- BoBએ રિટેલ ટર્મ ડિપોઝિટનાં વ્યાજદરોમાં કર્યો વધારો
- ત્રિરંગા ડિપોઝિટ પ્લસ સ્કીમનાં વ્યાજદરો પણ વધ્યાં
- આ સ્કીમ અંતર્ગત લોકોને વધુમાં વધુ 7.90% વ્યાજ મળશે
સાર્વજનિક ક્ષેત્રની બેંક ઓફ બરોડાનાં રિટેલ ટર્મ ડિપોઝીટનાં વ્યાજદરોમાં વધારો કરવામાં આવ્યો છે. બેંકે ચોક્કસ સમયાવધી માટે વ્યાજદરોમાં 0.3% વધારો કર્યો. તેમાં NRO અને NRI ટર્મ ડિપોઝિટ શામેલ છે. BOBએ માત્ર રિટેલ ટર્મ ડિપોઝિટ જ નહીં પરંતુ પોતાની 399 દિવસની સ્પેશિયલ બરોડા ત્રિરંગા પ્લસ ડિપોઝિટ સ્કીમનાં પણ વ્યાજદર વધાર્યાં છે.
કઈ સ્કીમ પર કેટલો વધ્યો વ્યાજદર?
બેંક ઓફ બરોડાએ 2 કરોડ રૂપિયાથી ઓછી રકમનાં ટર્મ ડિપોઝિટ પર વ્યાજને વધારીને 7.05% કર્યું છે. પહેલા આ વ્યાજ 6.75% હતું. નવા વ્યાજદર 2થી 3 વર્ષનાં ટર્મ ડિપોઝિટ માટે રહેવાનાં છે. વરિષ્ઠ નાગરિકો માટે આ વ્યાજદર 7.25%થી વધીને 7.55% રહેશે.એટલે કે બરોડા ત્રિરંગા પ્લસ સ્કીમની અંતર્ગત જમા રકમ 2 કરોડથી ઓછી છે તો સામાન્ય લોકોને 7.25 % જ્યારે સીનિયર સિટીઝનને 7.75 % પ્રમાણે વ્યાજ મળશે.
ત્રિરંગા ડિપોઝિટ પ્લસ સ્કીમનાં વ્યાજદરો વધ્યાં
બેંકે પોતાની આ સ્કીમનાં વ્યાજદરો વધાર્યાં છે. હવે આ સ્કીમ અંતર્ગત લોકોને વધુમાં વધુ 7.90% વ્યાજ મળી શકશે. જેમાં વરિષ્ઠ નાગરિકોને અલગથી મળનારા 0.50 % નાં વધારાનાં વ્યાજનો પણ સમાવેશ થઈ જાય છે. બેંકનાં વધારેલા વ્યાજદરો 12 મે થી લાગૂ થઈ ગયાં છે. BOB એડવાન્ટેજ FDનાં વ્યાજનાં દરોને 7.30% કરવામાં આવ્યાં છે. આ સ્કીમમાં સીનિયર સિટીઝનને 7.80% વ્યાજ મળશે. આ સ્કીમ અંતર્ગત ઓછામાં ઓછાં 15.01 લાખ રૂપિયા જમા કરવાનાં હોય છે.
