રાજીનામુ / BCCIના CEO રાહુલ જોહરીએ આપ્યું રાજીનામુ, અધ્યક્ષ ગાંગુલીએ કહ્યું, નથી મળ્યું કોઇ આવેદન

Mehul

Last Updated: 09:18 PM, 16 February 2020

FOLLOW ON

શેર કરો

બીસીસીઆઇના મુખ્ય કાર્યકારી અધિકારી (CEO) રાહુલ જોહરીના રાજીનામા પર બોર્ડની તરફથી હાલ કોઇ જવાબ આવ્યો નથી. થોડોક સમય પહેલા પોતાનું રાજીનામુ બોર્ડને આપનાર જોહરીને આ પદથી કાર્ય મુક્ત થવામાં થોડી વધારે રાહ જોવી પડી શકે છે.

BCCIના મુખ્ય કાર્યકારી અધિકારી રાહુલ જોહરીનું રાજીનામુ
જોહરીના રાજીનામા પર બોર્ડની તરફથી હાલ કોઇ જવાબ આવ્યો નથી
સૌરવ ગાંગુલીએ રાજીનામા વિશે કહ્યું કે તેઓને હજુ સુધી તેની કોપી મળી નથી

રાહુલ જોહરીની વર્ષ 2016માં આ પદ પર નિમણૂક કરવામાં આવી હતી. જોકે, જોહરીએ સુપ્રીમ કોર્ટ દ્વારા નિયુક્ત સંચાલકોની સમિતિના ગત વર્ષે ઓક્ટોબરમાં પદ છોડ્યા બાદ ખુદ પણ પોતાના પદ પરથી હટવાનો નિર્ણય લીધો હતો.

મુખ્ય કાર્યકારી અધિકારીનું પદ સંભાળ્યા બાદ જોહરી ઘણા મોરચા પર કામ કરી રહ્યા હતા. એમાંથી તેમના દ્વારા આઇપીએલ (IPL) બ્રોડકાસ્ટર અધિકારને સ્ટાર ઇન્ડિયાને 16,348 કરોડ રૂપિયામાં વેચવાનું પગલુ મહત્વપૂર્ણ હતું.

જોકે, બીસીસીઆઇ (BCCI) અધ્યક્ષ સૌરવ ગાંગુલીએ રાજીનામા વિશે કહ્યું કે તેઓને હજુ સુધી તેની કોપી મળી નથી અને તેના મળ્યા બાદ જ તેઓ યોગ્ય પગલા ભરશે. જ્યારે બોર્ડના કેટલાક અધિકારીઓએ કહ્યું હતું કે જોહરીનું રાજીનામુ જલ્દી જ સ્વીકાર કરવામાં આવશે પરંતુ તેમા થોડો સમય લાગશે.

સંકળાયેલા મુદ્દાઓ

BCCI Cricket News IPL rahul johri બીસીસીઆઇ Resignation