મંદિર / ગુફામાંથી મંદિર કેવી રીતે આવ્યા ભગવાન બદ્રીનાથ, જાણો આવા જ રહસ્યો

vtvAdmin

Last Updated: 12:19 PM, 11 May 2019

FOLLOW ON

શેર કરો

ભગવાન બદ્રીનાથની મૂર્તિ અંગે કહેવામાં આવે છે તે સ્વંયભુ છે. દ્વાપર યુગમાં ભગવાન શ્રીકૃષ્ણનો અવતાર થયો ત્યાં સુધી ભગવાન વિષ્ણુ સાક્ષાત દર્શન આપતા હતા. .

ભગવાને અવતાર ધારણ કરતા પહેલા પોતાને મૂર્તિ સ્વરૂપ પ્રગટ કર્યુ માટે જ આ જે પણ આ મૂર્તિને સાક્ષાત વિષ્ણુ સ્વરૂપ માનવામાં આવે છે.

- ભગવાન બદ્રીનાથની મૂર્તિ શાલિગ્રામ પથ્થરોથી બનેલી છે. શાલિગ્રામ ભગવાન વિષ્ણુનુ જ સ્વરૂપ માનવામાં આવે છે. જેને દેવી વૃંદાના શાપથી પથ્થરસ્વરુપ બનવું પડ્યું હતું.

- બદ્રીનાથની મૂર્તિ 1 મિટર એટલે 3.3 ફૂટ લાંબી છે. હિંદૂ અને બૌદ્ધ ધર્મના સંઘર્ષ દરમિયાન આ મૂર્તિના રક્ષણ માટે તેને મંદિર નજીક આવેલા નારદ કુંડમાં છુપાવી દેવાઇ હતી.

- 8મી સદીમાં શંકરાચાર્યને નારદકુંડમાં મૂર્તિની પ્રાપ્તિ ફરી થઈ. તેમણે એક ગુફામાં મૂર્તિને સ્થાપિત કરી જોકે મૂર્તિ તરત જ ત્યાંથી અંતધ્યાર્ન થઇ ગઇ હતી. જે પછી સંત રામાનુજાચાર્ચે આ મૂર્તિને ફરી સ્થાપિત કરાવી હતી.

- 16મી સદીમાં ગઢવાલ વિસ્તારના રાજાએ બદ્રીનાથ મંદિરનું નિર્માણ કરાવ્યુ અને મૂર્તિને ગુફામાંથી મંદિરમાં સ્થાપિત કરી.

- ભગવાન બદ્રીનાથની આ મૂર્તિને બદ્રીના ઝાડ નીચે એટલે કે બોરના ઝાડ નીચે સોનાના ચાંદરવાડાં સ્થાપિત કરવામાં આવી છે. ભગવાનની મૂર્તિ યોગમુદ્રામાં છે.

- ભગવાન બદ્રીનાથની આ મૂર્તિને ચાર હાથ છે. એક હાથમાં ચક્ર, એકમા શંખ અને 2 અન્ય હાથમાં તેમના ખોળામાં યોગ મુદ્રામાં સ્થિત છે.

- ભગવાન બદ્રીનાથની મૂર્તિમાં લલાટ ઉપર ખૂબ જ કિંમતી હીરો જડવામાં આવેલ છે.

- પદ્મ પુરાણ મુજબ ભગવાન વિષ્ણુએ અહીં મુડ નામના રાક્ષસનો વધ કર્યો હતો. ભગવાનની માયાથી અહીં જ એકાદશી દેવીનું પણ પ્રાગટ્ય થયુ હતુ.

બ્રહ્માજીએ કરી હતી મૂર્તિની સ્થાપના:

ભગવાન બદ્રીનાથની મૂર્તિના સંદર્ભમાં એક વાર્તા એવી પણ સાંભળવા મળે છે કે સતયુગના સમાપ્તિ સમયે સ્વયં બ્રહ્માજીએ ભગવાનની આ પ્રતિમાની સ્થાપના ગુફામાં કરી હતી. તેમજ કળીયુગના અંત સમયે નર અને નારાયણ પર્વતો એકબીજા સાથે મળી જશે ત્યારે બદ્રીનાથની પૂજા આદી બદ્રી મંદિરમાં કરવામાં આવશે.

સંકળાયેલા મુદ્દાઓ

Badrinath Temple Devotional Temple