાકીથી મેળવી લેતો હતો. જે શહેરમાં કાર વેચાણ હોય તે જ શહેરમાં ઓટો કન્સલ્ટનો વેપાર કરતાં વેપારીનો મોબાઇલ નંબર ગૂગલ મારફતે મેળવી લેતો અને ત્યારબાદ તેનો સંપર્ક કરતો હતો.
આંગડિયામાં પૈસા મંગાવી શહેર છોડી દેતો
તેઓએ જણાવ્યું કે, જે કાર ખરીદ કરવાનું નક્કી થયેલ હોય તે કારના ફોટા તેમજ ડીટેલ્સ વેપારીને મોકલી આપતો હતો. જે કાર જોવા માટે ખરીદનાર વેપારીને વેચાણ કરનાર પાર્ટી પાસે મોકલી આપતો હતો. જ્યાં કારના ભાવ બાબતે કોઈપણ વાતચીત ન કરવાનું જણાવી કાર પસંદ આવે તો તેઓને કારની ડીલેવરી પેમેન્ટ આવ્યાના બેથી ચાર કલાકમાં મળી જશે તેવું આશ્વાસન આપતો હતો. ત્યારબાદ નક્કી થયેલા રૂપિયા કાર ખરીદ કરનાર પાસેથી આંગડિયા પેઢી મારફતે મેળવી છેતરપિંડી આચરતો હતો.રૂપિયા જેવા આરોપી પાસે આંગડિયા મારફતે આવી જતા હતા તે જ ક્ષણે આરોપી જે તે શહેર છોડી અન્ય શહેરમાં ચાલ્યો જતો હતો.
અનેક પોલીસ સ્ટેશનમાં નોંધાઈ ચૂક્યા છે ગુના
ડિસીપી પિનાકીન પરમારે કહ્યું કે, પોલીસ તપાસમાં આરોપી પિયુષ મહેશ પટેલ સામે મોરબી, અમદાવાદ, ગાંધીનગર, રાજકોટ, પોરબંદર, કચ્છ, ગાંધીધામ, વલસાડ સહિત જિલ્લાના અલગ-અલગ પોલીસ સ્ટેશનોમાં ગુના નોંધાઈ ચૂક્યા છે. જે ગુનામાં હાલ આરોપી વોન્ટેડ છે. આ સિવાય અગાઉ આરોપી પિયુષ પટેલ સોલા હાઇકોર્ટ પોલીસ સ્ટેશન, સેટેલાઈટ પોલીસ સ્ટેશન, રાજકોટ, ગાંધીનગર, અમદાવાદ અને અમદાવાદના બોપલ પોલીસ સ્ટેશનમાં આ પ્રકારની છેતરપિંડી કેસમાં પોલીસના હાથે ઝડપાઈ ચુક્યો છે.
3 કરોડની આચરી છે છેતરપિંડી
પોલીસની પૂછપરછમાં આરોપીએ અત્યાર સુધીમાં 22 જેટલા વ્યક્તિઓ પાસેથી અંદાજિત 3 કરોડ રૂપિયા જેટલી રકમ પડાવી છેતરપિંડી આચરી હોવાનું બહાર આવ્યું છે. જેમાં સુરત, , ભાવનગર, બોટાદ, અમદાવાદ, જામનગર, ભરૂચ, નવસારી, બીલીમોરા, વાપી, વડોદરા, આણંદ સહિત અન્ય જિલ્લાના લોકો સાથે છેતરપિંડી આચરી છે. હાલ તો મહિધરપુરા પોલીસે આરોપી વિરુદ્ધ મોરબી પોલીસ સ્ટેશનમાં ગુનો નોંધાયો હોવાથી કબજો મોરબી પોલીસને સોંપી કાયદેસરની કાર્યવાહી હાથ ધરી છે.
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir
પ્રચાર
ટોપ સ્ટોરીઝ
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir