તોળાઈ રહેલો ખતરો / પૃથ્વી તરફ ધસી રહ્યો છે તબાહીનો દેવતા, જોઈ લો સામે આવી પ્રથમ વખત તસવીર

• 6 માર્ચ આ એસ્ટરોઈડ પૃથ્વીની સાવ નજીકથી પસાર થશે
• ખગોળશાસ્ત્રીઓએ દોઢ કરોડ કિલોમીટર દૂરથી તસવીર ખેંચી
• પૃથ્વીથી 1 કરોડ 60 લાખ કિલોમીટરના અંતરેથી પસાર થશે. 

નાસાના વૈજ્ઞાનિકોનાAsteroid Apophis જણાવ્યાનુસાર, 6 માર્ચ આ એસ્ટરોઈડ પૃથ્વીની સાવ નજીકથી પસાર થશે. ખગોળશાસ્ત્રીઓએ વર્ચ્યુઅલ ટેલિસ્કોપની મદદથી લગભગ દોઢ કરોડ કિલોમીટર દૂરથી આ મહાવિનાશક એસ્ટરોઈડની તસવીર ખેંચી હતી. 

વર્ય્યુઅલ ટેલિસ્કોપ પ્રોજેક્ટે જણાવ્યું કે 8 વર્ષની દેખરેખ બાદ અમે એસ્ટરોઈડ એપોફિસની તસવીર ખેંચવામાં સફળતા મેળવી છે.અપોફિસ તમામ એસ્ટેરોઈડનો રાજા ગણાય છે. લગભગ 370 મીટર પહોળાઈ ધરાવતી આ ચટ્ટાન 48 વર્ષમાં ટકરાવાનો ખતરો છે.6 માર્ચે આ એસ્ટરોઈડના પસાર થવાની ઘટનાનું લાઈવ પ્રસારણ કરવામાં આવશે. 

પૃથ્વી સાથે ટકરાય તો 88 કરોડ ટન ટીએનટી વિસ્ફોટ જેવી અસર 

હવાઈ યુનિવર્સિટીના ખગોળશાસ્ત્રીઓએ જણાવ્યું કે આ એસ્ટેરોઈડ ઝડપથી ગતિ પકડી રહ્યો છે અને આગામી 48 વર્ષમાં આ પૃથ્વી સાથે ટકરાઈ શકે છે. જો પૃથ્વી સાથે ટકરાય તો 88 કરોડ ટન ટીએનટી વિસ્ફોટ જેવી અસર પડી શકે છે. 

મહાપ્રલય લાવનાર આ એપોફિસ એસ્ટેરોઈડનો યુનાની ભાષામાં અર્થ થાય છે તબાહીનો દેવતો. એસ્ટેરોઈડ એપોફિસ આગામી મહિને પૃથ્વીથી લગભગ 1 કરોડ 60 લાખ કિલોમીટરના અંતરેથી પસાર થશે. આ એસ્ટેરોઈડને ટેલિસ્કોપની મદદથી આસાનીથી જોઈ શકાશે.