ચેતજો / સ્માર્ટ ટીવી ખરીદતા પહેલાં જાણી લો આ વાતો, નહીં તો આવશે પસ્તાવવાનો વારો!

• સ્માર્ટ ટીવીની જરૂરિયાતને સમજો
• સ્માર્ટ ટીવી ખરીદતા પહેલાં જાણી લો આ વાતો
• સ્માર્ટ ટીવીની સાથે આવી શકે છે અનેક સમસ્યાઓ

પહેલાં તો સમજો કે શું હોય છે સ્માર્ટ ટીવી?

સ્માર્ટ ટીવીનો સરળ અર્થ એ છે કે તેમાં ઓપરેટિંગ સિસ્ટમ હશે અને તમે તેને ઇન્ટરનેટથી કનેક્ટ કરી શકશો. સ્માર્ટ ટીવીએ તમારા સ્માર્ટફોન જેવું છે. જે રીતે તમે આ ટીવીમાં ઇન્ટરનેટ ચલાવી શકો છો અને ગૂગલ, એમેઝોન પ્રાઇમ વિડિયો જેવી એપ્લિકેશનો ઇન્સ્ટોલ કરી શકશો. આજકાલ સ્માર્ટ ટીવી બજારમાં એન્ડ્રોઇડ ઓપરેટિંગ સિસ્ટમવાળા ટીવીઓનું વર્ચસ્વ છે. હાલમાં, એન્ડ્રોઇડ, સેમસંગના ટાઇજેન અને એલજીના વેબઓએસ જેવી ઓપરેટિંગ સિસ્ટમ્સવાળા સ્માર્ટ ટીવી છે.

મોંઘા અને સ્માર્ટ ટીવીમાં નથી આવતી મુશ્કેલી

સસ્તા સ્માર્ટ ટીવી ખરીદવા એ હંમેશા નુકસાનનો સોદો હોય છે, કારણ કે સસ્તા સ્માર્ટ ટીવીમાં નબળા પ્રોસેસરો સાથે ઓછી રેમ અને સ્ટોરેજ પણ મળે છે. આવી સ્થિતિમાં તમારે થોડા સમય પછી સમસ્યાઓનો સામનો કરવો પડે છે. થોડા મહિના પછી અપડેટ્સ મળવાનું બંધ થાય છે. આવી સ્થિતિમાં તમારા ટીવીમાં ઇન્સ્ટોલ કરેલી એપ્લિકેશનમાં ઘણી સુવિધાઓ જોવા મળતી નથી અને કેટલીક વાર આ એપ્સ કામ કરવાનું બંધ પણ કરે છે. ધીરે ધીરે તમારો ટીવી કામ કરવાનું બંધ કરે છે. ઘણી વખત ટીવી પણ ક્રેશ થાય છે. સસ્તા ટીવી લોંચ કરનારી કંપનીઓ નેટફ્લિક્સ, હોટસ્ટાર અને એમેઝોન જેવી કંપનીઓને તેમની ટીવી ઓપરેટિંગ સિસ્ટમોને ટેકો આપતી એપ્લિકેશનો બનાવવા માટે સક્ષમ નથી. 

તમારે શું કરવું જોઈએ?

જો તમારે ખરેખર સ્માર્ટ ટીવી જોઈએ છે, તો તમે સ્માર્ટ ટીવીને બદલે એમેઝોન ફાયર સ્ટિક, ગૂગલ ક્રોમકાસ્ટ અથવા એપલ ટીવી લઈ શકો છો.  કારણ કે આ ઉપકરણોમાં કસ્ટમ સોફ્ટવેર છે. ફાયર સ્ટીક સાથે એક અલગ રીમોટ છે અને ઘણી એપ્લિકેશનોની એક્સેસ છે. ગૂગલ ક્રોમ કાસ્ટની મદદથી તમે તમારા એલઇડી ટીવી પર તમારા ફોન પરની સામગ્રી સરળતાથી જોઈ શકો છો.