- રાઘવજી પટેલે ગેરસમજમાં કરી ભૂલ!
- ચરણામૃત સમજીને પી ગયા દેશી દારૂ
- દેશી દારૂ ધરતી માતાને અર્પણ કરવાની પરંપરા
દરેક સમાજની આગવી પરંપરા હોય છે પરંતુ સમાજ સિવાયના વ્યક્તિને તે પરંપરાની સુપેરે માહિતી હોય એવું જરૂરી નથી. રાજ્ય સરકારના કૃષિ મંત્રી રાઘવજી પટેલ પણ તેમાથી બાકાત નથી રહ્યા. નર્મદાના ડેડિયાપાડામાં વિશ્વ આદિવાસી દિવસની ઉજવણીનો અવસર હતો જેમાં કૃષિમંત્રી પણ ઉપસ્થિત હતા. આદિવાસી સમાજની પરંપરા પ્રમાણે ધરતીમાતાને દેશી દારૂનો અભિષેક કરવામાં આવ્યો. જો કે કૃષિમંત્રીને એમ લાગ્યું કે આ પ્રસાદીમાં અપાતું ચરણામૃત હશે અને તેઓ દેશી દારૂની પ્રસાદીને ચરણામૃત સમજીને જ પી ગયા.
નિખાલસ ભાવે ભૂલ કબૂલી પણ ખરી
ત્યાર બાદ રાઘવજી પટેલને પોતાની ભૂલ ન માત્ર સમજાઈ પરંતુ નિખાલસ ભાવે ગરિમાને છાજે એ રીતે તેમણે તેની ભૂલને કબૂલી પણ ખરી. રાઘવજી પટેલે સાક્ષીભાવે કબૂલાત કરતા કહ્યું કે તેમને એવું લાગ્યું કે ચરણામૃતની પ્રસાદી આપવામાં આવી છે. ઘણી વખત એવું બનતું હોય છે કે નેતાઓ ભૂલ કરીને સમય રહેતા ભૂલને સ્વીકારતા પણ નથી. ત્યારે રાઘવજી પટેલે પોતાના પદની ગરિમાને છાજે એવું વર્તન કરીને સારુ ઉદાહરણ પુરુ પાડ્યું છે.
અહીંનાં રિતરિવાજોથી હું અજાણ છું, એટલે મેં ચરણામૃત ચાખ્યું
આ બાબતે કૃષિ મંત્રી રાઘવજી પટેલે જણાવ્યું હતું કે, મને આ પરંપરાઓ વિશે જાઝુ જ્ઞાન નથી. અહીંની જે વિધિ હોય, રીત રિવાજ હોય એનાથી હું અજાણ છું. પહેલી વખત હુ અહીયા આવ્યો છું. અમારે ત્યાં ચરણામૃત રૂપે હાથમાં આપતા હોય છે. એટલે મેં ચરણામૃત ચાખ્યું. પરંતું તે વાસ્તવમાં ધરતીમાં અર્પણ કરવાનું હતું. જે વાત મારા ખ્યાલ બહારની આ વાત હતી એટલે આવું થયું છે.
