બ્રેકિંગ ન્યુઝ
VTV / વિશ્વ / BAPS Hindu Temple in UAE Prana Prestige 30 Features Make the Temple Stand Out View Timeline
Dinesh
Last Updated: 07:17 AM, 14 February 2024
ADVERTISEMENT
AbuDhabi Hindu Temple: અબુ ધાબીના ઐતિહાસિક BAPS હિન્દુ મંદિરના પ્રાણ પ્રતિષ્ઠા અને લોકાર્પણનો અવસર સમગ્ર વિશ્વ માટે સંવાદિતા, સ્નેહ અને સહિષ્ણુતાનો સંદેશ લઈને આવી રહ્યો છે. બી એ પી એસ સ્વામિનારાયણ સંસ્થાએ પોતાની અદભુત મેનેજમેન્ટ ક્ષમતા અને પવિત્ર હેતુ સાથે આ મંદિર નિર્માણ કર્યું છે. તારીખ 14 ફેબ્રુઆરીના રોજ એટલે કે, આજે પ્રાણ પ્રતિષ્ઠા વિધિ, ભારતીય સમય પ્રમાણે સવારે 8:45 પછી શરૂ થશે, જ્યારે સંધ્યા સમયે લોકાર્પણ સમારોહ ભારતીય સમય પ્રમાણે સાંજે 6 થી 9:50 દરમિયાન યોજાશે.
ADVERTISEMENT
ગૌરવશાળી ક્ષણ
યુ. એ. ઈ. ના લાખો ભારતીયો આ ગૌરવશાળી ક્ષણ માટે રોમાંચિત છે. ભારતના વડાપ્રધાન નરેન્દ્રભાઇ મોદીએ 2015 અને 2018માં અહીં પધારીને આ મંદિરની વિધિવત જાહેરાત કરી ત્યારે અહીં વસતા આશરે 33 લાખ ભારતીયોમાં ઉત્સાહનું મોજું ફરી વળ્યું હતું. અત્રે ઉલ્લેખનીય છે કે, મંદિર માટેની ભૂમિનું ઉદાર દિલે યુ.એ.ઈના શાસકો દ્વારા દાન કરવામાં આવ્યું હતું. સાથે-સાથે અબુ ધાબીના ક્રાઉન પ્રિન્સ સમક્ષ જ્યારે મંદિર નિર્માણની ડિઝાઇન રજૂ કરવામાં આવી ત્યારે તેમણે શિખરબધ્ધ મંદિરનો વિકલ્પ પસંદ કર્યો હતો.
પૂજ્ય પ્રમુખ સ્વામી મહારાજ પ્રાર્થના કરતા શું ઉચ્ચાર્યું હતું
આ મંદિરના સંકલ્પમૂર્તિ પૂજ્ય પ્રમુખ સ્વામી મહારાજે 5 એપ્રિલ, 1997ના રોજ શારજાહના રણમાં પ્રાર્થના કરતાં ઉચ્ચાર્યું હતું. “અહીં અને વિશ્વમાં શાંતિ પ્રસરે, બધા ધર્મોનો પરસ્પર આદર વધે, બધા દેશો એકબીજા પ્રત્યેના પૂર્વગ્રહથી મુક્ત થાય, અને સર્વે પોતપોતાની આગવી રીતે પ્રગતિ કરે. અબુ ધાબીમાં મંદિર થાય, અને તે મંદિર દેશો, સંસ્કૃતિઓ, ધર્મો અને સમુદાયોને એકબીજાની નજીક લાવે.” 2015માં અબુ ધાબીના ક્રાઉન પ્રિન્સ અને ‘UAE આર્મ્ડ ફોર્સ’ના સુપ્રીમ કમાન્ડર શેખ મોહમ્મદ બિન ઝાયેદ નહ્યાને મંદિરના નિર્માણ માટે 13.5 એકર જમીન દાનમાં આપી હતી. ભારતના વડાપ્રધાન નરેન્દ્રભાઇ મોદી દ્વારા ફેબ્રુઆરી 11, 2018માં આ મંદિર પ્રોજેક્ટ લોન્ચ કરવામાં આવ્યો હતો. ત્યારબાદ જાન્યુઆરી 2019માં ‘યર ઓફ ટોલરન્સ’ દરમિયાન, યુ. એ. ઈ. ના શાસકો દ્વારા વધુ 13.5 એકર જમીન ફાળવી - કુલ 27 એકર જમીન મંદિર માટે ભેટમાં આપવામાં આવી હતી. આ મંદિરના સર્જક પૂજ્ય મહંત સ્વામી મહારાજે આજથી લગભગ ત્રણ વર્ષ પહેલાં 22 ડિસેમ્બર, 2020 ના રોજ આ મંદિર માટે આશીર્વાદ આપતાં કહ્યું હતું. “આ મંદિર પ્રેમ, શાંતિ અને સંવાદિતાનું ધામ બનશે. આ મંદિર દ્વારા લોકોના જીવન પરિવર્તનરૂપી ચમત્કારો સર્જાશે. શ્રદ્ધા, હકારાત્મકતા અને આધ્યાત્મિક એકતાનો નવો યુગ પ્રારંભ થશે.”
જાણો ટાઈમલાઇન
1997 | પરમ પૂજ્ય પ્રમુખસ્વામી મહારાજ દ્વારા મંદિર નિર્માણનો સંકલ્પ |
2015 | ભારતના વડાપ્રધાન નરેન્દ્રભાઇ મોદીએ UAEના મંદિરનિર્માણની પરવાંગીના ઐતિહાસિક નિર્ણયની જાહેરાત કરી |
2017 | અબુ ધાબીના ક્રાઉન પ્રિન્સ દ્વારા શાહી હુકમ દ્વારા મંદિર માટેની ભૂમિનું દાન |
2018 | અબુ ધાબીના ક્રાઉન પ્રિન્સ દ્વારા BAPSના સંતોને રાજવી મહેલમાં આવકાર, ભારતના વડાપ્રધાન નરેન્દ્રભાઇ મોદી દ્વારા અબુધાબીમાં મંદિર પ્રોજેક્ટ લોન્ચ કરવામાં આવ્યો |
2018 | ડિઝાઇન રિસર્ચ અને ડિઝાઇન મીટિંગ્સ |
2019 | BAPS હિન્દુ મંદિરનો શિલારોપણ સમારોહ |
2019 | મંદિરને ઐતિહાસિક લાઇસન્સ TH001 આપવામાં આવ્યું |
13 ફેબ્રુઆરી, 2020 | ફાઉન્ડેશનનો પ્રારંભ |
9 ઓગસ્ટ , 2021 | કુંભી પૂજન વિધિ |
9 નવે -16 નવે, 2021 | શિલા સ્થાપન વિધિ |
27 મે , 2022 | મહાપીઠ પૂજન વિધિ |
8 સપ્ટે - 10 સપ્ટે, 2022 | સૌપ્રથમ માર્બલ સ્થંભનું સ્થાપન |
18 એપ્રિલ, 2023 | સૌપ્રથમ શિખર શિલાનું સ્થાપન |
20 ઓકટોબર, 2023 | સાત શિખરોનું પૂજન |
29 નવેમ્બર, 2023 | અમૃત કળશ વિધિ |
11 ફેબ્રુઆરી, 2024 | ‘ફેસ્ટિવલ ઓફ હાર્મની’ નો પ્રારંભ |
14 ફેબ્રુઆરી, 2024 | પરમ પૂજ્ય મહંત સ્વામી મહારાજ અને ભારતના વડાપ્રધાન નરેન્દ્રભાઇ મોદી દ્વારા ઉદ્ઘાટન |
15 ફેબ્રુઆરી, 2024 | |
21 ફેબ્રુઆરી, 2024 | ‘ફેસ્ટિવલ ઓફ હાર્મની’ અંતર્ગત વિશિષ્ટ કાર્યક્રમોનું આયોજન |
મંદિર વિષયક માહિતી અને વિશેષતાઓ
પ્રાચીન સ્થાપત્ય શાસ્ત્રોથી લઈને આધુનિકતમ ટેકનોલોજીના વિનિયોગથી નિર્મિત અબુધાબી BAPS હિન્દુ મંદિરનું સર્જન આ મંદિરનું સર્જન અસંખ્ય અદભુત મહિતીઓ અને અનુભવોથી રોચક બન્યું છે.
વિસ્તાર: 27 એકર
મંદિર ઉપરાંત અન્ય સુવિધાઓમાં મંદિરમાં 3000 વ્યક્તિઓની ક્ષમતા ધરાવતો સભાગૃહ, કોમ્યુનિટી સેન્ટર, પ્રદર્શની, ક્લાસરૂમ અને મજલિસ હશે. મંદિરનું મોડેલ બનાવવા માટે 10 દેશોના, 30 પ્રોફેશનલ્સના 5000 માનવ કલાકો લાગ્યા છે. સૌ પ્રથમ વાર મંદિરનું ડિજિટલ મોડેલ બનાવી સિસ્મિક એનાલીસીસ કરવામાં આવ્યું છે. ગીન બિલ્ડિંગ - ફાઉન્ડેશનમાં 55% ફલાય એશ નો ઉપયોગ કરવામાં આવ્યો
મંદિર સ્થાપત્યની અન્ય વિશેષતાઓ
મંદિરની બહારની બાજુ રાજસ્થાનના ગુલાબી પત્થરોનો ઉપયોગ કરવામાં આવ્યો છે. મંદિરના અંદરના ભાગમાં ઇટાલિયન માર્બલનો ઉપયોગ કરવામાં આવ્યો છે. મંદિર તરફ જતા પથની આજુબાજુ આ મંદિરના સંકલ્પમૂર્તિ એવા પ્રમુખસ્વામી મહારાજના 96 વર્ષના પરોપકારી જીવનને અંજલિ રૂપે 96 ઘંટ લગાવવામાં આવ્યા છે. નેનો ટાઇલ્સનો ઉપયોગ કરવામાં આવ્યો છે, જે ગરમ વાતાવરણમાં પણ દર્શનાર્થીઓને ચાલવામાં અનુકૂળ રહેશે. મંદિરમાં ઉપર ડાબી બાજુએ 1997 માં પરમ પૂજ્ય પ્રમુખસ્વામી મહારાજે અબુધાબીમાં મંદિરનો સંકલ્પ કરેલો, તે દ્રશ્યને પત્થરોમાં કંડારવામાં આવ્યું છે. મંદિરમાં ઉપર જમણી બાજુએ 2019 માં પરમ પૂજ્ય મહંત સ્વામી મહારાજ શિલાન્યાસ પ્રસંગે પધાર્યા હતા, તે સમયની સ્મૃતિને કંડારવામાં આવી છે. મંદિરમાં કોઈ ferrous મટિરિયલ એટલે કે સ્ટીલ વગેરેનો ઉપયોગ કરવામાં આવ્યો નથી. મંદિરમાં વિવિધ પ્રકારના સ્થંભ જોઈ શકાય છે, જેમકે વર્તુળાકાર, ષટ્કોણાકાર છે. પૃથ્વી, જળ, અગ્નિ, વાયુ, આકાશ વગેરે મૂળભૂત પંચ તત્વોની કોતરણી દ્વારા એક ડોમમાં માનવ સહ-અસ્તિત્વ અને સંવાદિતા દર્શાવવામાં આવી છે. એક વિશિષ્ટ સ્તંભ છે, જેને ‘Pillar of pillars’ કહે છે, તેમાં 1400 જેટલાં નાના સ્તંભ કોતરવામાં આવેલા છે. આ સ્તંભને તૈયાર કરવામાં 12 કારીગરોને એક વર્ષ લાગ્યું હતું.
મંદિરની મુલાકાત કોણ લઈ શકે?
વિશ્વભરના અન્ય તમામ BAPS મંદિરોની જેમ, આ મંદિર સૌ કોઈ માટે ખુલ્લું છે.
મંદિરને પ્રાપ્ત એવોર્ડસ્
વૉલ ઓફ હાર્મની
હાર્મની શબ્દ વિશ્વની પ્રાચીન અને અર્વાચીન એમ 30 ભાષાઓમાં કંડારવામાં આવ્યો છે. આ સુંદર મંદિર વિશ્વના અનેક પૃષ્ઠભૂમિના, વિવિધ ધર્મોના હજારો લોકોના સહયોગથી રચાયું છે. તેટલા માટે જ આ ‘વૉલ ઓફ હાર્મની’ વાસ્તવમાં સંવાદિતાને ઉજાગર કરે છે. પવિત્ર નદીઓનો સંગમ – ગંગા, યમુના અને સરસ્વતી UAE સામાન્ય રીતે તેના વિશાળ રણ માટે જાણીતું છે, જ્યારે ભારત વિશ્વની અનેક મહાન અને પવિત્ર નદીઓની ભૂમિ છે. મંદિરમાં ગંગા, યમુના અને સરસ્વતી નદીઓનો સંગમ ભારત અને UAE વચ્ચે એક આધ્યાત્મિક, સાંસ્કૃતિક સેતુ પ્રસ્થાપિત કરે છે. આ ત્રણ નદીઓના ‘ત્રિવેણી સંગમ’ આગળ ‘દિવ્ય ચક્ષુ’ પ્રદર્શિત કરવામાં આવ્યું છે.
મંદિરમાં ઉપર જ્યાં ગંગા નદી પસાર થાય છે, ત્યાં વારાણસીની ઝાંખી કરાવે તેવો ઘાટ બનાવવામાં આવ્યો છે, જ્યાં બેસીને દર્શનાર્થીઓ સંધ્યા સમયે મંદિરને નિહાળી શકશે, આરતીનો લાભ લઈ શકશે.
વાંચવા જેવું: UAEના પ્રથમ હિન્દુ મંદિરમાં ગંગા-યમુનાના ઘાટનો થશે આભાસ, સંગમરમરની નકસી, ખાસિયતો અઢળક
સાત શિખરોમાં પ્રતિષ્ઠિત થનાર મૂર્તિઓ
સંકળાયેલા મુદ્દાઓ
વધુ વાંચો
PM Modi US visit / PM મોદી વ્હાઇટ હાઉસ પહોંચ્યા, ડોનાલ્ડ ટ્રમ્પ સાથે ઐતિહાસિક મુલાકાત
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.